Help:Wp/mad/Help:Daftar tatanya'an sè segghut ètanya'aghi
Kaca panèka aèssè daftar patanya'an parkara Wikipèdia sè segghut èyajuaghi (ètanya'aghi) bi' pangangghuy anyar (sè ghi' bhuru masok). Parèksa ghâllu artikel arèya sabelluna atanya apa bhâi dâ' ka pangangghuy sè laèn.
Sapoter Wikipedia
Wiki arèya apa?
Wiki arèya kompolan ca-kaca web sè bisa (ollè) èoba bi' sakabbhienna orèng niyap bâkto. Konsèp ban /prantè olo' Wiki ècèptaaghi bi' /Ward Cunningham. Sampèyan bisa ngobâ sakabbhienna kaca sè bâdâ è situs web panèka, sampè' dâ' kaca sè pas èbâcâ bi' sampèyan bisa èyoba. Carana: Klik sunting è bagiyân attas otabâ bâbâ halaman arèya.
Mon sampèyan coma panasaran bân terro nèngghua (nangalèa) dhibi' dâ' remma cara lakona Wiki, sampèyan èyatorè nyoba' praktèk neng /bak beddhi.
Arapa ma' èsebbhut Wikipedia?
Wikipedia panèka singkatan dâri Wiki bân ènsiklopedia.
Apa tojjhuwân Wikipedia panèka?
Tojjhuwân Wikipedia iyâ panèka: aghâbây ènsiklopedia coma-coma dâ' sakabbhienna pangangghuy ènsiklopedia sè palèng râjâ bân palèng ghenna'. Tojjhuwân panèka ta' ghâmpang ètekka bân kamongkenan sampè' taonan.
Sapa bhâi sè atangghung jâwâb parkara èssè ensiklopedia?
/Wikiwan bân Wikiwati otabâ anggota Wikipedia.
Wikipedia aropaaghi sèttong kolaborasi. Èbuwân orèng ella nyombhang saran dâ' saniyap bâgiyân proyèk arèya. Sapa bhâi ollè nyombhâng saran, alebbhu tan-trètan kabbhi.
Parkara panyontèngan
Arapa tang artikel sè èusullaghi èpaèlang (èkosot)?
Artikel sè èghâbây sampèyan ollè èusullaghi sapa bhâi kaangguy èkosote. Tapè coma /pamong sè bisa ngosot (maèlang artikel}.
alasan artikel èkosot bisa aropa:
- èssèna ghi' ta' bisa maso' kriteria sè bisa èmaso'aghi ka dâlem ènsiklopedia
- topika ta' jelas
- èssè artikela ta' merras
- bâdâ fitnah bân pamessatan
- atojjhuwân ngarosak èssè Wikipèdia
Artikel sè èkosot bennè polana tolesana jhubâ'. Pèra' ghi' ta' ngempengè okoran umum (standar) kaangghuy tolèsan Wikipèdia. Kaca rembhâk arèya bisa tan-trètan ghunaaghi kaangghuy majhârna'aghi tan-trètan laèn sè agunaaghi Wikipèdia bân pamong jha' katerrangenna (carèta/ rtikel) pantes èpamaso'aghi dâ' Wikipèdia bân kelamon alasanna arèya ètarèma, kamoddhian tan-trètan areng-bhâreng ngembangaghi sopajâ lebbi beccè'.
Pamong bhâkal nemmo artikel sè èonelaghi ka angghuy èkosot bân bhâkal maèlang artikel sè pantes ongghu ka angghuy èkosot. Pamong bisa kiya aghântè'è panandhâ tan-trètan kalabân panandhâ sè laèn (kembangaghi, mèsalla), bilâ artikel sâ kasebbhut bisa èkembangaghi.
Arapa tang artikel èparèngè tandhâ "rèngkesaghi"?
Ngarèngkes è dâlem Wikipedia ta' coma ngator dâlem sosonan /paragrap sè beccè' bhâi, parlo kiya èberri panyangkè' (pranala) kalabân artikel sè laèn bân ngator sosonan informasina ma' lè bisa aberri' kesan sèttong ènsiklopedia /internet, bânnè artikel /koran otabâ jurnal ilmiah.
Kalakowan ngarèngkes bhâkal cè' abhânto tan-trètan sè laèn sè aghunaaghi ènsiklopedia arèya, kaangghuy ngola informasi sè tan-trètan berri'i.
Tan-trètan bisa maca informasi parkara /pangatoran artikel bân format panolèsan sè ella bâdâ panèka, ma' lè pangangghuy laèn bisa nyaman maca tolèsan tan-trètan kabbhi.
Arapa tang artikel èberri' tandhâ "kembangaghi"?
Bâdâ bânnya' artikel sè andi' èssè lengkap bân data akorat tapè ta' acerminaghi definisi (artè) jelas dari topik sè èmaksod. Artikel ènga' arèya maskè èkatela' bagus, bhâkal èangghep ter-moter bân salanjuta bhâkal èberri' tandhâ (tag) kembangaghi bi' pangangghuy (tan-trètan} sè laèn.
Kodhu paènga' mon artikel ènsiklopedia sè beccè' bhâkal terros nyajiaghi definisi sè jellas ghâllu bhuru aberri' katerrangan tambâ'ân sè lengkap.
Nyonteng settong artikel
Tan-trètan bisa ngembangaghi sèttong artikel kalabân cara nyonteng ban namba'agih data dâ' artikel sè kasebbhut.
- Kembangaghi artikel sè kasebbhut terros klik tombol sèmpen halaman kangghuy nyèmpen (pamong bhâkal ngarèkomendasiaghi ma' lè tan-trètan terros agunaaghi tombol lihat pratayang katèmbhang nyèmpen padahal ghi' ta' èsonteng kalabân bhender).
Apa wikifisasi arèya?
Conto èssè tag wikifisasi: Ka sakabbhienna artikel otabâ sala sâttong bagiyân dâri artikel arèya parlo èwikifisasi.
Wikifisasi otabâ awikifisasi (dâlem /bhâsa Inggris: wikify), iyâ arèya aberri' link (bhâsa Indonesia: pranala) ka: istilah, nyamana orèng, periode (pamoterran bâkto) bân laènna ma' lè maghampang tan-trètan sè senneng maca kaangghuy nyarè informasi sè apolenan kalabân topik-topik sè ella ecarètaaghi è dâlem artikel arèya. Kalabân awikifisasi (segghut kiya èsebbhut wikify) sèttong oca bisa èklik ma' lè pamaca bisa nengalè informasi oca sè kasebbhut.
Dâ' remma carana awikifisasi?
1. Carana ghâmpang.
- Kaangghuy awikifisasi sèttong oca' otabâ kompolan oca' sabâ' duwâ' korong sèko bukka' "'''" bân duwâ' korong sèko totop "'''" èantarana oca' otabâ kompolan oca' sè èmaksod.
- Contona: oca' kèlap, mon èklik [[kèlap]] pas oca' "kèlap" bhâkal bisa èklik ènga' rèya: kèlap bân tan-trètan bisa nengalè informasi sè ahubungan ci' topik kèlap arèya.
2. Wikifisasi sè bhâghus arowa pèra' sakalèyan ngangghuy sèttong istilah. Edâ'adâ'na artikel otabâ subartikel kiya, jhâuaghi pangolangan dâlem sèttong artikel otabâ subartikel.
Da' remma nambâaghi ghâmbar ka dâlem artikel?
Kaangguy mamowa' ghâmbar dâ' ka wikipèdia?, bâcâ Bhântoan:Pamowa'an.