Wp/brh/bráhuí Bhurí (Syllable) ná kánúd ák

From Wikimedia Incubator
< Wp‎ | brhWp > brh > bráhuí Bhurí (Syllable) ná kánúd ák
Jump to navigation Jump to search

Bráhuí Bhurí (Syllable) ná kánúd ák[edit]

Paŧŧopol o Niviştok: Liákat Saní


“Bhurí” aráde Ańgrezí o urdú ŧí “syllable” pára. Bráhuí ŧí dáskán dá laoz, “Bhurí” dod altane. O dákán must Bráhuí zabán aŧí syllable ná sarál á kas nivişta katane.

Aga “Bhurí”(Syllable) ná matlab o mána e Bráhuí ŧí unnińge to “ŧukkur ŧukkur, bhur, bhúr yá şúnza” ná mána e etik.

Asi laoz ase dá vaŕ bhur kannińg e ki oná ar bhur asi sáńí (dam) ŧí adá mare. Guŕá oŕe amo laoz aná ar bhur yá ŧukkur “Bhurí”pánińgik.dunki, laoz “bámus” aŧí irá “Bhurí”yá Syllable mannińg kera. “bá-mus”. Aráŕe bá asi “Bhurí” o mus iraŧŧamíko “Bhurí” ná darşání e kek.

“Bhurí” ant ase?[edit]

Dá bábat zabán cáindár átá jitá ráyaģáko,1328-1337 aná daorbárí ŧí “Guithem Molinier” asi zabán şanás as lisáníát aŧí Syllable ná dá tariff e karene.

“kaváid o zavábit cáoká tá ridaŧ giŕás báşá (letters) átá tavár áte “Bhurí” (Syllable) pánińgik.ará ase sáńí(dam)aŧí adá marera.”

Dákán bedis báz ák “Bhurí”(Syllable) e saotiátí xişt pára ará laoz átá dívál as joŕ kek. O amo laoz aná rid o band e zebá o asardár kek.

Báz á bolí cáokák dáde “taktí (prosody)” ná pin am etira.o andá rid aná máir e lisáníát átá rid aŧ “Bhurí” (Syllable) ase şáiráná o vael ase. Yá savál ase.

Azrat ísá ná vadí mannińg án 2800 sad sál must Sumerík “Bhurí” án srpańd assur. Andun ar zabán o bolí ŧí “Bhurí” ná tená jitá ińgá asúl o kánúd ák sáŕí o, dáŕe Bráhuí bolí ná “Bhurí” yá loaz aná bhur yá ŧukkur átá asúl áte darşán kena.

Okán must giŕás púskuno istilá otá mána e am sarpand maren. Dun to Bráhuí ŧí “Bhurí” (Syllable), “Sarjam”(consonant), Allam (vowel) átekin icco istilá as aff. Dáŕe dátáBráhuí tarjuma e nivişta kena . dunki, Consonant(C) kin Bráhuí ŧí Sarjam(S), Vowel(V) kin Allam(A) e bataor e tarjuma alena.

Bráhuí “Bhurí” ná kánúd[edit]

Dá kánúd áte dá savab án sarpand maren, ki niviştok o xuánok á e dá samá tmmi ki, asi laoz aŧí axxas “Bhurí” arer? Yá amo laoz aná axxas ŧukkur mannińg kera? O xás vaŕ aŧ şáirí dá kánúd ák ziát kumak etira arátam ki taktí kannińg e.

1. asi “Bhurí” ŧí bíra asi Allam (vowel) as mannińg kek. Aga ase laoz ase ná “Bhurí” tá kacc e isáb kannińg e to amo laoz aŧí sáŕí A (allam) átá kacc ato barebar mare.dunki Bundar aŧí irá Allam o irá “Bhurí” sáŕí o,

  bun-dar 
avlíko “Bhurí”:bun

avlíko Allam: u

iraŧŧamíko “Bhurí” :dar

iraŧŧamíko Allam:a


2. báz á laoz átá Bhurík asiŧ án ziát o, yá irá Allam sáŕí maror, to amo aŕtomá Allam áte asiŧ as isáb kannińgik. Antae ki arátam irá Allam asi jága ģa istimál massur to otá tavár e asi tavár as sarpand mannińgik. Aráte Ańgrezí ŧí diphthong pára. Dunki şefko laoz áteŧí irá Allam válá Bhurík millira.


Laoz

aŧí asi Bhurí ase, dáŧí irá Allam (ao) bassuno vali data adáigí andun marek ki dá  asi Allam as xuánińgira, arátr diphthong am pára. Guŕá laoz án loz joŕ marek.

Arátam Bhurí teŧí Allam áte isáb kannińgik to oŕe diphthong áte asi Allam as isáb kannińge.dunki,

'Aeno: a-no' (irá Bhurí,irá Allam)

'Guáŕíx: gá'ix (irá Bhurí,irá Allam)

Xuaşşí: xaş-şí (irá Bhurí,irá Allam)

Daor: dar (asi Bhurí, asi Allam).

3. Asi jága baroká irá Sarjam (S) áte pirģińg[edit]

• Amo laoz ák aráfteŧí asi vaŕ aná irá Sarjam(S) asi jága ģa bassur, to amo laoz e amo aŕtomá Sarjam átá niám án pirgisa Bhurí joŕ kannińgik.dunki,

Kaccí ( kac-cí ),

Ðukkál (ðuk-kál),

Ðaggí (ðag-gí),

Úrrar-ra).


• Aga laoz aŧí irá jitá o Sarjam (S) asi jága ģá bassur, to amo laoz aná Bhurí te jitá kannińg kin laoz e amo Sarjam átá niám án pirģińgik. Dunki,

Darga :(dar-ga),

Darváza :(dar-vá-za),

Sarkuk :(sar-kuk),

Avlíko :(av-lí-ko).

Avála[edit]

Liákat Saní, "Bráhuí zubán- rudom o Áxubat", şeńk matane.