Wn/cdo/羅源做送教裡村項目舊厝傳出冬節搓𥻵歌

【2019年12月20號訊】

「搓𥻵之搓搓，年年節節高。大儂添福壽，伲囝歲數多。紅紅水黨菊，排排兄弟哥。」只幾日羅源縣起步鎮潮格村其潮格書院，30幾隻本村共附近村其學生齊着舊厝裡勢，跟𡅏縣懸頂來其先生，讀冬節搓𥻵其歌謠。

先生名楊柳，是羅源縣教師進修學校附屬小學語文教研組組長、一級教師、福州市中小學骨幹教師。村裡勢其伲囝會上遘伊其堂，是因爲羅源縣探索發展送教裡村其項目。

羅源縣教育局局長黃乃通講：「送教裡村者志願活動，本底㑚是時不時做囇。後首做成常態化其項目，組織縣裡勢名師工作室其成員，為農村伲囝長期、系統『加餐』。」

消息來源