Wy/yue/Project:關於
維基導遊，係一個人人都可以編輯嘅導遊同埋旅行指南。大家唔使擔心維基導遊會被破壞，社群成員如果留意到就會幫手修復返啲界面。
維基導遊（wikivoyage.org）係一個致力創作部自由、完整、實時兼可信賴嘅世界旅行指南嘅program，由來自世界各地嘅維基導遊一齊幫手整理。維基導遊嘅server由維基媒體基金會負責運作，因此呢度同維基百科、維基詞典夾埋其他偉大嘅維基項目一樣，同属一個溫暖嘅大家庭。
讀萬卷書，行萬里路。旅行嘅趣味唔可以缺少分享知識嘅精神，呢個就係構築咗維基導遊嘅磚石。各位旅客喺街市中相遇，都會彼此交流返啲訊息，問下你係邊度人，我要去嘅地方有乜特色好玩嘅？我哋希望可以令成件事變得簡單，兼且允許其他人分享我哋嘅資訊，我哋嘅自由版權協議意味著你可以好廣泛咁傳播開去。維基導遊令旅途變簡單多啲——皆因佢係自由嘅。
每個朋友都可以自己寫導覽，只要你識得輸入法，你幾乎就可以無師自通。我哋會用返種叫做wiki嘅架撐（或者話係一樣手段、技術）畀任何網路用家可以創建、更新、編輯同埋介紹返本站嘅任何項目。我哋將所分享嘅知識碎片透過編纂、提取，一個個咁砌返成大家都會賞心悅目嘅專案。我哋都係同路前行嘅手足，我哋都係自己旅途嘅嚮導，但係等你在維基導遊上創建返一個界面，或編輯一個界面嘅時候，你會得到返助人為樂嘅喜悅，仲有自由分享知識嘅快樂。越多人「編輯」，維基導遊嘅前路就越美好。
咁樣你仲等咁乜咧？入我哋嘅網頁度搵返一個目的地，撳低「創建」或「編輯」，我哋相信，你就會對維基導遊產生巨大嘅影響啦。快啲嚟啦，等我哋一齊攜手開創返新嘅旅程！
呢度我哋仲記錄咗維基導遊嘅里程碑，我哋仲行咁好長嘅路。如果你係新豬肉，請勇往直前嚟幫下手。
維基導遊[edit | edit source]
你了唔了解呢個世界最早到達南極嘅旅行者？佢哋點解加入咗歐內斯特·沙克爾頓嘅南極探險之旅？好似嗰次旅行所用嘅船名「堅忍號」（Endurance）所蘊含嘅意義一樣，呢個就係因為佢哋有著過人嘅毅力，而維基遊埠正正係需要咁樣嘅朋友，雖然唔使冒著風雪，抵受嚴寒，但係堅定嘅信條應始終伴隨着每位維基導遊。雖然維基導遊本身存在唔算好耐，但係我哋相信，每位維基導遊都係有著堅忍、耐心、善良等優點嘅人。如果要加入我哋、成為其中嘅一員，我哋希望你可以整一個自己嘅帳戶（都可以唔使），再搵自己心水嘅目的地，撳一下「編輯」，你就踏上咗維基導遊嘅旅程啦。祝你一路順風！