Wp/chn/ulegan-uyxat

yuɬqat kakwa 2170 mayl (3,490 km.) olekin-uyx̣at. ukuk uyx̣at munk-chxi kʰapa Independence, ixt tʰawn kʰapa misəli-iliʔi, pi ukuk uyx̣at ɬatwa kʰapa wilamet-loʔlo-iliʔi kʰapa olekin-iliʔi. anqati hayu bastən tilixam ɬaska munk ukuk uyx̣at pus ɬatwa kʰapa ukuk iliʔi.

olekin-uyx̣at ɬatwa wik-saya imaɬ pi ulq'-stalu pi misəli-stalu: kʰapa misəli-iliʔi, ayuwa-iliʔi, kʰansas-iliʔi, niplaska-iliʔi, kʰələlatu-iliʔi, wayuming-iliʔi, aydahu-iliʔi pi olekin-iliʔi.

iləp-ulman tʰaym[edit | edit source]

kʰapa 1804, 1805 pi 1806 kʰul, Meriwether Lewis pi William Clark ɬaska ɬatwa kʰapa misəli-stalu pi uk imaɬ pus ɬatwa pʰəsipʰik-saltsəqw. Pacific Fur Compani (pʰəsipʰik-saltsəqw-skin-kʰompani) ɬaska ɬatwa kʰapa ixt iwa wik-x̣luyma Lewis pi Clark ɬaska iwa. wəx̣t North West Company pi Hudson Bay Company, pi hayu bastən pi kʰinchuch skin-makuk-man pi lamətay-man (kakwa James Douglas) ɬaska ɬatwa ukuk iwa, pi olekin-uyx̣at chaku-tənas.

wilamet-loʔloʔ-tsəqw.

kʰimt'a 1839 kʰul pi iləp 1869 kʰul.[edit | edit source]

kʰapa 1839 kʰul, 18 ilinuy-man ɬaska ɬatwa kʰapa olekin-uyx̣at pus munk chxi tʰawn kʰapa ulman-olekin-iliʔi.

kʰapa 1843 kʰul, dret hayu (700-1,000) tilixam ɬaska ɬatwa kʰapa olekin-uyx̣at pus ɬatwa olekin-iliʔi. kʰimt'a 1846 kʰul hayu mormon ɬaska ɬatwa wik-saya misəli-stalu pus ɬatwa kʰapa yutʰa-iliʔi, qʰiwa kʰapa misəli-iliʔi ɬaska tiki munk-ɬatwa-saya əbə munk-miməlust kʰanawi mormon.

kʰapa 1848 kʰul, hayu tilixam, kakwa sitkum kʰanawi tilixam kʰapa ulman-olekin-iliʔi, ɬaska ɬatwa kʰapa kʰaliponiya-iliʔi pus iskam gul, pi "kʰaliponiya-uyx̣ət" chaku-tənəs. olekin-iliʔi chaku ixt dret tənəs-iliʔi kʰapa 1859 kʰul.

kʰapa 1861 kʰul, qʰənchi kʰul-iwa-bastən-iliʔi pi wam-iwa-bastən-iliʔi ɬaska chaku-saliks, kʰa tilixam ɬaska ɬatwa kʰapa olekin-uyx̣at, bət qʰənchi ixt leylod chaku-tənas kʰapa panama-iliʔi, manaqi-wik-hayu tilixam ɬaska munk olekin-uyx̣at pus ɬatwa kʰapa olekin-iliʔi.

kʰimt'a 1869 kʰul[edit | edit source]

ixt hayash leylod inatay munk-q'weɬ kitap-san-bastən-iliʔi pi t'ɬip-san-bastən-iliʔi kʰapa 1869 kʰul. alta manaqi-wik-hayu tilixam ɬaska munk olekin-uyx̣at qʰiwa ukuk chxi leylod miɬayt.

dret alta ixt-ixt tilixam ɬaska iskam ulman ch'ikch'ik pus ɬatwa kʰapa ukuk ulman olekin-uyx̣at, kʰəpit pus hihi- ɬush nanich, kʰanawi msayka pus msayka tiki tʰray ukuk.