Wn/shn/ၽူႈမီးၸၼ်ႉယူႇၶရဵၼ်းၶဝ်လၢတ်ႈဝႃႈ ၶဝ်ဢဝ်တရုၼ်းသေ ယႃႉလႅဝ်ပႅတ်ႈ ႁိူဝ်းမိၼ်သိုၵ်းရတ်ႈသျႃး

ဝၼ်းသဝ်၊ ဢေႇပရႄႇ 6၊ 2024 

ၵူၼ်းသိုၵ်းယူႇၶရဵၼ်း ယိပ်းဝႆႉ တရုၼ်း

ၽူႈမီးၸၼ်ႉ ယူႇၶရဵၼ်းၶဝ် လၢတ်ႈ မိူဝ်ႈဢေႇပရႄႇ ဝၼ်းထိ 5 ၼၼ်ႉဝႃႈ ၶဝ်ၸႂ်ႉတရုၼ်းသေ တိုၵ်းတေႃးယႃႉလႅဝ်ပႅတ်ႈလႆႈ ႁိူဝ်းမိၼ်သိုၵ်းရတ်ႈသျႃး ႁူၵ်းလမ်းၼႆသေ ၼႂ်းၵႃႈ လွင်ႈတိုၵ်းတေႃး ဢၼ်ပဵၼ်ၵႂႃႇတီႈ တႃႈႁိူဝ်းမိၼ်ဢၼ်ၼိုင်ႈ ဢၼ်မီးတီႈ ရေႃႉသတွပ်ႉၾ် ရတ်ႈသျႃးၼၼ်ႉ ႁိူဝ်းမိၼ်တၢင်ႇၸိူဝ်း တႃႇပႅတ်ႇလမ်းၵေႃႈ လႆႈတိူဝ်ႉၶိူၵ်ႈၵႂႃႇတႄႉတႄႉဝႃႈဝႃႈ ဝႃႈၼႆယဝ်ႉ။ ၽူႈမီးၸၼ်ႉၵၢၼ်ၵႅတ်ႇၵင်ႈ ရတ်ႈသျႃးၶဝ်ဝႃႈသမ်ႉ ၶဝ်ယိုဝ်းတူၵ်းလႆႈ တရုၼ်းယူႇၶရဵၼ်း 44 လမ်းသေ ၼႂ်းၵႃႈ လွင်ႈတိုၵ်းတေႃးၼၼ်ႉ လႆႈတိူဝ်ႉၶိူၵ်ႈ ႁူင်းပၼ်ၾႆးၾႃႉႁူင်းၼိုင်ႈၵူၺ်း ဝႃႈၼႆ။ ႁွင်ႈၵၢၼ်ၶၢဝ်ႇဢေႇပီႇလၢတ်ႈဝႃႈတႄႉ ပႆႇၸၢင်ႈယိုၼ်ယၼ်လႆႈလွတ်ႈလႅဝ်းၼိူဝ် လွင်ႈဢၼ် ယူႇၶရဵၼ်းလႄႈ ရတ်ႈသျႃးၶဝ် လၢတ်ႈဝႆႉၼၼ်ႉ ဝႃႈၼႆယဝ်ႉ။

လွင်ႈတိုၵ်းတေႃးဢၼ်ၼၼ်ႉၼႆႉ ၸူဝ်ႈၵႃႈၼႂ်းၶၢဝ်းတၢင်း ပၢင်တိုၵ်းၼႆႉ တေလႆႈဝႃႈပဵၼ် လွင်ႈယူႇၶရဵၼ်ႈၶဝ် ဢၼ်သၢႆၵၢၼ်မိၼ်တိုၵ်း ဢၼ်ယႂ်ႇသေပိူၼ်ႈသေ တပ်ႉၸုမ်းယူႇၶရဵၼ်းၶဝ် တိူဝ်းတိုၵ်းတေႃး တီႈၼိူဝ်လိၼ် ရတ်ႈသျႃးၶဝ်မႃးယဝ်ႉ။ ၽၢႆႇရတ်ႈသျႃးၵေႃး တိူဝ်းတိုၵ်းတေႃး ႁူင်းပၼ်ၾႆးၾႃႉ လႄႈ ယူင်ႉသၢင်ႈပိုၼ်ႉထၢၼ်ၵူၼ်းမိူင်းသေ မိူဝ်ႈဝူင်ႈဝၢင်ႈပူၼ်ႉမႃးၼၼ်ႉတႄႉ တင်းသွင်ပႃႈသွင်ၽၢႆ လႆႈၶတ်းၸႂ် တႃႇဢွင်ႇပႄႉယူႇသေ လွင်ႈဢဝ်တရုၼ်းတိုၵ်းတေႃးဢၼ်ၼႆႉ တေလႆႈဝႃးပဵၼ် ၽၢင်ႁၢင်ႈပၢင်တိုၵ်း ဢၼ်တိူဝ်းမီးၽေးမႃးယဝ်ႉ ဝႃႈၼႆ။

ၽူႈမီးၸၼ်ႉၵၢၼ်ၸွပ်ႇ ယူႇၶရဵၼ်း မွၵ်ႇလၢတ်ႈ ႁွင်ႈၶၢဝ်ႇဢေႇပီႇဝႃႈတႄႉ ယူႇၶရဵၼ်းၼႆႉ လႆႈဝႆႉယိူင်းမၢႆတိုၵ်းတေႃး တႃႈႁိူဝ်းမိၼ်သိုၵ်း ဢၼ်မီးႁိမ်း ဝဵင်းမူဝ်ႇရူဝ်ႇꩡသ်ႉ ရတ်ႈသျႃး ၼၼ်ႉ ၶၢဝ်းယၢမ်းပွတ်းၶမ်ႈသေ လွင်ႈတိုၵ်းတေႃးဢၼ်ၼၼ်ႉ တပ်ႉၸုမ်းၽၢႆႇႁူမ်ႇလုမ်ႈယူႇၶရဵၼ်း လႆႈႁူမ်ႈႁွမ်းၵၼ်တတ်ႉ တပ်ႉသိုၵ်း သေ ႁဵတ်းသၢင်ႈမႃး ဝႃႈၼႆယဝ်ႉ။

ၽူႈမီးၸၼ်ႉယူႇၶရဵၼ်းၶဝ်လၢတ်ႈဝႃႈတႄႉ တီႈလွင်ႈတိုၵ်းတေႃးဢၼ်ၼၼ်ႉ ႁႅင်းၵၢၼ် တႃႈႁိူဝ်းမိၼ် မွၵ်ႈ 20 ၵေႃႉၼႆႉ လႆႈတၢႆၵႂႃႇ ဢမ်ႇၼၼ် လႆႈတၢင်းၸဵပ်းမၢတ်ႇၵႂႃႇ ဝႃႈၼႆယဝ်ႉ။ ၽူႈမီးၸၼ်ႉ ၸိူဝ်းဢမ်ႇၶႂ်ႈမွၵ်ႇၸိုဝ်ႈ လၢတ်ႈဝႃႈ တႃႈႁိူဝ်းမိၼ် မူဝ်ႇရူဝ်ႇꩡသ်ႉၼႆႉ မၼ်းပဵၼ် တႃႈႁိူဝ်းမိၼ် ဢၼ်ပဵၼ် ႁိူဝ်းမိၼ်ပွႆႇမၢၵ်ႇရတ်ႈသျႃးၶဝ်ၸႂ်ႉသေ ပဵၼ်ႁိူဝ်းမိၼ် တႃႇၵႂႃႇပွႆႇမၢၵ်ႇတီႈ ၼႃႈသိုၵ်း လႄႈ ဝဵင်းယူႇၶရဵၼ်း ဝႃႈၼႆယဝ်ႉ။ သင်ၸိူဝ်ႉလွင်ႈဢၼ်ၶဝ်ႈ လၢတ်ႈမႃးၼၼ်ႉ မၼ်းပဵၼ် ဢၼ်မၢၼ်ႇမႅၼ်ႈယူႇတႄႉၼႆၸိုင် လွင်ႈတိုၵ်းတေႃးဢၼ်ၼႆႉ မၼ်းတေပဵၼ် လွင်ႈတိုၵ်းတေႃးဢၼ်ဢွင်ႇမၢၼ်သေပိူၼ်ႈ ၼႂ်းၵႃႈ ဢၼ်ယူႇၶရဵၼ်းၶဝ် ၶၢမ်ႈလႅၼ်လိၼ်သေ ၵႂႃႇတိုၵ်းၼၼ်ႉၼႆယဝ်ႉ။

ယူႇၶရဵၼ်းၶဝ်လၢတ်ႈဝႃႈ မိူဝ်ႈ လိူၼ်ဢွၵ်ႇထူဝ်ႇပႃႇ ပီၵၢႆၼၼ်ႉၵေႃႈ ၶဝ်လႆႈၸႂ်ႉ မၢၵ်ႇမိသ်ႉသၢႆးလ် ဢၼ်ပိုတ်းယိုဝ်းလႆႈၵႆ ဢၼ်ဢမႄႇရိၵၢၼ်ႇၶဝ် ၵမ်ႉထႅမ်ဝႆႉၼၼ်ႉသေ လႆႈတိုၵ်းတေႃး တႃႈႁိူဝ်းမိၼ်သွင်တီႈ ၸိူဝ်းဢၼ်မီးတီႈ ၼႃႈလိၼ်ရတ်ႈသျႃးၶဝ် ၵုမ်းၵမ်ၼၼ်ႉသေ ၶဝ်ယႃႉပႅတ်ႈလႆႈ ႁိူဝ်းမိၼ်မႅင်းမီႈရတ်ႈသျႃး ၵဝ်ႈလမ်းဝႃႈၼႆယဝ်ႉ။

မိူဝ်ႈလိူၼ်ဢေႃးၵၢတ်ႉ ပီၵၢႆၼၼ်ႉၵေႃႈ ဢိင်ဢၢင်ႈၼိူဝ် ငိူၼ်ႈငဝ်ႈၶၢဝ်ႇ ဢၼ်ဢမ်ႇမီးၸိုဝ်ႈသေလႄႈ သိုဝ်ႇၶၢဝ်ႇယူႇၶရဵၼ်းၶဝ် ပိုၼ်ၶၢဝ်ႇဝႆႉဝႃႈ တရုၼ်းယူႇၶရဵၼ်းၼႆႉ လႆႈၵႂႃႇတိုၵ်း ပၢင်သဝ်းတပ်ႉၵၢင်ႁၢဝ် ဢၼ်မီးတီႈၼႂ်းမိူင်းရတ်ႈသျႃးသေ လႆႈယႃႉလႅဝ်ပႅတ်ႈႁိူဝ်းမိၼ်ပွႆႇမၢၵ်ႇ လမ်းၼိုင်ႈၼႆယဝ်ႉ။

ထၢၼ်ၽွင်းလူင် ၵၢၼ်ၵႅတ်ႇၵင်ႈ ရတ်ႈသျႃးလၢတ်ႈဝႃႈတႄႉ တီႈၸႄႈတွၼ်ႈမူဝ်ႇရူဝ်ႇꩡသ်ႉၵီး ဢၼ်ယၢၼ်ၵၼ်တင်း လႅၼ်လိၼ် 100 ၵီႇလူဝ်ႇမီႇတႃႇ (60 လၵ်း) ၼၼ်ႉ ၶဝ်လႆႈ ပိုတ်းယိုဝ်းတူၵ်းလႆႈ တရုၼ်းယူႇၶရဵၼ်း 44 လမ်းဝႃႈၼႆယဝ်ႉ။

ဝႃႇၸီႇလီႇ ၵူဝ်ႇလူႇပတ်ႉၾ် ၽူႈဢုပ်ႉပိူင် ရေႃႉသတွပ်ႉၾ် လၢတ်ႈဝႃႈတႄႉ ယွၼ်ႉလွင်ႈတိုၵ်းတေႃးၼၼ်ႉလႄႈ ႁူင်းပၼ်ၾႆႈၾႃႉ ႁူင်းၼိုင်ႈ လႆႈတိူဝ်ႉၶိူၵ်ႈၵႂႃႇသေ ၼႂ်းၵႃႈၵူၼ်းဢၼ်မီးယူႇ ႁိမ်း တႃႈႁိမ်းမိၼ်ၼၼ်ႉ တႃႇပႅတ်ႇၵေႃႉၼႆႉ လႆႈတၢင်းၸဵတ်းမၢတ်ႇၵႂႃႇ ဝႃႈၼႆယဝ်ႉ။ ၸိူဝ်းပဵၼ် ပလွၵ်ႇၵႃႇ တပ်ႉသိုၵ်းရတ်ႈသျႃးၶဝ် ယိုၼ်ယၼ်မႃးဝႃႈ လႆႈမီးလွင်ႈ ဢဝ်တရုၼ်းသေ တႃႇလေႃႇတိုၵ်း ပၢင်သဝ်းတပ်ႉၵၢင်ႁၢဝ် ဢၼ်မီးႁိမ်း ဝဵင်းမူဝ်ႇရူဝ်ႇၸသ်ႉ ၼၼ်ႉသေတႃႉ ပၢင်သဝ်းတပ်ႉၵၢင်ႁၢဝ်လႄႈ ႁိူဝ်းမိၼ်သိုၵ်းၸိူဝ်းၼႆႉ ၵူၼ်းၸိူဝ်းၼႆႉ ဢမ်ႇလႆႈမီး လွင်ႈတိူဝ်ႉၶိူၵ်ႈသင် ဝႃးၼႆယဝ်ႉ။

ငိူၼ်ႈငဝ်ႈတိုၼ်း

• The Associated Press and Daryna Mayer. "Ukraine claims it destroyed 6 Russian warplanes in a major drone attack" — NBC News, April 5, 2024
• Anna Chernova, Victoria Butenko and Sophie Tanno. "Ukraine claims major drone strike on Russian airfield, killing servicemen and destroying aircraft" — CNN, April 5, 2024
• Robert Greenall. "Ukraine war: Six Russian planes destroyed by drones, says Kyiv" — BBC News, April 5, 2024