Wp/btm/Galileo Galilei
Galileo Galilei (pandokonna saro Italia: [ɡaliˈlɛːo ɡaliˈlɛi]; sorang i Pisa, Toscana, 15 Februari 1564 – maninggal i Arcetri, Toscana, 8 Januari 1642 i umur 77 tahun) ima sada astronom, filsuf, dot fisikawan Italia na puna peran godang i revolusi ilmiah. Ia idokon manjadi "amang astronomi observasional", "amang ilmu fisika modern", "amang metode ilmiah", dot "amang elmu parbinotoan".
Sumbangannia i kaelmuan antara lain ima panyampurnaan teleskop,marbagai pangamatan astronomi, dot hukum gerak parjolo dot padua (dinamika). Salain i, Galileo juo igorar manjadi sada pandukung Copernicus satontang paredaran bumi mangkuliangi mataniari dot mataniari manjadi sistem tata surya.
Manurut Stephen Hawking, Galileo dapot ianggap manjadi panyumbang targodang tu dunia sains modern. Hasil usahonia bisa idokon manjadi terobosan godang tingon Aristoteles. Konfliknia dohot Gareja Katolik Roma (kajadian Galileo) ima sada conto parmuloan konflik antara otoritas agama dot abebasan marpikir (tarutama i sains) o masarakat Barat.