Wp/chn/pʰupʰup
Phuphup əbə waxwax (Strigiformes) ixt kəlakəla ukuk, pi phuphup miłait khapa khanawi iliʔi. Phuphup musum khapa san pi qhawaq khapa pulakhli. Hayu łush puphup łaska q'wəlan, pi wik hayu phuphup łaska məkhmək pish. Hayu phuphup məkhmək tenas x̣ələl ikta, kakwa xulxul, k'wichadi pi inaphu. "Q'welq'wel" ixt nim pus hayas phuphup. Phuphup łaska x̣axw łaska latet 270° pus tiki. Wik phuphup mamuk nuwis pus qhawaq. Phuphup mamuk łaska lidu pus mamuk-mimalust łaska məkhmək, pi phuphup raund-məkhmək łaska məkhmək. Iləp-hayas ixt łuchman-phuphup kakwa ixt man-phuphup.
nim-ikta
[edit | edit source]iləp khapa 200 nim-ikta pus phuphup/waxwax łaska miłayt khapa khanawi iliʔi, bət kəphit 14 łaska miłayt wik saya yakwa:
Aegolius acadicus: ixt tenas blaun phuphup.
Aegolius funereus: ixt tenas pi blaun-pi-tk'up-ts'əm phuphup.
Asio flammeus: hayas pi blaun-pi-tk'up-ts'əm phuphup, pi yutskat yaka q'wəlan.
Asio otus: hayas pi blaun-pi-tk'up-ts'əm phuphup, pi yułq'at yaka q'wəlan.
Bubo scandiacus: (snu-kəlakəla) ixt hayas pi tk'up phuphup ukuk, pi yaka mamuk tenas khapa saya khul-iliʔi-iwa iliʔi.
Bubo virginianus: hayas pi blaun phuphup ukuk, pi hayas yaka q'wəlan.
Glaucidium californicum: tenas phuphup ukuk, pi gli-blaun yaka phik'w, tqup khanumakwst łiʔil t'səm k'wəthin.
Megascops kennicottii: (ixt-ixt antphuphup) gli pi blaun ukuk phuphup, pi łaska mamuk ixt x̣luima nuwis.
Otus flammeolus: ixt tenas pi ayaq phuphup ukuk. hayu ukuk phuphup miłait khapa spanyol-iliʔi, pi yaka chako yakwa khapa wam-iliʔi.
Strix occidentalis: blaun ukuk katsaq-hayas phuphup, pi yaka t'uʔan tenas tq'up ts'əm. łaska miłait khapa ulman stik-iliʔi.
Strix nebulosa: ixt hayu-hayas tq'up-gli phuphup ukuk.
Strix varia: blaun pi tq'up khanumakwst yułq'at ts'əm ukuk hayas phuphup.
Surnia ulula: ixt katsaq-hayas ukuk. Wik kakwa hayu phuphup, ukuk phuphup musum khapa pulakhli pi qhawaq khapa san.
Tyto furcata: tq'up ukuk phuphup, bət phil yaka phik'w, nanich ixt "təmtəm" khapa yaka latet.