Wn/azb/اون بئش اردیبهشت وارلیق درگیسی‌نین یایینا باشلادیغی گون، "تورکولوژی گونو" اولاراق اعلان ائدیلدی
"تورکجه‌نین وارلیغی اوچون ۱-جی تورکولوژی گونو" سمپوزیومو، دونن تورکیه اونیورسیته‌لریندن بیر چوخ بیلیم‌آدامی‌نین قاتیلیمی ایله آنکارا اونیورسیته‌سی دیل و تاریخ-جوغرافیا فاکولته‌سینده دوزنلندی.
چاغداش تورک لهجه‌لری و ادبیاتلاری بؤلومو طرفیندن دوزنلنن توپلانتیدا، دونیانین مختلیف جوغرافیا‌لاریندا یوخ اولما تهلوکه‌سیله قارشی قارشییا قالان بعضی تورک دیل و لهجه‌لری‌نین دورومویلا ایلگیلی بیلیمسل بیلدیریلر سونولدو.
تورک دونیاسی‌نین بؤیوک کولتور آداملاری اسماعیل بگ قاسپیرا‌لی، پروفسور دوکتور جواد هیئت و عبدالله توقای‌ین آدی‌نین وئریلدیگی اوچ آیری اوتورومدا، تورک توپلولوقلاری‌نین قارشی قارشییا قالدیغی دیل سورونلاری، دیلین حیاتیتی باغلامیندا تورکجه‌نین دورومو و بو توپلولوقلاردا کیملیک مسئله‌سی کیمی قونولار اله آلیندی.
آنکارا اونیورسیته‌سی چاغداش تورک لهجه‌لری و ادبیاتلاری بؤلومو باشقانی پروفسور دکتر سما باروتجو اؤز اؤندر، سمپوزیومدا، پروفسور دوکتور جواد هیئت طرفیندن ۳۲ ایلدن بری ایراندا آذربایجان تورکجه‌سیله یایینلانماقدا اولان وارلیق درگیسی‌نین ایلک ساییسی‌نین چیخدیغی ٥ مای (۱٥ اردیبهشت) گونونون، "تورکولوژی گونو" اولاراق اعلان ائدیلمه‌سی‌نین چوخ اصابتلی اولدوغونو وورغولایاراق، بو گونون اؤنوموزده‌کی ایللرده دیگر تورک جمهوریتلری و توپلولوقلاریندا دا قوتلاناجاغینی اومود ائتدیگینی سؤیله‌دی.
پرفسور دوکتور احمد بیجان ارجیلاسون وارلیق درگیسی‌نین چاغداش ایران تورکلویونون قورونماسیندا، گلیشمه‌سینده و دونیادا وارلیغی‌نین یانسیدیلماسیندا بؤیوک رول اوینایدیغینی بلیرته‌رک، وارلیق مکتبی‌نین تورکلوک بیلینجینه صاحیب اولان یئنی نسیلین یئتیشیمه‌سینده‌کی اؤنمینه دقت چکدی.
پروفسور دوکتور احمد بیجان ارجیلاسون آیریجا ناصر شاهگلی‌نین بیلدیریسینده بحث ائتدیگی یوخ اولما تهلوکه‌سیله قارشی قارشییا قالان دیللرین یئنیدن جانلانماسیندا، دیلین توپلوم ایچینده و دیشینداکی قونومو و سایقینلیغی؛ او دیلده دانیشانلارین نفوسو؛ رسمی و رسمی اولمایان قورومسال دستک (اگیتیم، مئدیا وس.) کیمی اؤنملی فاکتورلارین یانیندا توپلومو یؤنلندیره‌بیلن شخصیتلرین اورتایا چیخیشی فاکتورونون دا دؤنوش نقطه‌سی یارادابیله‌جک بیر ائتکن اولدوغونو سؤیله‌دی. پروفسور ارجیلاسون دانیشماسی‌نین داوامیندا پروفسور دوکتور جواد هیئتی بو قونودا تورکلوک اوچون اؤرنک گؤستردی.
سمپوزیومون سونوندا دگرلندیرمه دانیشماسی آپاران پروفسور دوکتور اوفوق تاوقول، پروفسوردوکتور احمد بیجان ارجیلاسون، پروفسور دورسون ییلدیریم و یاردیمجی دوچنت دوکتور گولسوم کیللی ده تورکجه‌نین بعضی بؤلگه‌لرده یوخ اولما و یا آلان دارالماسی ایله قارشی قارشییا قالدیغینی بلیرته‌رک، وارلیق درگیسی‌نین ایلک ساییسی‌نین یایینلاندیغی ٥ مای (۱٥ اردیبشهت) گونونون "تورکولوژی گونو" اولاراق اعلان ائدیلمه‌سی‌نین یئرینده بیر قرار اولدوغونا دقت چکدیلر. پروفسور دوکتور سما باروتجو: 5 مای وارلیق درگیسی‌نین یایین حیاتینا باشلادیغی گونون "تورکولوژی گونو" اولاراق اعلان ائدیلمه‌سی چوخ اصابتلی بیر قراردیر آیریجا تهران تورکلری‌نین ایرانداکی سوسیال، اکونومیک و کولتورل قونومو ایله ایلگی سمپوزیومدا سونولان بیلیمسل وئریلر، تهران نفوسونون ان آز یاریسی‌نین تورکلردن اولوشدوغو، ایستانبولدان سونرا ایکینجی بؤیوک تورک شهری اولاراق بیلیندیگی، تهرانین تورک سلاله‌لری‌نین گیریشمی ایله ایراندا بوگونکو قونومونو قازاندیغی وورغولاندی.
سمپوزیومدا سونولان بیلدیری باشلیقلاری بئله‌دیر:
محمدرضا هیئت؛ "تهران تورکلرینده کیملیک مسئله‌سی"
مئی قوئو؛ "دیل حیاتیتی باغلامیندا ساری اویغور تورکجه‌سی‌نین دورومو"
ناصر خاضع شاهگلی؛ شهرور آق آتابای؛ "دیل حیاتیتی باغلامیندا ایران تورکمنلری‌نین دورومو"
عصمت قیلیچ؛ "دیل حیاتیتی باغلامیندا ساها تورکجه‌سی‌نین دورومو"
توغبا ساری‌قایا؛ "دیل حیاتیتی باغلامیندا تووا تورکجه‌سی‌نین دورومو"
آرتوم دینچ؛ "دیللر آراسی ائتکیلشیم سورجینده دیللرین ایشله‌وسللیگی و گلیشیمی"
نورجیهان گونش؛ "دیل حیاتیتی باغلامیندا بولغاریستان تورکلری‌نین دیل دورومو"
ابراهیم آری‌قان؛ "دیل حیاتیتی باغلامیندا چوواش تورکجه‌سی‌نین دورومو"
موسی رحیمی؛ "دیل حیاتیتی باغلامیندا خلج تورکلری‌نین دورومو"
قايناق[edit | edit source]
اون بئش اردیبهشت وارلیق درگیسی‌نین یایینا باشلادیغی گون، "تورکولوژی گونو" اولاراق اعلان ائدیلدی