Wp/chn/limoto
limoto əbə limuto (Ovis aries) ixt x̣ələl ikta. tilixam ɬaska munk limoto pus ɬaska yaqsu pi iɬwəli. limoto ɬaska chaku kʰapa limulo "mouflon", ixt x̣ələl ikta kʰapa Europe pi Asia. katsaq kʰapa 100 pi 350 lb./50 pi 150 kg. ixt limoto. limoto ɬaska t’uʔan ɬun-taɬləm-pi-makwst lita, pi ɬaska məkʰmək hayu tipsu-kʰapa-iliʔi. man-limoto pi ɬuchman-limoto ɬaska t’uʔan makwst stun sax̣ali ɬaska latet. tilixam, limulo kushu, pi lilu ɬaska məkʰmək limoto. anqati pi alta tilixam ɬaska munk kamuks pi q’əɬax̣ pus munk-kwansəm-saya lilu pi x̣luima x̣ələl ikta pus məkʰmək limoto. wix̣t alta tilixam ɬaska mamuk məskit, qwach, pi pʰuysən pus ukuk.