Wp/arq/المحيط الهادي

From Wikimedia Incubator
< Wp‎ | arqWp > arq > المحيط الهادي
Jump to navigation Jump to search

لمحيط[1] لهادي هوا لمحيط الكبير في الكرة الارضية[2] وهو شوية من لمحيط اعالمي وعندو زوج محيطات شمال لمحيط هادي وجنوب لمحيط هادي يمتد علا مساحة تاع 166241700كم² و يدي حوالي ثلث الارض ويفوت علا اوقينوسيا وجزر وحدخرا والارخبيلات اللي نعتروها من اسيا كيما اليابان والفليبين وجزر الهند ومداورة بيه اسيا و الماريكان و استراليا بصح حدودها مع المحيط الجنوبي حتا للجنوب سجلوها رسميا 60° في جنوب خط العرض وزيد خط تاع لي يبدلو بيه التاريخ يفوت عليه في خط الطول 180°.[3]


جيوڤرافيا[edit]

موقع وحدود[edit]

التصويرا لي فمربع فهذا لمقال توري المحيط لهادي علا خريطة لعالم. لمحيط لهادي ينقسم فشمال وجنوب مورا

خط استواء. لمنظما هيدروغرافيا لعالميا قسمت لمحيط لهادي فبحار، خلجان والمضايق. لحدود لي عطاتها

لمنظما للمحيط لهادي شمالي وجنوبي من غير بحورا لي فيها.[4]

"خطوطة تاع الحدود بين محيطين […] لمحيط لهادي شمالي و […] لمحيط لهادي لجنوبي عطاوها بخط استواء.

لحدود جنوبيا شرقيا بين جنوب لمحيط لأطلسي وجنوب لمحيط لهادي هو خط اطول تاع كيب هورن

(68° 04’ W." -لبيرو هيدروغرافي لعالمي تاع l'OHI.[5]

رمز اتسجيل رقمي تاعو فمنظما هيدروغرافيا عالميا هو « C »[6]. ولهويا تاعو ف "لحدود تاع لمحيطات ولبحورا"

هي (57)و(61)[7]. سمو بفرونسي فتسمية تاع بلايص بحريا من جماعة لمعلومات لجغرافيا لوطنيا هو"لمحيط لهادي".

لمنظمة هيدروغرافية لعالمية بلي الحدود تاع لمحيط لهادي شمالي وجنوبي كيما هاكا:

لمحيط لهادي شمالي[edit]

رمز اتسجيل رقمي تاعو فلمنظما هيدروغرافيا هو « 07 ».[8] ولهويا تاعو ف "لحدود تاع لمحيطات ولبحار" هي (57)[5]. سمو بفرونسي فتسميا تاع بلايص بحريا من جماعة لمعلومات جغرافيا لوطنيا هو"لمحيط لهادي شمالي".

« فلجنوب لغربي:

  • لحد شمالي شرقي تاع أرخبيل جزر لهند من خط اسنواء حتا جزيرة لوزون.

لغرب وشمال غربي:

  • لحدود هي لبحر تاع فليبين ولبحر تاع ليابان وحد جنوب شرقي بحر تاع أوخوتسك.

فشمال:

  • لحدود لجنوبيا بحر تاع بيرنغ و خليج ألاسكا.

من شرق:

  • لحدود لغربيا تاع لما تاع بحر في جنوب ألاسكا وكولومبيا لنجليز ولحد لجنوبي من خليج كاليفورنيا.

فلجنوب:

  • خط استواء، بصح من غير لجزر تاع مجموعا جيلبرت وجالاباجوس لي نلقاوهم في نص شمالي تاع لكرة لأرضية.»

—لمنظما هيدروغرافيا تاع لعالم.[5]

لمحيط لهادي لجنوبي[edit]

رمز اتسجيل رقمي تاعو فلمنظما هيدروغرافيا هو « 08 »[6]. وهويا تاعو ف "لحدود تاع لمحيطات ولبحار" هي

(61)[5]. سمو بفرونسي فتسميا تاع بلايص بحريا من جماعة لمعلومات جغرافيا لوطنيا هوا "لمحيط لهادي لجنوبي ".

«فغرب:

  • يبدا من جنوب شرق كيب، حتا لطرف تاع تسمانيا، هابطة علا طول خط لمقيل 146° 55' E حتا للقارا لقطبيا

جنوبيا.

فجنوب لغربي وشمال لغربي:

  • لحدود لجنوبيا وشماليا شرقيا بحر تاع تسمان.
  • لحدود لجنوبيا شرقيا وشماليا شرقيا من لبحؤ تاع مرجان.
  • لحدود لجنوبيا وشرقيا شماليا تاع لبحور سليمان وبيسمارك ولحد شمالي شرقي من لأرخبيل جزر لهند شرقيا

من غينيا جديدا حتا خط استواء.

فشمال:

  • خط استواء،جزر جلبرت وجالاباغوس لي جاية فشمال تاعها ، لي داخلة في جنوب لمحيط لهادي. »

—لمنظما هيدروغرافيا تاع لعالم.[5]

لوصف[edit]

خريطا تاع حزام ناري للمحيط لهادي

لقاو أعمق حفرة فلرض فلمحيط لهادي ، أعماقها تفوت 10 آلاف متر في حفر كوريل[9] ، ماريانا [10]والفلبين.

وزيد عندها بزاف من شعاب لمرجانية حتا في جزيرة عيد الميلاد. وهي أكبر وأقدم جزيرة مرجانية فلعالم.

يفوت لمحيط لهادي علا بزاف من ظواهر لي تشكل في مرات أرخبيلات خطية علا سطح. فيه

سلاسل من لجبال البحريا لي تشكلها لبقع السخونة ، حتا سلسلة هاواي-إمبراطور تحت لما

وسلسلة لويزفيل تحت لما.

ومدور بحزام انار وفيه بزاف تاع زلازل. وكي تصرا في لمحيط ، دير تسونامي (موجات المد والجزر). بين عامي

1900 و 2004 ، شافو 796 من أمواج تسونامي في لمحيط لهادي ، و 17٪ منهم قريبة من ليابان.مركز تحذير دولي

مركز تحذير من تسونامي فلمحيط لهادي ، هو لي مسؤول علا هاذي ظواهر وتنبيه منها.

كليماتولوجيا[edit]

غروب شمس فوق لمحيط لهادي كيما نشوفوه من لمحطةتاع لفضاء دوليا ؛ رسم سبيسيال للمكفهرة يبان ثاني.

فلمحيط لهادي كاين نظم شبه دائمة للأرصاد لجوية كيما جزر إيستر[11] وهاواي كونتر للدرجات ، والهبوط الأليوتي

اللي يعكس دوران لعام تاع لغلاف الجوي. ويفوت لحوض تاعو لكبير بشكل منظم بأكبر عدد ملأعاصير لمدارية في

جميع أحواض لمحيطات[12]. ويسموها لأعاصير فشرق،وأعاصير تيفون فشمال،وزوابع في لجنوب لغربي.

حذا خط لإستواء ، نلقاو بلاصة اتقارب بين المداري والرياح التجارية اللي تتغير بلاصتها مع لفصول ، وتلعب

دور مليح كي طيح شتا فلمنطقه لإستوائيا والملاحه البحريه.

يفوت جنوب لمحيط لهادي بتذبذب حراري مازال يفسروه بطريقة ماشي مليحة معروف باسم النيني[13]و (كل عامين إلى خمس سنين يحبطه ا)، اللي تأثر علا لمناخ. تمد ظاهرة النينيو ولي تشبهلها فلغلاف لجوي ، تذبذبات

لجنوبية ،تعطي ظاهرة لي نسموها "النينيو" (ENSO[14]) ، ولي هيا أهم تبدال مناخي لهذا لمحيط.

وتأثير تاع هذا لأخير ما ينعكسش في قاع بلايص تاع لحوض نتاعو برك ، بصح نشوفوه ثاتي علا بلايص وحدخرا من

لكرة لأرضية بسباب نزوح دوران لجوي اللي يديرو .

نعتابرو بلاصة لمحيط لهادي ثاني موطن تاع تبدلات لي بزاف معقده : تصرا ظاهرة عالية تردد (ذبذبة مادن

جوليان في 60-90 يوم) وغيرها من ترددات لهابطة بزاف (يتبدل متوسط حالتها علا مدار بزاف عقود ولا

قرون). هذي اختلافات عندها تأثير تعديل علا النينيو وتعقيد التحليل.[15]

جزيرات و و بلايص فلمحيط لهادي[edit]

سطاعنش دولة(وداخلة معاهم أستراليا ونيوزيلندا ونيوي وكوك) و 16 تابعه لأوقيانوسيا ، علا حساب لأطلس لجزر وجنوب لمحيط لهادي.

وزيدلهم تمثيل تاع بكري لرسم لخرائط للأرخبيلات ولمحيط لهادي، ودخلوها في قاع لأطالس "التيار الرئيسي"

(اللي يمثل دول لمحيط لهادي من خلال لمستطيلات لي داخلة في بعضاها)،وكاين وحدخرا واقعية أكثر ، تبان على

لخرائط ولا الجيوسياسيه.هذا تالي يخلينا نفهموا بصفة خاصة مدى لمياه دولية و شكل لفعلي تاع دول

فمساحاتها اأرضية ولمحيطية ، مع مراعاة بلايصها إقتصادية من غير (لي راهي في طور توسع).[16]

بلايص[edit]

جزيرات و اقاليم[edit]

تاريخ[edit]

وصف ماريس باسيفيسي من اورتيليوس (1589)وحدة من لخرايط اللولة للمحيط الهادي ؛ شوف ثاني في شريط الكرة الأرضية من (1507) تاع ولديملار

سكان لولا تاع لمجيط لي كتشفوه وسكنوا فلجزر تاع لمحيط لهادي جاو قبل 000 45 سنة في مركب شراعي.

استكشاف[edit]

  • الأسترونيزيون هما لولا لي اكتاشفوا لمحيط لهادي.


الحرب العالمية الزاوجة[edit]

جيوشيمي[edit]

مصادر و مراجع[edit]

ملحقات[edit]

بيوڤرافيا[edit]

مقالات عندها علاقة[edit]

روابط خارجية[edit]

  1. https://fr.wikipedia.org/wiki/Oc%C3%A9an
  2. https://fr.wikipedia.org/wiki/Liste_des_%C3%A9tendues_d%27eau_par_superficie#Liste
  3. https://fr.wikipedia.org/wiki/180e_m%C3%A9ridien
  4. https://www.iho.int/iho_pubs/standard/S-23/S-23_Ed3_1953_FR.pdf
  5. 5.0 5.1 5.2 5.3 5.4 https://www.iho.int/iho_pubs/standard/S-23/S-23_Ed3_1953_FR.pdf
  6. 6.0 6.1 https://fr.wikipedia.org/wiki/Service_hydrographique_et_oc%C3%A9anographique_de_la_Marine https://fr.wikipedia.org/wiki/Institut_national_de_l%27information_g%C3%A9ographique_et_foresti%C3%A8re https://fr.wikipedia.org/wiki/Institut_national_de_la_statistique_et_des_%C3%A9tudes_%C3%A9conomiques http://archives.cnig.gouv.fr/Front/index.php?RID=21
  7. https://fr.wikipedia.org/wiki/Organisation_hydrographique_internationale
  8. http://cnig.gouv.fr/wp-content/uploads/2015/03/espaces-maritimes.pdf
  9. https://fr.wikipedia.org/wiki/Fosse_des_Kouriles
  10. https://fr.wikipedia.org/wiki/Fosse_des_Mariannes
  11. https://fr.wikipedia.org/wiki/Anticyclone_de_l%27%C3%AEle_de_P%C3%A2ques
  12. http://www.aoml.noaa.gov/hrd/tcfaq/E10.html
  13. https://fr.wikipedia.org/wiki/El_Ni%C3%B1o
  14. https://fr.wikipedia.org/wiki/ENSO
  15. http://www.techno-science.net/?onglet=news&news=6866
  16. https://fr.wikipedia.org/wiki/Zone_%C3%A9conomique_exclusive