Wp/sjd/Антонова, Александра Андреевна
Антонова Са̄нндрэ Вуэннҍтре нӣййт (рӯшас Александра Андреевна Антонова) (*5.5.1932 - †8.10.2014) — са̄мь кырьйхэй, ёарркэй, са̄мь кӣл те̄дтидтӭй нызан я о̄ххпэй Луявьрэсьт. Кырьехьт Са̄мь букварь (1982), па̄ррнэ гуэйкэ стиха кырьй Пӣрас (2004) я со̄нэнҍ ёаркса ле̄в моа̄ййнас Вӣллькэсь пуаз я пугк ко̄ллм кырьй Тарья Кукесьсугк баяс кӣллт са̄мь кӣлле.
Биографья
[edit | edit source]Шэ̄ннтма лӣ 1932 ыгь кыдтман выдант пе̄йв. Со̄нн шэнтэ пуазнэгкь пӣррсэсьт Баренц ме̄р рынтэсьт, Мӯрман е̄ммьне Тырьбэрь са̄ткэсьт Куэллнэгк нёа̄ркэсьт. Сӣн шӯрр пӣрас лӣ чӣллк са̄мь пӣрас. Са̄нндрэ ро̄дҍхэль че̄д агесь лыххькэнҍ пуазныннъенҍ Тырьбэрь ча̄рэсьт. Сӣнэнҍ ля̄йй шӯрр пӣрас. Са̄нндрэсьт лӣ алльк я кӯххт а̄ххкэв.
1949 ыгесьт Са̄нндрэ мэ̄нэ о̄ххпнуввэ Ленинград Таввял О̄ллмэ института. 1956 ыгесьт маӈӈа институт мэ̄ннмэнҍ вӯлкха ля̄йй Луяввра рӯшш кӣл я литература вуэпьсеенҍ. 1976 ыгесьт Луявьрэсьт школа-интернат оа̄лкхэшш классэнҍ оа̄лкэхьт выгкэ са̄мь кӣл.
Тӯй
[edit | edit source]1978-1993 ыгенҍ Са̄нндрэ те̄вьтэхьт алфавит са̄мь кырьй гуэйкэ я кырьехьт авьтмусс кӣлт са̄мь кӣл букварь оа̄лкхэшш классэ гуэйкэ. Букварь ля̄йй луэшштма 1982 ыгесьт. 1985 - Са̄мь-рӯшш соа̄гкнэг кырьйхей. Са̄нндрэ пые кӣллт са̄мь кӣлле кырьй Ӣисус - паррнэ ка̄ннҍц, ку выйтэ олкэс 1996 ыгесьт. Карашъёгэсьт Таввял кыррьй лӯшшьтэм пэҏтэсьт ныдтшэ 1996 ыгесьт выйтэ Аскольд Бажанов кырьй Вӣллькэсь пуаз. Антонова Са̄нндрэ пыйе тэнн кырьй рӯшш кӣлэсьт кӣллт са̄мь кӣлле. 2003 ыгесьт выйтэ моа̄йнас "Ка̄йе ла̄йххь", 2004 ыгесьт - стиха кыррьй "Кутҍк кэ̄бп" я "Пӣрас" па̄ррнэ гуэйке. 2007 ыгесьт Са̄нндрэ лӯшьтэ стиха кыррьй рӯшас "Кӯтҍк сӯн" я со̄нн ныдтҍшэ пые са̄мас Матрехин Эвван стихатҍ. 2008 ыгесьт выйтэ Есенин стиха са̄мас, кӣллт са̄мь кӣлле пыйенҍ Са̄нндрэ Антонова я Софья Якимович. Адтҍ вӯррьтэпь Евангеле Ма̄ххьтвесьт кырьй выййтмуж. 2014 ыгь кыдтманэсьт выйтэ со̄н ёарркмушш рӯшш кӣлэсьт кӣллт са̄мь кӣлле Астрид Линдгрэн ко̄ллм кырьй: "Та̄рьенч Кукесьсуххк", "Та̄рьенч копчнадт воа̄ррэ" я "Та̄рьенч Руэньсэсь ланӭсьт".
1993-2004 Са̄нндрэ Луявьрэсьт лыгкэ выгкъенҍ са̄мас са̄ррнмуж документацья я радива мӣлльтэ.
Ка̄йв
[edit | edit source]- Са̄нндрэ Антонова. Пӣрас: стӣха кыррьй паррнэ гуэйкэ = Sandra Antonova. Bearaš: mánáid diktagirji. 2004. — Карашёгк = Kárášjohka.
- Антонова, А. А. я С. Е. Якимович пыянт. "Сергей Есенин са̄мас стиха". Мурман кырьй луэштант 2008.