Wp/tdd/ᥛᥦᥝᥴ
![](http://upload.wikimedia.org/wikipedia/commons/thumb/c/c0/Cat_Briciola_with_pretty_and_different_colour_of_eyes.jpg/220px-Cat_Briciola_with_pretty_and_different_colour_of_eyes.jpg)
ᥖᥥᥱ ᥓᥥᥛ ᥛᥫ ᥙᥣᥢ ᥐᥩᥢᥱ ᥛᥣᥰ ᥖᥨᥝᥱ ᥗᥪᥒᥴ ᥕᥣᥛᥰ ᥘᥥᥝ ᥛᥦᥝᥴ ᥘᥭᥳ ᥘᥭᥲ ᥑᥣᥛᥱ ᥐᥨᥢᥰ ᥞᥐᥳ ᥑᥝᥴ၊ ᥘᥭᥲ ᥑᥣᥛᥱ ᥐᥨᥢᥰ ᥙᥣᥱ ᥓᥣᥰ ᥙᥢ ᥑᥝᥴ၊ ᥘᥭᥲ ᥑᥣᥛᥱ ᥐᥨᥢᥰ ᥛᥤᥙᥱ ᥒᥦᥢᥰ ᥞᥦᥛᥴ ᥖᥣᥭ ᥑᥝᥴ ᥛᥣᥰ ᥙᥣᥢ ᥔᥪᥙᥱ ᥙᥣᥢ ᥛᥣᥒ ᥙᥣᥢ ᥐᥩᥲ ᥘᥤ ᥛᥣᥒ ᥙᥣᥢ ᥐᥩᥲ ᥑᥤᥴ ᥘᥦᥲ ᥘᥩᥒ ᥛᥦᥝᥴ ᥘᥭᥳ ᥘᥤ ᥑᥝᥲ ᥓᥬ ᥖᥥᥳ ᥖᥥᥳ။ ᥟᥛᥱ ᥞᥧᥳ ᥘᥭᥲ ᥓᥬ ᥔᥖᥴ ᥟᥛᥱ ᥘᥖᥴ ᥘᥭᥲ ᥓᥬ ᥐᥨᥢᥰ ᥘᥭᥴ ᥘᥦᥲ ᥓᥬ ᥛᥦᥝᥴ ᥘᥭᥳ ᥐᥩᥲ ᥖᥨᥝ ᥘᥣᥛᥰ ᥕᥣᥙᥱ ᥝᥭᥳ ᥘᥦᥲ ᥐᥨᥝᥳ ᥘᥥᥒᥳ ᥛᥦᥝᥴ ᥘᥭᥲ ᥛᥤᥰ ᥖᥣᥒᥰ ᥑᥛᥴ ᥓᥬ ᥝᥭᥳ ᥕᥧᥱ။ ᥛᥣᥴ ᥘᥭᥳ ᥖᥥᥳ ᥛᥨᥝᥴ ᥞᥧᥳ ᥐᥣᥒ ᥓᥬ ᥓᥝᥲ ᥛᥢᥰ ᥔᥥᥴ ᥛᥨᥝᥴ ᥟᥩᥢᥲ ᥝᥩᥢᥰ ᥑᥩᥢᥰ ᥞᥣᥒᥴ ᥞᥥᥖᥱ ᥘᥥᥴ ᥙᥢ ᥐᥧ ᥓᥫᥳ ᥐᥧ ᥘᥩᥒ ᥓᥬᥳ ᥘᥭᥲ ᥐᥧ ᥘᥩᥒ ᥔᥥᥴ ᥖᥣᥳ ᥛᥦᥝᥴ ᥘᥭᥳ ᥖᥥᥳ ᥟᥛᥱ ᥓᥣᥒ ᥓᥬᥳ ᥘᥭᥲ ᥖᥥᥳ ᥖᥥᥳ။ ᥛᥥᥝᥰ ᥘᥭᥳ ᥙᥥᥢ ᥔᥖᥴ ᥟᥢ ᥘᥥᥒᥳ ᥝᥭᥳ ᥘᥬᥰ ᥞᥫᥢᥰ ᥔᥥᥴ ᥑᥝᥴ ᥑᥬᥲ ᥞᥥᥖᥱ ᥔᥒᥴ ᥐᥩᥲ ᥐᥛᥳ ᥓᥬ ᥑᥝᥴ ᥔᥥᥴ ᥞᥥᥖᥱ ᥔᥣᥒᥲ ᥕᥧᥱ ᥔᥝᥰ ᥐᥣᥱ ᥐᥩᥭᥰ။ ᥖᥛ ᥖᥤ ᥓᥝᥲ ᥛᥢᥰ ᥐᥩᥲ ᥛᥢᥰ ᥟᥛᥱ ᥙᥩᥰ ᥕᥧᥱ ᥔᥝᥰ ᥟᥩᥖ ᥟᥦᥖ ᥓᥩᥛᥰ ᥔᥥᥴ ᥐᥩᥭᥰ ᥞᥣᥛᥳ ᥕᥧᥱ ᥔᥝᥰ ᥞᥒᥰ ᥐᥩᥭᥰ ᥑᥝᥴ ᥐᥩᥭᥰ။ ᥓᥝᥲ ᥛᥣᥴ ᥘᥢᥳ ᥖᥥᥳ ᥛᥢᥰ ᥐᥩᥢᥰ ᥘᥭᥲ ᥛᥣᥴ ᥛᥢᥰ ᥔᥥᥴ ᥓᥬᥳ ᥘᥭᥲ ᥘᥣᥲ ᥐᥣᥢ ᥖᥒᥰ ᥘᥛᥴ ᥔᥥᥴ ᥖᥣᥳ ᥓᥝᥲ ᥛᥦᥝᥴ ᥘᥭᥳ ᥖᥥᥳ ᥛᥢᥰ ᥟᥛᥱ ᥐᥩᥢᥰ ᥘᥭᥲ ᥛᥦᥝᥴ ᥛᥢᥰ၊ ᥛᥢᥰ ᥐᥩᥭᥰ ᥐᥧᥛᥱ ᥘᥭᥲ ᥓᥩᥛᥰ ᥓᥬ ᥙᥢ ᥛᥦᥝᥴ ᥛᥢᥰ ᥘᥢᥳ ᥐᥩᥭᥰ။
ᥚᥧᥱ ᥖᥦᥛᥲ ᥘᥤᥐ ᥔᥣᥱ ᥝᥨᥝᥰ ᥘᥣᥴ ᥖᥣᥰ ᥓᥣ ᥐᥩᥖᥳ ᥕᥣᥛᥲ ᥘᥣᥖ ᥝᥣ "ᥛᥦᥝᥴ ᥘᥭᥳ ᥙᥥᥢ ᥔᥖᥴ ᥟᥢ ᥛᥤᥰ ᥘᥩᥒ ᥗᥤᥛᥱ ᥘᥩᥒ ᥔᥫᥒᥱ ᥔᥤᥛᥰ ᥖᥒᥰ ᥘᥛᥴ ᥕᥝᥳ။ ᥐᥣᥒ ᥓᥬ ᥑᥝᥴ ᥟᥢ ᥑᥬᥲ ᥞᥥᥖᥱ ᥑᥬᥲ ᥔᥣᥒᥲ ᥘᥢᥳ ᥘᥦᥙ ᥛᥤᥰ ᥝᥭᥳ ᥖᥒᥰ ᥘᥛᥴ ᥘᥦᥲ ᥚᥩᥒᥰ ᥛᥫ ᥟᥧᥛᥲ ᥞᥩᥙᥱ ᥛᥦᥝᥴ ᥘᥢᥳ ᥘᥨᥝᥱ ᥘᥭᥲ ᥝᥭᥳ ᥔᥖᥳ ᥖᥤᥳ ᥕᥧᥱ" ᥘᥭᥴ ᥕᥝᥳ။ ᥛᥦᥝᥴ ᥘᥭᥳ ᥖᥥᥱ ᥛᥤᥰ ᥛᥣᥰ ᥓᥥᥛ ᥛᥫ ᥘᥣᥢᥳ ᥙᥩᥒᥰ ၃᧐ ᥘᥣᥢᥳ ᥙᥤ ᥘᥢᥳ ᥕᥧᥱ။ ᥟᥣ ᥛᥥᥝᥰ ᥛᥦᥝᥰ ᥘᥨᥒᥴ ᥘᥢᥳ ᥖᥥᥳ ᥙᥥᥢ ᥔᥫᥴ ᥔᥣᥒᥱ ᥔᥤᥲ ᥔᥥᥴ ᥙᥥᥢ ᥟᥣ ᥛᥥᥝᥰ ᥖᥨᥝ ᥐᥤᥢ ᥘᥫᥳ (Miacids) ᥕᥝᥳ။ ᥐᥣᥙ ᥙᥣᥢ ᥕᥣᥛᥰ ᥘᥥᥝ ᥘᥭᥲ ᥓᥦᥐᥱ ᥚᥥᥴ ᥝᥭᥳ ᥟᥣ ᥛᥥᥝᥰ ᥛᥦᥝᥴ ᥗᥫᥢᥱ ၃ ᥔᥦᥢᥰ ᥟᥢ ᥙᥥᥢ ᥟᥣ ᥛᥥᥝᥰ ᥛᥦᥝᥴ ᥗᥫᥢᥱ ᥕᥧᥰ ᥞᥨᥙᥳ၊ ᥟᥣ ᥛᥥᥝᥰ ᥛᥦᥝᥴ ᥗᥫᥢᥱ ᥟᥣᥱ ᥜᥣ ᥞᥤᥐ ᥘᥦᥲ ᥟᥣ ᥛᥥᥝᥰ ᥛᥦᥝᥴ ᥗᥫᥢᥱ ᥞᥣᥖᥱ ᥔᥣᥭᥰ ᥟᥥᥰ ᥡᥣᥰ ᥕᥝᥳ။