Wp/chn/kʰalakwati-stik

man iləp ixt kʰalakwati-stik, kʰapa washintan-iliʔi.

ixt nim pus lakit hayash stik kʰalakwati-stik əbə tush-stik.

nim-ikta

wik-saya yakwa lakit "kʰalakwati-stik" miɬayt:

• Cupressus nootkaensis, kʰapa mayʔmi kʰinchuch-kolombi-iliʔi, wəx̣t kʰapa lamətay kʰapa washintan-iliʔi pi ulegan-iliʔi.

• Thuja plicata, kʰapa mayʔmi iliʔi kʰapa kʰinchuch-kolombi-iliʔi, washintan-iliʔi olekin-iliʔi, wəx̣t pi aydaho-iliʔi pi kʰul-iliʔi-iwa-kʰaliponiya-iliʔi.
• Chamaecyparis lawsoniana,

• Calocedrus decurrens, kʰapa lamətay kʰapa olekin-iliʔi pi kʰaliponiya-iliʔi.

ixt-ixt kʰanawi ukuk stik (hilu Calocedrus decurrens) chaku iləp hayash kʰapa 200' (60 m.) manaqi-tenas Calocedrus decurrens

qʰata tilixam ɬaska munk ukuk stik

ɬush mayka munk kʰalakwati-stik kʰalakwati pus munk upq'ənəx̣.

ikʰanəm kʰapa kʰalakwati-stik

ɬinkit-tilixam ɬaska t’uʔan ixt ikʰanəm. kʰapa ukuk ikʰanəm, "nutsayɬani" yaka munk ixt khalakwati-stik pus munk "ɬiʔil-pish" (iləp kakowan.)

Hesiquiaht tilixam ɬaska t’uʔan ixt ikʰanəm, pi kʰapa ukuk ikʰanəm, ixt hayash k’ak’aʔ t’ɬap ɬun ɬuchmən wik saya saltsəqw, qʰa ɬaska munk-dilay samən. ukuk k’ak’aʔ yaka wawa: "msayka t’uʔan k’was pus miɬayt-kakwa-ixt? əbə msayka t’uʔan k’was pus itsx̣ət, əbə pus lilu?" (wəx̣t pi hayu x̣luyma x̣ələl-ikta.) kʰanawi ukuk ɬun ɬuchmən ɬaska k’ilapaiywawa: "wik", wəx̣t pi ɬaska wawa: "pʰuphup munk-k’was nsayka." k’ak’aʔ yaka k’ilapay kʰapa stik-iliʔi, pi yaka wawa kakwa phuphup. ukuk ɬun ɬuchmən ɬaska kuli sax̣ali kʰapa lamətay, pi qʰənchi dret til pi x̣awqaɬ-munk-win ɬaska, ɬaska chaku ɬun kʰalakwati-stik. kʰa alta kakwa ɬuchmən ɬaska yaqsu khalakwati-stik-skin, pi kʰa kʰalakwati-stik miɬayt kʰapa lamətay.

wəx̣t "kʰalakwati" ixt nim pus stik-skin.