Wn/azb/القاعيده رهبری اوسامه بين لادن اؤلدورولدو
آمئریکا پرئزیدئنتی باراک اوباما اعلان ائدیب کی، القاعده لیدئری اسامه بین لادن اؤلدورولوب. اوباما دئییب کی، بین لادن پاکیستاندا آمئریکا-نین کئچیردیگی عملیاتدا اؤلدورولوب و تئررورچونون جسه‌دی آمئریکا -دادیر. او، بیلدیریب کی، آمئریکا قوه‌لری ایتکی وئرمه‌ییب و مولکی شخص‌لردن ده ضررچکن اولماییب.
“بین-لادنین اؤلومو القاعده نی مغلوب ائتمک یؤنونده اؤلکه‌میزین ان موهوم اوغورودور. اما اونون اؤلومو هله ده بیزیم سعی‌لریمیزین سونو دئییل. آنجاق شوبهه یوخ‌دور کی، القاعیده بیزه هوجوم‌لارینی داوام ائتدیره‌جک. بیز اؤلکه داخیلینده و خاریجینده آییق-ساییق اولمالیییق و اولاجاغیق”.
اوباما علاوه ائدیب کی، آمئریکا ایسلاملا محاربه آپارمیر و بین لادن موسلمان لیدئری، کوتلوی قیرغین تؤره‌دن جینایتکاردیر. بین لادن تاریخده بیر نئچه اؤلومجول حربی هوجومون، همچينین 2001-جی ایل 11 سئنتیابر تئررورونون تشکیلاتچی‌سی ساییلیر.
کئچمیش پرئزیدئنت جورج بوش تئررور تشکیلاتی‌نین رهبری‌نین اؤلدورولمه‌سی‌نین تئررورلا موباریزه‌ده جدی بیر اوغور اولدوغونو آچیقلاییب.
سئوینن آمئریکا‌لی‌لار
تئررورچونون اؤلدورولمه‌سینی ائشیرن آمئریکا‌لی‌لار سئوینجله آغ ائوین قارشی‌سینا توپلاشماغا باشلاییب‌لار. “آمئریکا، آمئریکا!” دئیه شوعارلار سسلن‌دیرن اینسان‌لار خوشبخت اولدوق‌لارینی دئییب‌لر.
9/11 حاديثه‌لرین‌دن سونرا آمئریکا قوشون‌لاری بين لادنی آختارماق مقصدیله افقانیستانا داخیل اولموشدو