Wn/cpx/莆仙語維基新聞成立咯

【2017年8月15號訊】

某網絡討論組交流莆仙語維基新聞

今旦是蜀個大日子，莆仙語維基新聞成立咯。後個無定時發使莆仙語正字寫兮數種新聞。者是頭蜀條新聞。

莆田佇福建海墘正中央，古代亦有叫「興化」，是中華媽祖文化兮祖家，莆仙歷史久久，從古是福建省歷史文化名城。

莆田市現時有仙遊縣、荔城區、城厢區、涵江區、秀屿區五個縣區。

莆仙語是福建莆田佮仙遊講兮語言（亦叫做興化語），佇泉州、福清、永泰、寧德亦有儂講。莆仙語屬於漢藏語系漢白語族閩語群，歷史頂頭莆仙属于興化軍、興化府，因此莆仙語亦叫做「興化語」。莆仙戲是一種使莆仙語兮非物質文化遺產。

莆仙辭年（資料圖）

者個平臺成立，莆仙亦許發展，鼓勵講莆仙語兮逐個使家己兮語言文字講莆仙新聞故事，傳播莆仙文化，佮國內外介紹莆仙，傳承咱輩兮莆仙語。

希望逐個齊拚，項者厝罔做罔好！