Wn/cdo/加拿大工業部長：TikTok着加拿大其擴張面臨國家安全審查

【2024年3月16號訊】

加拿大創新、科學與工業部長方索瓦-飛利浦·尚普涅（François-Philippe Champagne，中文名「商鵬飛」）拜五(3月15號)講，加拿大現刻敆𡅏對TikTok敆加國擴張這蜀芘盡行時其短視頻應用程式（app）其投資計劃做國家安全審查。

商鵬飛共G7（七國集團）同僚碰面以後，敆義大利舉行其電話會議𡅏表示，根據《加拿大投資法》（Investment Canada Act）進行其國安審查已經由2023年9月靜靜的開始去。

伊告訴記者：「儂家已經啟動了（對TikTok）國家安全審查。

「儂家㑚完成這蜀項工作，儂家將向加拿大民眾報告儂家就這芘特定主題決定採取其任何行動。」根據加拿大法律，政府可以評估外國投資（譬喻講TikTok擴張案），對國家安全帶來其潛在風險，但是禁止政府透露這蜀類投資其細節。」

商鵬飛復講：「儂家完成審查以後，我會做故価說明。」㑚是講伊無透露乜乇前後會完成審查。伊指出蜀項2023年3月宣布其政策，也就是加拿大互動數位媒體領域其外國投資會面對「野嚴格其審查」。

根據這芘政策聲明，許価乞發現「傳播假其消息或且以損害加拿大國家安全其方式操縱資訊」其儂，可能會面對緩解措施甚至禁令。加拿大去年禁止TikTok敆政府撥發其設備上使用，講者嚽對隱私共安全構成「儥使接受」其風險。加拿大主管隱私其監管者也敆𡅏調查TikTok收集、使用故有揭露個人資訊其情況。

TikTok發言人敆聲明裏勢表示，公司現在有配合加拿大國安審查，儂家「仍然努力確保這芘平台（TikTok）其安全，故有保障幾百萬依靠TikTok做生活、尋討社群共創造就業機會其加拿大創作者、藝術家共小企業」。