Wp/vmf/Albrecht Dürer

Der Adigl is in Nämbercherisch gschriim.

Albrecht Dürer der Jüngere (frängisch: Albrechd Dierer; * 21. Mai 1471 in Nämberch; † 6. April 1528 in Nämberch); woar a daidscher Moler, Grafiger, Maddemadigger un Kunsddheoreddiger von eurobäischn Rang. Er woar a bedeidnder Kinsdler zur Zeid vom Humanismus un der Reforrmazion.

Albrechd Dierer houd däi vo seim Vadder brauchde Schreibweisn „Türer“ der dübbisch nämbercherischen odder fränggischen waachen Asprooch vo hadde Gonsonandn obassd un asu däi Voraussedzung fir sei beriemds Monogramm gschaffn, a grouß A miid an underschdelldn D.

Er is anner vo die weldweid bedeidnsdn Kinsdler. Der Sohn vo an as Ungarn eigwanderdn Goldschmied houd zerschd a Lehr zun Goldschmied ogfangd, obber dann abbrochn um in der Werrgschdadd vo Michael Wolgemut a Molerasbildung zu machn. Sei kinsderlischs Schaffn woar brächd vo vill Reisen nach Idalien, in däi Niederlande un däi Schweiz.

Sei Gmälde, Schdiich, Hulzschniid und Illusdradiona sin in Museen af der ganzn Welld asgschdelld. Vill vo seine Werrge sin obber noch seim Doud a verluurn ganga. Zu seine beriemdesde Werrgge zilln zum Beispill däi Zeichnunga „Däi bedndn Händ“, „Der Feldhoos“ odder sei Selbsdborrdräs.