Wn/shn/တွၼ်ႈတႃႇပၢႆးႁူမ်ႇလူမ်ႈ ဢူဝ်လမ်းပိၵ်ႉပႃႇရိသ် ယွၼ်းတၢင်းၸွႆႈထႅမ်ဝႆႉ ၵူႈမိူင်းမိူင်း
ဝၼ်းဢႃးတိတ်ႉ၊ မၢတ်ႉၶျ် 31၊ 2024
လူင်ပွင်ၸိုင်ႈ ၾရၢင်ႇသဵတ်ႈ လႆႈယွၼ်းတၢင်းၸွႆႈထႅမ် မိူင်း 46 မိူင်း ႁႂ်းသူင်ႇပၼ်တပ်ႉၸုမ်းပလိၵ်ႈ 2,000 ပၢႆ တွၼ်ႈတႃႇ လွင်ႈႁူမ်ႇလူမ်ႈ ပၢင်ပွႆးဢူဝ်လမ်းပိၵ်ႉ ဢၼ်တေၸတ်းႁဵတ်း ၶၢဝ်းမႆႈ တီႈ ဝဵင်းလူင် ပႃႇရိသ် မိူင်းၾရၢင်ႇသဵတ်ႈ ၼၼ်ႉယဝ်ႉ။
ၽူႈမီးပုၼ်ႈၽွၼ်း ပၢင်ပွႆးဢူဝ်လမ်းပိၵ်ႉၶဝ် တိုၵ်ႉႁၢင်ႈႁႅၼ်း တွၼ်ႈတႃႇ လွင်ႈႁူမ်ႇလူမ်ႈ ပၢင်ပွႆး ဢၼ်တေၸတ်းႁဵၼ်း တႄႇဢဝ် လိူၼ်ၸူႇလၢႆႇ 26 ဝၼ်းတေႃႇ လိူၼ် ဢေႃးၵၢတ်ႉ 11 ဝၼ်းၼၼ်ႉသေ ၶေႃႈၽၢင်ႉလွင်ႈႁူမ်ႇလူမ်ႈၵေႃႈ လႆႈတိူဝ်းဝႆႉဝႃႈၼႆယဝ်ႉ။ ထၢၼ်ၽွင်းလူင် ၵၢၼ်ၼႂ်းမိူင်း မိူင်းၾရၢင်ႇသဵတ်ႈ မွၵ်ႇလၢတ်ႈဝႃႈ ၽွင်းမိူဝ်ႈႁဵတ်းပၢင်ပွႆးလဵၼ်ႈႁႅင်းၼၼ်ႉ ၼင်ႇႁိုဝ်တေမီး လွင်ႈႁူမ်ႇလူမ်ႈလီၼႆႉ လႆႈယွၼ်းတၢင်းၸွႆႈထႅမ် တပ်ႉၸုမ်းပလိၵ်ႈၵူႈမိူင်းမိူင်း ၸဵမ်မိူဝ်ႈ လိူၼ်ၸၼ်ႇဝႃႇရီႇၼၼ်ႉယဝ်ႉ ဝႃႈၼႆ။
ထၢၼ်ၵၢၼ်ၵႅတ်ႇၶႄ မိူင်းၾရၢင်ႇသဵတ်ႈ လႆႈယွၼ်းတၢင်းၸွႆႈထႅမ် တပ်ႉသိုၵ်းမၢင်မိူင်း တႃႇႁႂ်ႈၸွႆႈထႅမ်ပၼ် တပ်ႉၸုမ်း ဢၼ်ဢဝ်ပၢႆးႁူမ်ႇလူမ်ႈ တင်း မႃၼူမ်ဢၢႆသႅဝ် ၸိူဝ်းၼႆႉဝႃႈၼႆယဝ်ႉ။ ပေႃးပဵၼ် ပွႆးလဵၼ်ႈႁႅင်းၵူႈမိူင်းမိူင်း မိူၼ်ၼင်ႇၼႆ တွၼ်ႈတႃႇပၢႆးႁူမ်ႇလူမ်ႈ ပၢင်ပွႆးၼႆႉ ၵႆႉယွၼ်းတၢင်းၸွႆႈထႅမ် ၵူႈမိူင်းမိူင်းယဝ်ႉ။ မိူဝ်ႈပၢင်ပွႆးမၢၵ်ႇၼင်လူၵ်ႈ ဢၼ်ၸတ်းႁဵတ်း တီႈ မိူင်းၶႃႇတႃႇ မိူဝ်ႈပီ 2022 ၼၼ်ႉၵေႃႈ ၾရၢင်ႇသဵတ်ႈ လႆႈပွႆႇ တပ်ႉၸုမ်းပလိၵ်ႈယိပ်းၵွင်ႈၵၢင်ႇၵႂႃႇ 200 ၵေႃႉယဝ်ႉ။
ငိူၼ်ႈငဝ်ႈတိုၼ်း[edit | edit source]
- VOA News. "ပါရီအိုလံပစ် လုံခြုံရေး နိုင်ငံတကာအကူအညီ တောင်းခံထား" — VOA News, March 30, 2024
- John Leicester. "France asks for foreign police and military help with massive Paris Olympics security challenge" — Associated Press, March 29, 2024
- John Leicester. "France to boost Olympics security with foreign military, police support" — France 24, March 29, 2024