Wp/chn/leshaf
.jpg)
wik nayka kəmtəks pus ɬush nsayka munk-x̣luyma "lisap" pi "pʰaʔ".
Lisap ixt ikta, pi hayu x̣ələl ikta kakwa kəlakəla chako tenas khapa lisap. Hayu kəlakəla mamuk tenas stik qənchix̣ mamuk haus pus łaska lisap. Hayu tilixam pi x̣luima x̣ələl ikta ɬaska məkhmək lisap. Kəlakəla, pi wəx̣t ulq' pi ɬaska kapxu, ɬaska mamuk-miɬait ɬaska lisap khapa iliʔi. Hayu x̣luima x̣ələl-ikta, kakwa pish pi shwiqhiq pi hayu inaphu, ɬaska mamuk ɬaska lisap khapa tsəqw. Qəx̣chi, wik dilet "lisap" khapa chinuk-wawa ukuk, əbə kəpit kakwa ukuk man yaka mamuk ukuk wawa ikta,[1] qhiwa hilu ixt q'əl-skin ɬaska. Hayu pish ɬaska mamuk hayu tausən lisap, pi wik hayu tenas-pish chako dilet hayas.
Igs ixt nim pus lephul yaka "lisap."
Aptha ixt nim pus samən yaka "lisap."
Phaʔ ixt nim pus khanawi pchix̣ tipsu ɬaska "lisap" pi khanawi x̣ələl ikta ɬaska "lisap".