Wb/pag/Pinawil to ray Boleg to
INAWIL TORAY BOLEG TO nen Eufemia Villamil
Lapud ag inilaluan ya isabi nen bakal diad dalin tayo, nanbabangil so agawgawa ed bilay lautlad inkiwaklit na saray mabli ed puso tayo lapud inkasakupan da ed a rawin pasen. Ontan la kalamor so gonigon na pagew nen malimgas ya asawa nen Genaro nen agto la agawaan so pinmawil ed diking day boleg to.
Asaraan ya amin so ganaganay paaralan knian akatonda ed anapan to si Aurora ed pasen ton maestra. Lalon taluna so gonigon to lapud agto amta no iner so pangalaan toy legpet tod bilay tan saray anak ton talora.
“Dya la ed kindi laki tan bai yoy laen tayon panayaman, anako,” so nikuan nen maaron ina ed saray talora.
“Labay kod man, nanay! Dakel so niog diman! Abonton so lakamas! Sawaan so pisi-pising, lomboy tan kamantilis!” masiglat ya nibaga ray duaran yogtan ya anak to.
“Dali sirin Nanay, diman itila ed kindi laki tan bai so panayanan tayo,” masiglat ya nibaga ray duaran yogtan ya anak to.
“Dali sirin Nanay, diman itila ed kindi laki tan bai so panayanan tayo,” masiglat ya nibaga ray duaran yogtan ya anak to.
Diad seet, kuli tan anos nen Aurora agawaan toy nanbilay a kabokbokuran ya andi si asawa ton katulong to. Nanbabuy tan nanmanuk iran saniina. Lapud walara ed otel na makapal a kaniogan di katulangan to, kanian mabetbet met so panlarak da na ilako ra, ta ontan lay bili na larak ed saraman a panaon.
Sakey a lahbi nitepet nen Mario. “Nanay, kapigan balet so isengpet nen tatay ko ey?”
“Agka mapaga anak, ta no nasungpal so bakal, onpawil dya lay tatay yo,” inpailalo nen ina.
“Agaylan likeliket tayo ed satan! Anto, nanay?” maliket a nikuan day ogugaw.
“Ogip kayo la sirin anako, pian masakbay kayon onbangon. Dakel so kimey tayo nabuas. Manulor itayo na niog,” nipasakbay nen ina ed saray anak to.
Sanlegan na bakal ontan met lay kairapan ya nilikna nen Aurora lautla nen ag tola akab-kabatan so walan kipapasen nen asawa to lapud anggapo sa coreo, palapagan radio odinu anton bengatlan pakalaan na balita.
Say agew, bulan tan taon dinmalan ya ag namantaan tan diad utel day kairapan tan kaermenan nen Aurora naanosan toray anak ton apan-aral. Ilalo lahwas so agnaoman ya diad agew iran onsabi walan siansia so pakanunot nen asawa ton onpawil ed sikara.
“Nanay,” kuanday anak to, “akin kasi et agto balesen nen tatay mi so saray sulsulat me ed sikara? Talagan indaindan da itayo lan sigpot.”
“Nayari met lagi, balet agak manisia ya agto met mailiw ed sikatayo,” ebat nen nanay da.
“Nen sinulat tayoy tatay ko, nen naplag si agik pinakabatan tayo ra met. Agay lay awet na puso ran ag mansulat ed sikatayo!” maermen ya abisuat na anak ton bii.
“Ag nayari ya makalinguan si tatay yo ed sikatayo. Anggapo met so kinulangan ko bilang ya nepeg ton barungan ed siak, andi bali, anak, manilalo kayo lawas ed Dios a katawan ta walan siansia so ipawil to ed sikatayo.
Ag lara akasel so anak tan diad maong dan panangaro ed si nanay da, sikato so makapangiter na ilalo to ed bilay.
Lapud asakbay iran nandem di Aurora tan saray kaiba to ed abong ed sman a lahbi, kanian walalaran mareereen ed loub na abong. Ag abayag walay nangel a bocis ya saya et abirbir nen Aurora. Amaarap a tampol ed pinto tan nilukasan toy katulangan ton laki tan mankelaw. Angigalang tan nanopapet.
“Akin, ana, et akakar kayo dya ed srayan igsa? Antoy agawa? Antoy pegdat yo?” so manoosilan a tepet nen Aurora.
“Walay pakelaw ed sika, anako, Pisalamatan koy baleg no mangiter na kaliketan mod bilay,” inpangigapo nen katulangan to.
“Antoy labay yon ibaga, ama? Anto tan a pakelaw so kuanyo?” kuanen Aurora.
“Sinmabi asawam, anako,” so ag napokpukan ya inbalita nen masiken.
“Sinmabi Genaro! Iner so kawalaan to ey? Panliketan kon peteg ama so inpawil tod diking min boleg to Say ilalik ag balut naapa! Say Dios lawas agto ka paulian no agmo met ikaindan,” tan dingay inpanpales ton akila ed si katulangan to ya minengneng ed si asawa ton agto anengneng ya pigay taon.