Wb/mni/কৈথেল
মীওইবা হায়বসি পূন্না হিংমিন্নবা জীবনি। মী ওইনা হিংনরিবা পুম্নমক্লা অমনা অমগী মতেং পাংনদ্রবদি হিংবদা রানা থোকই। ওসি মীওইবা খুন্নাইনা চাউখৎলিবা অসি হিংবদা চঙলিবা, চঙদ্রবা য়াদ্রবা পোৎলম চৈরম, পোথোক চাথোক কয়া অতোপ অতোপ্পা মীওই জাতি কয়ানা মানা মানা উম্বা, মানা মানা হৈবা পুথোক্ল দুনা অমগা অমগা লৌথোক-লৌশিন তৌনবদগী পুন্না অৱাৎ অপা লৈতনা হিংনরিবনি। অসিগুম্বা পোথোক পুথোকপা অমদি পোথোকশিং অদুবু শীজিন্নরিবা মখল অনীগী মীওই জাতিশিংগী মরক্তা লৈবা য়োনবা তৌদুনা অমনা অমবু মতেং পাংনবগী থবক্তা কৈথেল হায়বসিনা অচৌবা খৌদাং অমা লৌদুনা লাকই। শম্না হায়রবদা কৈথেল হায়বসি অয়োনবা অমসুং অরৈবা অনীগী মরক্তা লৈবা য়োনবগী থবক পাওথোকফম ওইবা য়াম্না মরু ওইবা মফমনি। ঙসি মীওইবগী | খুন্নাইদা চাউখৎপগী খম থেংবা তাঙ্কক অমদা লাভুনা পুন্সিদা হিংবগী মরেক মহাও অমা থোকহল্লিবা, অপাম্বা দরকার ওইবা পোৎলম খুদিংমক পাশ্লকপা, লৌনিংলকপা ফংনিংলকপা মতমদা ফৎহন্দুনা অৱাৎ অপা লৈতনা হিংনরিবা পুন্সি অসিগা কৈথেলগা তখন-থানবা য়াদবা মরী লৈনৈ।
লৈবা য়োনবা হায়বসি শেশ্মীৎলোনগা মরী লৈনবা হীরমনি। মরম অসিনা কৈথেল হায়বসি শেশ্মীৎলোনগা তখন-থানবা য়াদ্রবা, মীওইবগী খুন্নাইরোলগা য়াম্না নকশিন্ননা লৈবা য়াম্না মরু ওইবা অমা ওইবনা কৈথেল হায়বসি করিনো, করম তৌনা মিং অসিনা পীরিবা রাহন্থোক অসিনা করিনো হায়বা চাউরাকপা অমা নৈনরম্বা চঙই। লমদমসিগীদি কৈথেলবু কৈথেল হায়না কৌরঙ্গিবসিনা কৈথেলনা লৌরিবা খৌদাং, কৈথেলগী মরু ওইবদু অদুম তাকচৈ। হায়বদি মিং অসিদা কৈ অমদি থেল হায়বা বাহৈ পুংবা অনী শীজিন্নরিবা অসিদা কৈ হায়বনা পোৎ চৈ, চান-থক্লবা কয়াবু পৈশিন্দুনা, লীশিন্দুনা থক্ষমদু কৈ অদুগা থেল হায়বসিনা থেন্দুনা থম্বা হায়বসিনা মাঙতপ-তুংতপ তৌরগা কৈথেল হায়বা ৱাহৈ, মিং অসি থোকই। মসিদগী ঐখোয়না কৈথেল হায়বসিদা অপাম্বা, দরকার ওইবা পোৎলম চৈরম পূন্না পৈশিন্দুনা থম্লগা অপাম্বা মীনা লৈনবগীদমক থেন্দুনা থম্বা মফমনি হায়বসি খঙই।
মণিপুরদা কৈথেল চাউখৎলকপা: পুরারীগী ওইনা কৈথেল হৌরকপা অসি মালেমগী মমাও য়াম্না উল্লিঙৈ মতমদগী হায়বদি প্রি হিষ্টরিগী মতমদগী হৌনা কৈথেল লৈরকে হায়না হিষ্টরিয়ানশিংনা মসিগী লীখুল পী। তৌবতবু মতম অদুদা পোৎকা পোৎকা ওন্নবগী চৎনবী হায়বদি "বার্টর সিষ্টেম" লৈরম্বদগী রাফম পল্লি। মণিপুরগী ওইনসু কৈথেল অসি লাই হাক্তক্তগী হৌনা লৈরকপগী বারী রাখোঙ লৈ। কংলাগী লাইফম তাকপা লাইরিক্তা লৈশেম নোংশেমঙৈগী মতমদা লাইম্বেী তরেৎনা হৌদোং মকোক য়োল্লগা লাইবঙগৌশিংনা মদু লৈরগা চাকচা হৈজানখি। লাইরেম্বী তরেৎনা লুকমায় পান্দুনা পোৎ য়োনখিববু কংলা মনুংদা খুভম য়াদুনা লাইফম ওইনা লৈ। মসিগী মতাংদা নূংলোন কৌবা লাইরিক্তা মখাগী বারোল অসুমা ইরি মদুদি "লুফৌনূংগী মখাদা খুদুপ মরিগী মতমদা কৈথেল লৈবনে। মনাজা লুকমায় লৈবনে। লাইরেম্মা তরেৎ লৈবনে। মশক্তি মীগী মশকনে। মচুদি মেমানবসুং অসংবসু য়াওএ। অহুয়া নোংচুপ পাংনা ফমএ। অহুয়া মখা পাংনা ফমএ। অমদি লাইজিলম ফমএ। মসিবু কৈথেল লাইরেম্মা তরেৎমা কৌএ।" লাই কৈথেল কাবা থৌরমগা মরী লৈনবা লীখুলদা হয়িচক্কী মতমদা মীগা লাইগা খৎনদুনা নুংশিনদবদগী খুনবান লৈপানবা বারবদা কাং খোং চাইরবা লৈবাকপু অমুক হন্না খুনশেম লৈশেমদুনা খুঞ্জাউ লৈচাউনবা, মী লাই অনীনা হান্নগুয়া পুকচেল খোয়জেল তিন্ননা নুংঙাইনা পানমিন্ননবগীদমক মাগী মাগী অঙম্বা যৌদাং য়ানবদা লাইরেম্বী নিপান-পুকশিখোম্বী, অঙাইবী, থোংঙাইবী, থিংপাই, লোইখোম্বী, কোংতিংলৈমা, থারৈমা, য়ুচেৎলৈমা অমসুং | চেঙলৈমা হায়রিবা লাইরেম্বী নিপাল অসিনা লাইগী কৈথেল ফমখি। লাইরেম্বী নিপাল অসিনা মী মকোক অমদি ফি অরাংবনচিংবা য়োন্দুনা মদুবু লৈরগা | মী-লাই পুন্না চাকচা হৈজানখি। লাইগী হাক্তক অসিগী মতুং মীগী মীরোল তারক্লবা মতম মৈদিংডু নোংদা লাইরেল পাখংবগী মতমদদি লাইরেম্বী নিপালগী মতুং তাইবঙ চনু নিপালনা শিন্দুনা কৈথেল ফশ্লগা লুকমায় নিপালদা অচা-অথক, অনুম-অহাউ অমসুং খোইয়ুম লাইরকচনগী পোৎচঙ চৈজঙ পুম্নমক শুনা অমত্তা বাংতনা য়োল্লগা মদুবু লৈরগা থোং থাকুনা চাকচা হৈজানখি।
অসুস্থা লমদমসিগী খুন্নাইরোলদা লাই হাক্তক্বী বারী লীখুলশিংদা কৈথেলগী রাফম বারীনদুনা লাকপা অসিনা লমদমসিদা খরগীমখৈ ওল্লিপ্তৈ মতমদগী হৌনা কৈথেলগী চৎনবী অসি লৈরক্লে হায়না লৌবা য়াই। কৈথেল লিংখৎলকপা অমসুং মসিগী চাউখৎলোন: মণিপুর পুরারীগী তাঙ্কক কয়াদা লমদমসিগী মীওই জাতি কয়ানা পাক শন্না খুন্দা লৈতারিবা তোঙান তোঙানবা মফমশিংদা কৈথেল কয়া লিংখৎলম্বগী লিখুনশিং, করম করম্বা নিংথৌশিংগী হাক্তক্তা করম করম্বা কৈথেলশিং লিংখৎলম্বগে হায়বর্গী বারোল মখাদা নৈনদুনা য়েংসি। মণিপুর ইতিহাসতা ঘোইদোক হেন্দোল্লা শীংথানবা য়াবা মতিক চাউখিবা নিংখৌশিংগী মনুংদা কুমজা ১৫৯৭ দগী ১৬৫২ ফাওবা পানখিবা নিংথৌশিংগী মনুংদা মৈদিংঙ খাগেশ্বসু অমনি। নিংথৌ অসিনা চহী ৫৫ চুপ্পা পাল্লম্বা মতমদা থোইদোক হেন্দোক্লা শীংথানিংঙাই ওইবা চাউখৎ ঘৌরাং কয়া পাঙথোক্লন্বতা নওনা অনৌ অনৌবা পোৎশক, অনৌ অনৌবা লৈঙাক পথাপ, খুদম ওইনা মহাক্লা তৌরম্বা শীংথানিংঙাই ওইবা পনবা য়াবা খরদি চেকী যুরা শাবা, লুহুপ উল্লা, শগোল কাংজৈ শান্নবা, কোয়েৎ য়েৎপা, নিংখৌবু লাইয়িংখৌ কৌবা, হীদাক থকপা, কংলা চেকপল খাবা, হীদাকফু থকপা, লাইরিক থোকহন্দুনা তম্বা হৌবা, কংলাগী সনথোং অমদি উৎত্রা শাবা, কংলাগী য়াঙদা মোইমীৎ য়ৈবা, কৈথেল কয়া লিংখৎপনচিংবা পনবা য়াই।
মৈদিংও অসিনা লিংখৎলম্বা কৈথেলশিংগী মনুংদা থোইদোক হেন্দোক্লা মরু ওই হায়না লৌবা য়াবা কৈথেলশিংদি অৱাং কৈথেল, সনা কৈথেল অমদি খা কৈথেল হায়রিবা কৈথেল অহুম অসিনি। মৈদিংডু খাগেশ্বনা পানবা মতম ফাওবদা হান্নদগী কংলা মনুংদা কৈথেল মাপন লৈরম্মী। হান্না লৈরন্থা কৈথেল মাপনগী মমিংদি মৈদিংডু মোইরাম্বা কৈথেল, মৈদিংন্তু লৈচোল কৈথেল, তোলোং কৈথেল, সনা কৈথেল, খা কৈথেল, অৱাং কৈথেল, য়ীমলেপ কৈথেল, লৈখোং কৈথেল অমদি লৈচোনলৈমা। মৈদিংডু খাগেশ্বনা পানবা মতম অসিদা কংলা মনুংদা লৈরম্বা কৈথেলবু কংলাগী রাংমা সনথোংগী নোংচুপ থংবা মফমদা পুথোজুনা থম্লম্মী। নিংথৌ অসিগা কংলাগী বাংমা নোংচুপলোমদা লিংখৎলম্বা কৈথেলশিংদি অৱাং কৈলথেল, সনা কৈথেল অমদি খা কৈথেলনি। মৈদিংডু খাগেশ্বগা কৈথেল অহুম অসি হোঙবা মতমদা অৱাং কৈথেলগীনা লাংগোই শগোল থিংক্রা কৌবনা মখা থারগা মসিগী মথক্তা থোংনাং ময়াং য়ায়েক্লা মথক থংবা পুং থোল্লগা অহোঙ কুহ্মৈ তৌদুনা কৈথেল হোংখি। সনা কৈথেল হোংবা মতমদা লাংগোই শগোল ময়াম্বা কৌবনা মখা থারগা তাইপোং নিংখৌ চৌকোং কৌবনা মথক থংনা পুং ঘোল্লগা পুং অসিগী মথক্তা মৈদিংডু চলাম্বগা ওইনাম খুন্দগী চিংবা নমশানা কৌবা নুংনা পুংগী মথক্তা যুংলগা অহোং কুহ্মৈ তৌদুনা হোংখিবা কৈথেলনি। হায়রিবা সনা কৈথেলদা যুংলিবা পুং নমশানা হায়বসি গরিবনিৱাজ মহারাজনা মোংবহনবা তান্না চিংশিল্পগা হনুমান মুর্তি শানখি। মৈদিংডু খাগেন্ধনা খা কৈথেল হোঙবা মতমদা পানবা কৈ অমুবনা মখা থারগা মঙ্গন নিংখৌ সায়িনা মথক থংনা পুং থোল্লগা অহোও কুহ্মৈ তৌদুনা হোংখি।
| মৈদিংডু খাগেশ্বনা লিংখৎলম্বা কৈথেল অহুম অসিনা লৈরম্বা মফমদি অৱাং কৈথেলনা হৌজিক রুপমহল ঠিয়েটর লৈরিবা অসিগী নোংচুপ থংবা লম | অসিদা লৈরম্বনি। হান্না রূপমহল টেস্ক হায়দুনা লৈরম্বা পুপ্তি অদু অৱাং কৈথেলগী অৱাং থংবদা লৈরম্বা কৈথেলগী পুষ্টিনি। সনা কংলাগী নোংচুপ | সনথোংগী হেক নোংচুপ থংবা শরুক্তা লৈরম্বা স্থাইদগী চাউবা কৈথেলনি। ফৈদাপুং অসি সনা কৈথেলগী নোংচুপ্তা লৈরম্বা পুংনি। খা কৈথেলগী মফমনা | সনা কৈথেলগী মখা থংবা লম হৌজিক স্টেট ম্যুজিয়ম চঙবা লম্বী লৈরিবা অসিগী ময়াদা লৈরম্বা কৈথেলনি। হৌজিক লম্বী অসিগী খা থংবা নাকলদা নুং অমা য়ুংদুনা লৈরিবা অসি খা কৈথেলগী মখা থংবা লমখৈদা য়ুংলম্বা নূংনি। হান্না অৱাং কৈথেল হোংবা মতমদা যুংলম্বা নূংনি। মহারাজ চূড়াচান্দগী মতম কুমজা ১৯০৪ দা মফম অসিদা চিংশিল্পগা কৈথেলগী লমখৈ খঙনবা য়ুংখিবনি। মৈদিংডু খাগেম্বনা লিংখৎলম্বা কৈথেল অহুমগী মনুংদা স্নাইদগী মরু ওইবা সনা কৈথেলবু তোঙান তোঙানবা মমিং থোন্দুনা মায়কৈ অহুম থোক্লা মবেন্ধৌ লাইরেম্মা তরেৎমগী মায়কৈ লান্নহন্দনা ফমফমগী মথং শিন্না ফমহল্লকপা তোঙান তোঙানবা পোৎলম য়োনবা পোৎমশিংদি ফৈদাপুংগী নোংপোক্তা লৈবা মায়কৈগী কৈথেলবু মোইরাম্বা লৈচোল কৈথেল হায়না থোল্লি। কৈথেল অসিগী লান্নফন্দবা পোৎফমশিংদি ফৈদাপুংগী থংনবদা লং। মসিগী মথংদা - নোংপোক্তা কা, মথং নোংপোত্তা হৈ অমদি চু মথং নোংপোক্তা তন, মথং নোংপোক্তা চুহী, মথং নোংপোক্তা সনা, মথং নোংপোক্তা কোন য়োল্লশ্মী।