Wp/pdt/Katoolische Tjoatj
Mett Katoolische Tjoatj es jeweenlich dee Reemisch-Katoolische Tjoatj jemeent. Aundre Bediedinje send hia to finje: Katoolische Tjoatj (Ewabletj).
Dee Reemisch-Katoolische Tjoatj es dee jratste Religioonsgrupp oppe Welt en uck dee jratste tjrstliche Tjoatj. Meea aus dee Halft von aula Tjriste oppe Welt jehere to dise Tjoatj - daut es een Sastel vonne Weltbeveltjarung, meea aus eene Milliarde Mettjlieda. Dee Katoolische Tjoatj haft 23 Tjoatje mett ejnem Ritus aus Unjagruppe, mank woone dee jratste dee Letiensche Tjoatj (Wastritus) en dee Oost-Katoolische-Tjoatje mett 2.782 Diozeese send.
Dee hechste Autoritet vonne Katoolische Tjoatj fe Gloowe, Moraul en Tjoatj-Reajle es dee Reemischa Beschop, to Tiet Paupe Benedict XVI. Mett dee anglikaunische, dee ooltkatoolische en dee ortodoxe Tjoatje deelt dee katoolische Tjoatj aula sewen Sakramente, uck daut Wiehaumt, oppjedeelt en Beschop, Priesta en Diakoon (Klerus). Unjascheede doone sich dee Gruppe bie dee Aunertjaninj vom Reemischen Beschop aus Paupe ewa dee Jesaumttjoatj.