Template:Wp/zgh/ⴰⵡⵡⵓⵔ:ⴰⵙⴳⴷ/ⴰⵎⵏⵏⵉ
ⵉⴳⴰ ⵍⵉⵙⵍⴰⵎ ⵏⵖ ⵉⵙⵍⴰⵎ (ⵙ ⵜⵄⵕⴰⴱⵜ: الإسلام) ⵢⴰⵏ ⵓⵙⴳⴷ ⴰⴱⵕⴰⵀⵉⵎⵉ ⵉⵙⵢⵉⵡⵏ ⵏ ⵕⴱⴱⵉ. ⵉⴳⴳⵯⵉⵣ ⴷ ⵅⴼ ⵢⵉⵙⵔ ⵎⵓⵃⵎⵎⴰⴷ 
(ⵜⴰⵥⴰⵍⵍⴰⵉⵜ ⴷ ⵓⴼⵔⴰ ⵏ ⵡⴰⴽⵓⵛ ⴼⵍⵍⴰⵙ), ⴰⵔ ⵜⵜⵉⵏⵉⵏ ⵉ ⵡⴰⵏⵏⴰ ⵉⴹⴼⴰⵕⵏ ⴰⵙⴳⴷ ⴰⴷ "ⴰⵎⵙⵍⵎ" ⵏⵖ "ⴰⵏⵙⵍⵎ", ⴰⵎⴰⴳⵓⴷⵎⵜ ⵏⵏⵙ "ⵉⵎⵓⵙⵍⵎⵏ" ⵏⵖ "ⵉⵏⵙⵍⵎⵏ".
ⴰⵔ ⵉⵙⵙⵍⵎⴰⴷ ⵢⵉⵙⵍⴰⵎ ⵉⵙ ⵉⴳⴰ ⵡⴰⴽⵓⵛ ⵢⴰⵏ ⴷ ⵉⵙ ⵓⵔ ⵉⵍⵍⵉ ⴽⵔⴰ ⵏ ⵡⴰⴽⵓⵛ ⴰⵎⵔ ⴰⵍⵍⴰⵀ (ⵙ ⵜⵄⵕⴰⴱⵜ: الله), ⵉⴳ ⵎⵓⵃⵎⵎⴰⴷ (ⵜⴰⵥⴰⵍⵍⵉⵜ ⴷ ⵓⴼⵔⴰ ⵏ ⵕⴱⴱⵉ ⴼⵍⵍⴰⵙ) ⵢⵉⵙⵔ ⴷ ⵓⵎⴰⵣⴰⵏ ⵏⵏⵙ, ⵉⴳⴳⵣ ⴼⵍⵍⴰⵙ ⵓⵇⵇⵓⵔⴰⵏ ⵙ ⵜⵖⴰⵔⴰⵙⵜ ⵏ ⵓⵏⴳⵍⵓⵙ ⵊⵉⴱⵔⵉⵍ (ⴰⴼⵔⴰ ⴼⵍⵍⴰⵙ/ⵄⴰⵍⴰⵢⵀⵉ ⵙⵙⴰⵍⴰⵎ). ⵜⴳⴰ ⵜⵓⴳⵜ ⵏ ⵉⵎⴰⵣⵉⵖⵏ ⵉⵎⵓⵙⵍⵎⵏ.
ⵉⴱⵉⴷⴷ ⵍⵉⵙⵍⴰⵎ ⵅⴼ ⵙⵎⵎⵓⵙⵜ ⵜⵔⵙⴰⵍ
- ⵜⵓⴳⴳⴰ (ⴰⵛⵛⴰⵀⴰⴷⴰ) : ⴰⴷ ⵉⵛⵀⴷ ⵓⴼⴳⴰⵏ ⵉⵙ ⵓⵔ ⵉⵍⵍⵉ ⴽⵔⴰ ⵏ ⵓⴱⴰⴱⴰⵢ ⴰⵎⵔ ⴰⴽⵓⵛ/ⵕⴱⴱⵉ/ⴰⵍⵍⴰⵀ (ⵍⴰ ⵉⵍⴰⵀⴰ ⵉⵍⵍⴰ ⴰⵍⵍⴰⵀ), ⴷ ⵉⵙ ⵉⴳⴰ ⵎⵓⵃⵎⵎⴰⴷ ⴰⵎⴰⵣⴰⵏ ⵏ ⵕⴱⴱⵉ (ⵡⴰ ⵎⵓⵃⴰⵎⵎⴰⴷ ⵔⴰⵙⵓⵍ ⴰⵍⵍⴰⵀ) ;
- ⵜⴰⵥⴰⵍⵍⵉⵜ (ⴰⵚⵚⴰⵍⴰⵜ): ⴰⴷ ⵉⵥⵥⴰⵍⵍ ⵓⵎⵓⵙⵍⵎ ⵜⵉⵥⴰⵍⵍⵉⵡⵉⵏ ⵏ ⵡⴰⵙⵙ ⵙ ⵙⵎⵎⵓⵙ ⵉⵜⵙⵏⵜ ;
- ⵜⴰⴽⵓⵜⵉ (ⴰⵣⵣⴰⴽⴰⵜ): ⴰⴷ ⵢⴰⵡⵙ ⵓⴼⴳⴰⵏ ⵙ ⵉⵇⴰⵔⵉⴹⵏ ⵏⵖ ⵎⴰⴷ ⴷⴰⵔⴽ ⵉⵍⴰⵏ ⴰⵜⵉⴳ ⵉ ⵡⵉⵏⵏⴰ ⵢⵓⵙⵔⵏ ⴷ ⵉⵎⵥⵍⴰⴹ;
- ⵓⵥⵓⵎ (ⴰⵚⵚⴰⵡⵎ): ⴰⴷ ⵢⴰⵥⵓⵎ ⵓⴼⴳⴰⵏ ⴰⵢⵢⵓⵔ ⵏ ⵔⵎⴹⴰⵏ ;
- ⴰⵔⵣⵣⴼ (ⵍⵃⵉⵊⵊ): ⴰⴷ ⴷ ⵉⴽⴽ ⵓⵎⵓⵙⵍⵎ ⵎⴽⴽⴰ, ⵉⵃⵓⵊⵊⵓ ⴷ, ⵉⵖ ⴰⵙ ⵢⵓⴼⴰ.
ⴰⵎⵓⵙⵍⵎ ⵉⴳⴰ ⴰⴼⴳⴰⵏ ⵏⵏⴰ ⵉⴹⴼⵔⵏ ⴰⵙⴳⴷ ⵏ ⵍⵉⵙⵍⴰⵎ, ⵉⵙⵙⵍⵎⵏ ⵉⵎⴰⵏ ⵏⵏⵙ ⵉ ⵕⴱⴱⵉ. ⵉⴽⴽⴰ ⴷ ⵉⵙⵎ ⵏ ⵍⵉⵙⵍⴰⵎ ⵣⵖ ⵜⵓⵜⵍⴰⵢⵜ ⵜⴰⵄⵕⴰⴱⵜ (ⴰⵎⵢⵉⵡⵏ: ⵎⵓⵙⵍⵉⵎ) (ⴰⵎⴰⴳⵓⵜ: ⵎⵓⵙⵍⵉⵎⵓⵓⵏ/ⵉⵉⵏ). ⵍⵍⴰⵏ ⵎⴰⴷ ⵢⴰⵥⵏ ⵉ 1,8 ⵏ ⵉⴷ ⵎⵍⵢⴰⵕ ⵏ ⵉⵎⵙⵍⵎⵏ ⴳ ⵓⵎⴰⴹⴰⵍ. ⴳⵔ 80% ⴷ 85% ⴳⵉⵙⵏ ⴳⴰⵏ ⵉⵙⵓⵏⵏⵉⵢⵏ, ⵉⵍⵉⵏ ⵓⵍⴰ ⵉⵛⵉⵄⵉⵢⵏ ⴳ ⴽⵉⴳⴰⵏ ⵏ ⵜⵎⵉⵣⴰⵔ ⵏ ⵓⵎⴰⴹⴰⵍ, ⴳⴳⵓⵜⵏ ⴳ ⵜⵎⴰⵣⵉⵔⵜ ⵏ ⵉⵕⴰⵏ ⴷ ⵄⵉⵔⴰⵇ ⴷ ⵍⵓⴱⵏⴰⵏ.