Wp/kus/Azaya 16

AZAYA 16

1 “Mɔri pɛ'ɛsi keŋ tis onɛ sʋ'oe teŋ la ka li aan ya piini, 
lin yi Sela lɔ'ɔŋ pipiris teŋ la 
hali ti paae Zion zuorin la na. 
2 Nwɛnɛ niis ka ba ɛɛnti budigi ba tɛɛgʋn ka ba ian'ad si'em la, 

2 Moab pu'ab la mɛ anɛ ala,

ka yi Aanon kɔldaugin la widig saiin, ka yɛt ye, 
3 ‘Sa'alimi ti ka ti baŋ tinamɛ na gban'e si'em. 

2 Kɛl ka fʋ ma'asim lusi ti nintaŋ saŋa.

Su'am banɛ zɔɔ pɔns la, 
da pa'al banɛ zɔɔ widig la zin'iga. 
4 Kɛl ka Moab dim banɛ su'a zɔ la bɛɛ fʋ san'an, 
lusimi ba ka onɛ bɔɔd ye o san'am la da nyɛɛ ba.’ 
Onɛ mugusidi ya la saŋa na gaad, 
ka san'auŋ la gu'oe, 
ka onɛ bɔɔd zaba la bɔdig teŋ la zug. 
5 Saŋkan la sɔ' na zin'in na'am gbauŋ la zug 
ka mɔr nɔŋilim nɛ yɛlsida. 
Onɛ na zin'in na'am gbauŋ zug la na anɛ David yaaŋ: 
o na tu'adnɛ sida, ka kɛ ka pʋpielim zi'en. 
6 Ti wʋm Moab dimi dʋ'ʋsidi ba mɛŋ si'em, 
ba nwɛ'ɛd nyɔ'ɔg ka mɔr nyɛɛsim, 
ba ʋkidi ba mɛŋ hali ka zi' ye sɔ' lɛm bɛɛ mɔr zuobʋgɔ, 
amaa ba dʋ'ʋsi-m-mɛŋ la wʋsa anɛ zaalim. 
7 Dinzug ka Moab dim la kaasid; 
ba la'as taaba kaasid Moab teŋ la yɛla. 
Ba sʋnsa'aŋ pɔɔgin, ba fabin ka kaasid 
ka maal sʋnsa'aŋ Kir Harosef teŋ dimalisa la yɛla. 
8 Hesbon pɔɔd la kʋdig ya, 
Sibma tiwanna pɔɔd la mɛ kʋdig nɛ. 
Tɛɛns wʋsa na'anam da nu tiis la wala daam kʋʋl. 
Tiban la wila daa ɛɛnti tiɛn paae Jaza tempʋʋg 
 gaadi paae pipiris teŋin la, 
ka li bula la tansidi yit ka tiɛndi paad atɛukʋn. 
9 Ala ka m kaas wʋʋ Jaza dimi kaasid si'em la 
ka li anɛ Sibma tiwanna la yɛla. 
Oi, Hesbon nɛ Eleale, m kaas ya ka m ninta'am sʋʋ ya! 
Fʋ wala ɛɛnti bi'ig ka ba pɔn'ɔd, ya pɔɔd bunib saŋa, 
sumalisim tansʋg nɛ yʋʋma lɛn kae. 
10 Sumalisim lɛn kae tiisin la, 
sɔ' pʋ lɛn yʋ'ʋm bɛɛ maan tʋkpiidʋg tiwanna pɔɔdin la, 
sɔ' pʋ lɛn nwi'asid tiwala la ye o yis daam, 
sumalisim tansʋg agɔla, gɔla la gu'oe ya. 
11 M kaasid Moab yɛla nwɛnɛ kɔnne nwɛ'ɛd nɛ, 
ka m sʋnf san'am Kir Harosef yɛla. 
12 Moab dimi yii keŋi ba zuoya zug winsɔsʋgin, 
ba sɔsidnɛ gɛɛnd zaalim; 
ban keŋi ba teŋgbana pʋ'ʋsʋg zin'igin la, 
si'el-si'el pʋ maalɛ.” 
13 Zugsɔb la da dɛŋi pian' Moab yɛla si'em nwa'.  14 Amaa nannanna Zugsɔb la yɛl ye, “Yʋma atan' sʋʋgin, na an wʋʋ sɔ' na kpɛn' tʋʋma ka kaannɛ o dabisa si'em la, Moab vɛnlim nɛ o nidib la zu'oe si'em la ba na nɛ'ɛsi ba, nimbanɛ kpɛlim la na anɛ fiin ka mɛ kʋ mɔr paŋ bɛɛ yʋ'ʋrɛ.”