Wp/khw/محمد شریف شکیب

From Wikimedia Incubator
< Wp‎ | khw
Wp > khw > محمد شریف شکیب
محمد شریف شکیب
محمد شریف شکیب
محمد شریف شکیب
آژیک 5 فروری 1961 (1961-02-05) ‏(63)
لون، ضلع چترال، پاکستان
ادبی نام شکیب
پیشہ ادیب،دانشور،صحافی،شاعر
زبان کھوار
ملک wp/khw/پاکستانپاکستانی
قومیت چترالی
تعلیم ایم اے پولیٹیکل سائنس
یونیورسٹی کراچی یونیورسٹی
سال 1995 تا حال
اصناف کھوار شاعری
ادبی تحریک کھوارو مردم شماریو خانا شامل کوریکا پیش پیش
نویوکو کوروم اردو کالم نگاری
ڈاکومینٹری(جیونیوز)
ایوارڈ و اعزازات ایوارڈان تفصیلان انتظار شیر
کامیابیو سال 1995
آژیلی 3
Website
Muhammad Sharif Shakeeb

محمد شریف شکیب ممتاز کھوار شاعر، ادیب، کالم نویس، نقاد، مترجم، ٹی وی جرنلسٹ اوچے ای ہردل عزیز ادبی وا سماجی شخصیت آسور۔ ھو تعلق پاکستانو صوبہ خیبر پختونخو ضلع چترالو تحصیل موڑکھو بنیادی سہولتاری محروم ای دیہہ لونو سوم شیر ، وا ھیس روزنامہ آج پشاور اوچے چترال وژن اخبارا کالم دی نیویشیران وا ھنیسے جیو ٹیلی ویژن نیٹ ورکو پشاور مرکزا خدمات انجام دویان، کھوار اوچے اردو زبانا شاعریو سوم جستہ جستہ اردو اوچے انگریزی زبانا آرٹیکل دی نیویشیران وا ترجمہ دی کویان، موجودہ وختہ پشاورا مقیم آسور-

سبق[edit | edit source]

محمد شریف خان شکیب ابتدائی تعلیم گورنمنٹ پرائمری اسکول لونار حاصل کوریکار اچی انیس سو ستر عیسوئیا کوشٹو مڈل اسکولہ داخلہ گانیتائی۔ انیس سو چوہتر عیسوئیا کوشٹو اسکولوتے ہائی اسکولو درجہ دیونو ہوئی، اوہتی سال ہے اسکولار میٹرک کوریتائی۔ 1975عیسوئیا گورنمنٹ کالج چھترارہ داخلہ گانیتائی۔ امتحانو موژی لہاز بیکو وجہیں لمبار کم ہانی۔ 1977عیسوئیا کراچیا بی جوہجوو امتحانو جوبارہ پرائی، گورنمنٹ سٹی کالجہ داخلہ گانی بی اے کوریتائی۔ کراچی یونیورسٹیا داخلہ گانی 1986عیسوئیا پولے ٹیکل سائنسہ ماسٹر ڈگری فرسٹ ڈویژنہ پاس آریر۔ ایس ایم لا کالج کراچیہ قانونو مضمونہ داخلہ گانی اسیتائی مگم کراچیو حالات خراب بیکو وجہین اچی بیکو نو بیتائی۔ یکم جنوری 1988اژغال داری اریر-

کیریر[edit | edit source]

ای سال اوچے پھت آغا خان اسکول لونہ ہیڈ ماسٹر حیثیتہ کوروم اریر۔صوبائی پبلک سروس کمیشنو امتحانو بچین پشاورا ہائی۔ہاتے وختہ پشاورار صرف ای سرکاری اخبار روزنامہ مشرق چاپ باوتائی، کراچیو حالاتن خصوصی حوالو سورہ مشرق اخباروتے مضمون نیویشکا پرائی۔ مشرق اخبارا ھو بیشیر پونچ مضمون چھاپ بیکار اچی اخبارو ریزیڈنٹ ایڈیٹر عبدالوحد یوسفی ھو مشکی اخبارہ کوروم شروع کوریکو دعوت پرائی۔30جون1989عیسوئیا روزنامہ مشرق پشاورو سوم ھیس وابستہ ہوئی۔چھور سال ہے اخبارو سوم سب ایڈیٹر طورا کوروم اریر۔ہے موژی تن عبدالواحد یوسفی تن اخبار روزنامہ آج شروع کوریکو فیصلہ اریر۔ محمد شریف شکیب جو سال آج اخبارا مترجمو کورومو اریر۔ہے موژی 1993عیسوئیا مشرق اخبارو حکومت تاج میر شاہ صاحبوتے بیزیمتائی۔24جون1994عیسوئیا نیوز ایڈیٹر حیثیتہ روزنامہ آج پشاورو مارکیٹہ انگیکا محمد شریف شکیبو بو ھوست شیر ۔ستمبر1995عیسوئیا آج اخبارو ایبٹ آباد ایڈیشنو بچین شکیبو ہزاروتے بدیلی کورونو ہوئی۔27ستمبر1997عیسوئیا روزنامہ آج ایبٹ آبادو مارکیٹہ آلائی۔2000عیسوئیا شکیبو اچی پشاوروتے مشکونو ہوئی۔2005مئی مسی اخبار شملہ شروع کوریکو بچین اچی ایبٹ آبادوتے بغائی۔ای سال اچہ شملہ اخبارو ایبٹ آبادو ای سیاسی شخصیت مشتاق غنی گانیتائی۔ 2007مئی مسی اچی پشاورا ہائی۔ اگست 2007عیسوئیا پشاورار اخبار شہر و مارکیٹہ آلائی۔ محمد شریف شکیبوتے ہیہ منفرد اعزاز حاصل شیر کہ اخباراتن سوم تن بیشیر سال وابستگیو موژی نیوز ایڈیٹر، ڈپٹی ایڈیٹر، چیف رپورٹر اوچے ریزیڈنٹ ایڈیٹرو عہدین کوروم کوری اسور۔ چھور اخبار نیوز ایڈیٹرو حیثیتہ تن ھوستین شروع کوری اسور۔ہے موژی جیو نیوزو وشکیار محمد شریف شکیبوتے ٹیلی وژنہ گیکو دعوت توریکو پرنٹ میڈیو پیځھی الیکٹرانک میڈیو سوم یکم ستمبر2008عیسوئیا وابستہ ہوئی۔ وا ہمونیہ پت جیو نیوز پشاور بیوروا کاپی ایڈیٹر حیثیتہ وابستہ اسور۔18سالہ پت مختلف اخباراتین مضمون دی نیویشتائی۔ ہے موژی انگریزی اخباراتن خاص خاص مضمونان اردوا ترجمہ دی آریر۔ کھوار ادبو سوم شکیبو خاص دل چسپی شیر ۔جمہور اسلام کھوارو بچین دی مضمون نیویشاو اوشوئی وا ای اوشتام۔ جو سالار یری ماہنامہ شندورو ادارتی ذمہ واری دی شکیبو ذما شینی۔ ریڈیو پاکستان پشاورو سوم دی جوش پونچ سالہ پت اردو اوچے کھوار خباران مترجم، مقرر ، کمپیئر اوچے نگران پروڈیوسرو حیثیتہ کوروم کوری اسور۔انجمن ترقی کھوارو حلقہ پشاورو سوم دی ھو وابستگی شیر۔ کھوار زبانہ پھک مدا شاعری دی کوری اسور وا ھو شاعری باقاعدگیو سورا چترال وژنا چاپ بیتی شینی ۔ ای کتاب بیکو بش قابل اصلاح غزل اوچے نظم دی نیویشی اسور۔ہے موژی مختلف سرکاری اوچے بین الاقوامی اداران سوم مترجم حیثتہ کوروم کوری اسور۔ پروشٹی کینی وزیر خارجہ گوہر ایوبو انگریزیہ Glimpses into the Coridors of Powerنامین کتابو” ایوان اقتدار کے مشاہدات“ نامو سورہ ترجمہ کوری اسور۔

حوالہ جات[edit | edit source]