Wb/pag/518 Rizal Street, Pozorrubio, Pangasinan

Nanlapud impan-ugao tan impanbaleg.

Sica, sica so angited

Na puetang, pag-asa tan panangaro,

Sican dalin cod Pozorrubio.

Say abong con nan-irapan,

Ay-aysing, recuerdos tan anto ca man,

Diad puseg ta so nantequepan

Ag na-eqal angagano poolan.

Natan arawi man ed sica,

Oalad arom ya pasen la,

Pinab-pabli ta ca nin sincia,

Sacsaquey ya puso, siac tan sica.

Aquin casi ag da natalusan,

Siac ta sica, sacsaquey itan.

Ipa-onong da ac, iyarawi da ca,

Nasaquitan so puso tan dua!

Anggapo lay samit na panag-bilay

No nan-arawian ed sinansaquey,

Maong sirin ya say dala iter-ter

Parad dalin con bilay so caputer.

No say pana-ngaro ag da nalicna

Tan pana-ngasi anggapo’y importancia,

Oala sirin so nagawaan,

Parad dalin con bilay so caputer.

Sicaton parad totoon mapa-onong,

Maong ya mansalitan mandun-dunong,

Gabay da tan pan-arawian,

Aputer so anges balet aquilaban!