Wp/arq/رابح درياسة
| رابح درياسة | ||
 | ||
| السميّة الحقّانيّة: | {{{السميّة الحقّانيّة}}} | |
| خدايمهُ: | مغني | |
| تاريخ تاع الزيادة: | 19/08/1934 | |
| بلاصة تاع الزيادة: | بليدة , دزاير | |
رابح درياسة لي هو مغني ورسام ويدير تلحين و فان مترجم جزايري للموسيقى شعبية عندنا كيما لحوزي و صحراوي,زاد في بليدة ف1934.[1] بكري متوال 1960 حتى 1980 انعرف بشعال من غونية الي غناها فيبلادو ولي هو جابها من عندو ولي تنعد من اعمالو لمخيرة في خدمتو كيما لغنية تع اعطيلو زالاميت, حيزية,نجمة قطبية , لڨمري وكاين فان لغنية تاع لعوامة ومعندوش غير هاذ لغنا برك عندو فان وحداخرين الي تماركاو فل موسيقى جزايرية فذاك لوقت. عبدو وليد رابح درياسة دخل فلغنا ف1990, ديجا كانو مرة على مرة يغنو في رحبة.[2] كان يحفظ لغنا تاع باباه ومبعد يعاودو. لحاجة لي لازم نزيدوها فان, هي انو رابح درياسة هو وليد خت لفنان خليفي احمد اللي توفى ربي يرحمو.
حياتو[edit | edit source]
رابح درياسة الي زاد في بليدة لفن تاعو مبداهش نيشان فلغنا بداه مع لاول برسم , نقدرو نڤولو بلي تعلم وحدو كيفه يرسم روسومات صغار ومكانش يجيب غير من راسو برك كان فان يدي من خدمات لي دايرهم محمد راسم. وهذي لخدمة دار بيها كتوبة وحطهم في بليدة و دزاير وجاب بهم سومة تع جول فيري في صالو تع لفنانين لجزايريين وشرقيين الي جاي في باري و ماتز وهذا علجال متانت لعلاقة لي كاينة بين بليدة و ماتز . رابح درياسة بدا يد٘خل فلغنا متوال 1953 , مع لاول بداه بالكتيبة .كان لاكثرية يكتب غناه للنجوم تع سينيما تع بكري ومبعد موراها بدا يغاني في غناه وحدو في وحد لحصة تع حاشلف الي دارها وكتبها والي هي معروفة بزاف, كانو يديروها ف لاذاعة واللي يسموها من كل فن شوية ,وشويخة تع لغنا لمعروفين كيما مصطفى سكاندراني,عبد رحمان عزيز,مصطفى كشكول وكاين فان وحداخرين, هادو ڤاع حطو لوٞلها للغنا تاع رابح درياسة أيا كي شافوه يسالاكها بداو يعاونو فيه باه يزيد يكمل فلغنا.
ومبعد لغنا تاعو بدا يمشي بزاف و دار حالة بسكو دلٝو موسيقى شابة وفان جاب نوع جديد مبدل شوية على لعلاوي و صحراوي ,حتى شعب نخلع في ريتم تاعو جديد بلا ماننساو بلي لمواضيع اللي غنا عليهم يهدرو ڤاع على لمشاكل لي رانا نلقاوهم فلمجتمع تاعنا وهذا شي خلا رابح درياسة يدير كثر من 45 غنية ولي دار بيهم حالة وناس بزاف شراتهم من لحوانيت لكبار تاع ليديسك كيما تع باتي, تباز,فليبس وكاين فان وحداخرين. وغير ستقلت لجزاير بدا يد خل فستيل تع غناه مواضيع هايلة متعلقة بالبلاد ولجلية جزايرية لي جاية في لوروب دوموندات منو باه يشارك في تورنوات مختلفة باه يفرحو معاه بلاستقلال تاع لجزاير جديدة,لاقيباش هذي لجالية دايرة رابح درياسة كيما واحد من سوفارا تع لغنية لجزايرية بلا ما ننساو بلي شارك في ڤاع سيمانات ثقافية تع لجزاير لي نظموها فلبلدان لي مصاحبة لجزاير كيما لعراق, مصر, سوريا, لكوايت,سعوديا, لامارات,لبنان وفان فلبلدان لي جاية حدا لجزاير كيما لمروك,ليبيا,تونس. دار عزف موسيقي فالمهرجان لعالمي تع قرطاجة فماك وين لغنية تع « نجمة قطبية » دارت حالة.ناس ڤاع بغاتو على جال ظرافتو[3] وفان على جال قصايدو وخدمتو و لعبرة لي في غناه وليومنا هذا ينتعد واحد من لملحنين ولمولفين لمخييرين فلجزاير جديدة.
لمدير تع أولامبيا عيط لرابح درياسة ف1975 لاول مرة باه يدلو حفلا مورا ختها للنجوم سينيما تع لعالم العربي وهنا نقدرو نڤولو بلي لغنا لي دار حالة ماندارش قاع فلحساب بلعكس بدا يعزفلهم فلموسيقى وحدو وغنالهم شعال من غنية جديدة ولي بهاد شي بين لاداء تاعو وين وصل وعي٘طو لقاع نجوم باه يجو يلقاوه قدام شعب.
في أفريل تع 2003 لمدير تع ليديسون أتلاس ,م.ربلوزيان صابها حاكمة أيا عمر لكاتالوڤ تاعو بلٝغنا تع رابح درياسة وكاين فهاذا سيدي غير لغنا جديد تاع رابح لي راه داير حالة كيما لغنية تع « يا عبد لقادر » لي تهدر على لامير عبد لقادر, ولغنية تع حزب ثوار وكاين فان تع قصة سيدنا يوسف بلا ما ننساو شاعرنا لكبير لي يسموه سيدي لخضر بن خلوف لي دار قصيدة « يا راس بنادم » ولي رابح درياسة دا من كلامو ومن توزيع لموسيقي تاعو ونقدرو نقولو بلي قاع هاذ لغنا لي راهو في سدي اعطا بانوراما لخدمت رابح درياسة لي بدع فيها ولي كان فيها كيما لي يدير تلحين وكيما شاعر. كي ماتت امو كان في عمرو 12 نسنة ومبعد موراها ب3 سنين مات باباه وكان عندو 5 خاوة وكان لازم عليه يتكفل بهم ويخدم عليهم و يوفرلهم قاع شا يستحاقو و مزية كان يبغي بزاف رسم على زداج أيا دار هادي لحرفة كيما خدمة لدرجة انو دار بيها كتوبا ونجح في عرضها ف1952 فالجزاير وفي فرنسا. من 1953 بدا ينز من جهة لغنا أيا وحد لخطرة شارك في حصة تع حاشلف لي يقدرو ناس ڤاع يحضرو فيها ولي يسموها "من كل فن شوية" وزيد كان يجي فڤاع لمناسبات لي كانو يديروهم في لاصال تاع ابن خلدون لي تنظمهم لاذاعة لجهوية تع دزاير. بلا ما ننساو انو رابح درياسة بغناه و بصوتوشباب عطاولو اسم "عندليب لجزاير".[2]
غنا خاطرينو[edit | edit source]
19؟؟ يا الحوتة[edit | edit source]
- ذبلونا
- شعال يطول صغرك
- الاذان
- بحر تع الحب صعيب
- فال خير
- فالمنام لبارح
- يالحوتة
- خلخالك مال
- المحنة مكتوب
- ليوم فراحنا
- يا حمام لبلدي
19؟؟ وردة بيضة[edit | edit source]
- لوردة لبيضة
- يا طاير لوارشان
- يا رسول الله
- يا غزال ضهرة
- خولخالك مال
19؟؟ رابح درياسة[edit | edit source]
- خمس نجوم
- لحمام لي بغاني
- غبت عليكم
- لميمة جات
- الي حاب زين
- وردة مسكية
- صيد لحوت
- ما تقنطش
- لغزلان
- ادنيا
- يا بلادي
- لبيك
- يا حبيبي يهديك
- زوج حمامات
- بين لغوربة
- عيد ميلادك
- وردة في جنان اناس
- طلة لغوربة
- سبع يام بلا حساب
- سلٙك ذهب
19 ؟؟ قولولها لمٝمٙريضة[edit | edit source]
- قولولها لمٝوݥريضة
- يالخمريا
- ميلي يا نخلة
- يا ولفي مازال
- ريح لقصبة
- امشي غلى الله يالخدام
- شفت رسول
- طلبت لحاج
- يا محمد
19 ؟؟ قصة سيدنا يوسف[edit | edit source]
- فرحة لحاجة
- ربي عفو عليا
- تواحشت رسول
- يا صاحبي نواصيك
- يا زاير لمقام
- رسول لخليل
- قصة سيدنا يوسف
1982 مبروك علينا[edit | edit source]
- راني نكتب في برية
- مبروك علينا
- لعشق لجنون
- خرجو لبنات
- سايل الغزلان
- سور رمٙل
- يا لقمر يا لا لي
- افتح عليا لباب
- دايٙك مدام
- حنا غربة
- الحورية
- يحياو ولاد بلادي
2002 فرحة لحاجة[edit | edit source]
- فرحة لحاجة
- يا ربي اعفو عليا
- نشكي لرسول
- يا صاحبي نوصيك
- رسول لخليل
- يا زاير لمقام
- طلابة لحاج
- يا محمد
- لبيك الله
- لميمة جات
شوف تانيك[edit | edit source]
- قاموس الغنّايين الجازايريين Dictionnaire des musiciens et interprètes algériens, عاشور شرفي, ANEP, جزاير , 1997