Wp/arq/مالاڨا
مالقا(بالسبانيولية:مالقا)هي مدينة سبانيولية,العاصمة تاع المقاطعة تاع مالقا هي جزأ من المنطقة المستقلة تاع الأندلس.مالقا جاية ف النهاية الغربية تاع البحر الأبيض المتوسط و ف الجنوب تاع شبه الجزيرة الإيبيرية,بقريب 100 كيلو ف الشرق تاع مضيق جبل طارق. جاية في وسط خليج دايرة بيه سلاسل تاع لجبال,المدينة فيها أرض بلدية تاع 395,25 كيلومتر مربع.نصيبوا فيها زوج أنواع تاع الأنهار,وادي الجرس و وادي المدينة. مع 568202 نسمة على حساب الإحصاء تاع 2012,مالقا هي المدينة الساتة في سبانيا من جيهة الكبر,الزاوجة في الأندلس و الستة و ربعين في لوروب.و نعدوا معاها المنطقة الحضرية و ضواحيها,ترحب المدينة بما يقارب مليون نسمة. تأسست مالقا على يد الفينقيين ف القرن الثامن قبل الميلاد,اللي يجعلها وحدة من المدن القديمة في لوروب.ف القرن التساطاعش,عرفت المدينة نشاط كبير في ليبلون الصناعية و الثورية اللي جعلوها المدينة الصناعية اللولة ف سبانيا و كسبتها الألقاب "دايما ما يعرفش الخوف" و "اللولة ف الخطر تاع الحرية ".المدينة تعرضت للمرحلة اللولة من أعنف الحلقات تاع الحرب الأهلية السبانيولية و ازدهار السياحة ف ليزاني 1970. اليوم,مالقا هي مركز قتصادي و ثقافي مهم,و مركز هام تاع الإتصالات على الساحل تاع البحر المتوسط..