Wp/btm/Umar bin Khattab

From Wikimedia Incubator
< Wp‎ | btm(Redirected from Wp/btm/Umar)
Wp > btm > Umar bin Khattab
Jump to navigation Jump to search
'Umar bin al-Khattab
Pamimpin Alak-Alak namariman
(Amir al-Mu'minin)
Maso kakuasoan 23 Agustus 634 – November 7 644
Gorar singkop 'Umar bin al-Khattab
Arajaan al-Faruq ("Panyarak antara na peto dot najat")
Amir al-Mu`miniin ("Pamimpin Alak-Alak Namariman")
Sorang c.583
Mokkah, Jazirah Arab
Maninggal 3 November 644
Madinah, Jazirah Arab
Imokomkon Bariba siambirang mokom Nabi Muhammad, Al-Masjid al-Nabawi, Madinah[1]
Ipajolo Abu Bakar Ash-Shiddiq
Panggonti Utsman bin Affan
Kakuasoan khalifah Umar i maso ajayaanna, 644

'Umar bin Khattab marasal tingon Bani Adi, sala sada rumpun alak Quraisy, alak tarbahat i kota Mokkah atia i. Amangnia margorar Khattab bin Nufail Al Shimh Al Quraisyi dot inangnia Hantamah binti Hasyim, tingon Bani Makhzum.[2] 'Umar puna gorar na ilehen ni Nabi Muhammad ima Al-Faruq na artianna alak na bisa manyarak antara napeto dot najat. I jaman jahiliyah sabagas 'Umar tarmasuk i sabagas alak manonga, ia bisa mambaca dot manulis, na i maso i na jarang dope.

Biografi[edit | edit source]

Dompak so maragama Islam, Umar ima alak na lobi abiaran dot iargai ni alak Mokkah. Umar juo targorar manjadi sada paminum borat, sadebana suratan mandokon molo molo maso dompak so-Islam (Jahiliyyah), Umar najopan roana maminum anggur. Sidung manjadi sada Muslim, ia inda manjontik alkohol saotik pe, bope indape iturunkon larangan maminum khamar (na patenggenkon) sacara lidang.

Maragama Islam[edit | edit source]

Atia Nabi Muhammad S.A.W mangobarkon Islam sacara tarbuka i Mokkah, Umar nida nalumobi goyak niroana tu sia, sadebana surat mandokon molo kaum Muslim atia i mangakui molo Umar ima laon na lumobi i paretongkon kalai, hal on arani Umar na madung targorar na lobi malo manjadi ahli strategi porang dot sada prajurit na lobi beteng i satiop porang na unjung idohoti ia. Umar juo tarsurat manjadi alak na bahatna dot nadodasna mamake sinagogoan tuna manyekso pangiut Nabi Muhammad S.A.W.

I untuk goyak ni roana tu ajaran Nabi Muhammad S.A.W, Umar mangobarkon giot mancubo mambunu Nabi Muhammad S.A.W, tai atia i pardalanannia ia marsuo dot sala sada pangiut Nabi Muhammad S.A.W margorar Nu'aim bin Abdullah na sidungi mangalehen ia obar molo iboto ni Umar madung maragama Islam, ajaran na ioban ni Nabi Muhammad S.A.W nagiot ibununia atia i. Arani obar io, Umar tarsonggot dot mulak tu bagasna langkana giot mangukum angginia, iriwayatkon molo Umar pasuo ibotonia i atia mambaca Al Qur'an surat Thoha ayat 1-8, ia murmaholas ibaenna dot manenju ibotoniaon. Atia mangida ibotonia marmudar binaen tenjunia ia manjadi ibo, dot sidungi mangido anso bacaan on bisa i ligi ia, iriwayatkon Umar manjadi mopeng dibaen aha na ibaca on, ngasadia onok sidung hak on Umar mangobarkon maragama Islam, inda ba dabe hal na saonok naon tutu marbariba tusia mambaen ampir saisi Mokkah rempot arani sasadaalak na tarbonggal lobi beteng manontang dot lobi kejam tuna manyekso alak pangiut Nabi Muhammad S.A.W sidungi maragama ajaran na lumobi igoyaki ia, mambaen Umar ipaasing tingon pardonganan i Mokkah dot ia manjadi urang sanga inda iargai ni namora- namora ni Quraisy na saonok naon binoto totop marbariba tusia.

Hangoluan i Madinah[edit | edit source]

I taon 622 M, Umar dohot rap Nabi Muhammad S.A.W dot namaragama Islam nalain marhijrah (pindah) (tu Yatsrib (saonnari Madinah) . Ia juo dohot i porang Badar, Uhud, Khaybar dot panyerangan tu Syria. Ia ianggap manjadi alak na lobi iargai ni kaum Muslim i maso i arani salain hangoluan nia najolo na tarbonggal kian sian maso dompak so-Islam, juo arani ia targorar manjadi alak natarpatujolo na totop marbariba tu Nabi Muhammad S.A.W dot ajaran Islam na i satiop langkana na adong sampe ia inda mardua-roa mangalo dongan-dongan onoknia na solpu rap ia dohot manyekso alak pangiut Nabi Muhammad S.A.W.

Referensi[edit | edit source]

  1. Abdul Ghani, M. Ilyas. 2005. op cit. Hal. 39-41.
  2. Ja'farian, Rasul (2003). Sejarah Islam: sejak wafat Nabi S.A.W sampai runtuhnya Dinasti Bani Umayah (11 - 132 H). Lentera. ISBN 979-3018-77-1.  Check date values in: |date= (help)

Ligin muse[edit | edit source]

Referensi[edit | edit source]

  • Haikal, Muhammad Husain. Hayatu Muhammad. Kairo: Daar al-Ma'arif.
  • Kelengkapan Tarikh Nabi Muhammad Template:Saw, KH Munawar Chalil
  • Donner, Fred, The Early Islamic Conquests, Princeton University Press, 1981
  • Guillaume, A., The Life of Muhammad, Oxford University Press, 1955
  • Madelung, Wilferd, The Succession to Muhammad, Cambridge University Press, 1997
  • "G.LeviDellaVida and M.Bonner "Umar" in Encyclopedia of Islam CD-ROM Edition v. 1.0, Koninklijke Brill NV, Leiden, The Netherlands 1999"
  • Previte-Orton, C. W (1971). The Shorter Cambridge Medieval History. Cambridge: Cambridge University Press.

Tautan ruar[edit | edit source]