Wp/kum/Гьажиагьмат Тагьир Исмуллагьны уланы
Гьажиагьмат Тагьир Исмуллагьны уланы — къумукъ тилбилим алимидир.
Тагьир Гьажиагьмат 1971-нчи йылда Хайдакъ районну Тюменлер деген юртунда тувгъан. 1989-нчу йылда Янгыгент орта мактапны битдирип, октябр айда Дав-Денгиз флотунда асгер борчун кютме гетген. Къайтгъан сонг 1993-нчю йылда Дагъыстан пачалыкъ университетни Дагъыстан филология факультетине охума тюшген. 1998-нчи йылда факультетни битдирип, Магьачкъаладагъы 52-нчи мактапгъа орус ва къумукъ тиллерден муаллим болуп ишлемеге башлагъан. Шонда ишлей туруп, 2000-нчи йылда аспирантурлукъгъа охума тюшген. 2000-нчи йылдан башлап, Дагъыстан пачалыкъ университетни Дагъыстан тиллерини кафедрасында ишлеме башлагъан ва бугюнге ерли шо кафедрада ишлей. 2006-нчы йылда «Къумукъ тилни Хайдакъ диалектини янгыгент сёйлевю» деген мавзугъа кандидат диссертациясын якълагъан ва шо йылда «Янгикентский говор кайтагского диалекта кумыкского языка» деген монографиясы да басмадан чыкъгъан.
Байланывлар[edit | edit source]
- https://search.rsl.ru/ru/record/01002869923 — «Къумукъ тилни Хайдакъ диалектини Янгыгент сёйлевю»