Jump to content

Wy/ta/அசாம்

அசாம்

இந்தியாவில் அசாமின் அமைவிடம்

அசாம் (அசாமிய மொழி: অসম ஒசோம்; வங்காள மொழி: আসাম ஆசாம்) என்பது செங்குன்றுகள், பசுமைப் பள்ளத்தாக்குகள் மற்றும் நீலநதிகளின் — கம்பீரமும் புனிதமும் வாய்ந்த பிரம்மபுத்திரா நதியின் — பூமியாகும். புகழ்பெற்ற தேயிலை, பட்டு மற்றும் பல்லுயிர்ப் பெருக்கத்திற்காக அறியப்படுவதுடன், தொல்லியல் மரபுச் செல்வங்களிலும் செழுமைமிக்கதாகத் திகழ்கிறது. இந்தியாவின் வடகிழக்குப் பகுதியில், கிழக்கு இமயமலையின் அடிவாரத்திற்குச் சற்று கீழே அமைந்துள்ளது. 31 மில்லியனுக்கும் அதிகமான மக்களின் (2011-ஆம் ஆண்டு கணக்கெடுப்பின்படி) தாயகமாகத் திகழ்கிறது.

இது அருணாச்சலப் பிரதேசம், நாகாலாந்து, மணிப்பூர், மிசோரம், திரிபுரா மற்றும் மேகாலயா ஆகிய மாநிலங்களாலும் (இவை அசாம் மாநிலத்துடன் இணைந்து ஏழு சகோதரிகள் என்று கூட்டாக அழைக்கப்படுகின்றன), பூட்டான் மற்றும் வங்காளதேசம் ஆகிய நாடுகளாலும் சூழப்பட்டுள்ளது. சீனா மற்றும் மியான்மார் நாடுகளின் எல்லைகள் 80 முதல் 100 கி.மீ தொலைவிற்குள் அமைந்துள்ளன.

சுற்றுலாத் தலமாகச் சிறந்து விளங்கினாலும், அசாம் சுற்றுலாப் பயணிகளுக்கு அவ்வளவாகப் பரிச்சயமில்லாத ஒரு இடமாகவே உள்ளது.

புரிந்து கொள்ளுங்கள்

[edit | edit source]
காண்டாமிருகம், கசிரங்கா
தங்கநிற அனுமன் குரங்கு; அழிந்து வரும் மற்றும் கோல்பாரா மாவட்டத்தில் உள்ள சக்ரசிலா சரணாலயத்தில் காணப்படுகின்றன
அசாமில் ஆர்க்கிட்கள் ஏராளமாக காணப்படுகின்றன; ஒரு வகை - பாடோ புல் அல்லது வாண்டா கோருலியா, புளூ வாண்டா

அசாம், தெற்காசியா மற்றும் தென்கிழக்கு ஆசியா ஆகியவற்றுக்கு இடைப்பட்ட ஒரு மண்டலத்தின் பகுதியாக அமைந்துள்ளது. 78,438 சதுர கிலோமீட்டர் பரப்பளவு கொண்ட இம்மாநிலம், ஏறக்குறைய அயர்லாந்து அல்லது ஆத்திரியாவின் அளவிற்கு இணையான பரப்பளவைக் கொண்டுள்ளது.

இரண்டாயிரம் ஆண்டுகளுக்கும் மேலான வரலாற்றைக் கொண்ட குவகாத்தி, அசாமின் மிகப்பெரிய நகர்ப்புற மையமாகவும், பத்து இலட்சத்திற்கும் அதிகமான மக்கள் வசிக்கும் நகரமாகவும் திகழ்கிறது. கடந்த மூன்று தசாப்தங்களில் பன்மடங்கு வளர்ச்சியை எட்டியுள்ள இந்நகரம், இப்பிராந்தியத்தின் முதன்மையான நகரமாக உருவெடுத்துள்ளதுடன், 2025-ஆம் ஆண்டில் இதன் மக்கள் தொகை 20 இலட்சத்தைத் தாண்டியுள்ளது.

கடந்த நூறு ஆண்டுகளுக்கும் மேலாக தேயிலை உற்பத்தியில் அசாம் உலக அளவில் முன்னணியில் இருந்து வருகிறது, மேலும் உலகின் தேயிலை உற்பத்தியில் சுமார் 25 சதவீதத்தை இம்மாநிலம் உற்பத்தி செய்கிறது. பாரம்பரியமாக, மல்பெரி இலைகளில் வளர்க்கப்படும் 'பாட்' எனப்படும் உயர்தரப் பட்டு உற்பத்தியிலும் அசாம் சிறந்து விளங்குகிறது. மேலும், அசாமிற்கே உரித்தான தங்கப் பட்டு 'முகா', ஆமணக்கு இலைகளில் வளர்க்கப்படும் அகிம்சா பட்டு 'எரி' மற்றும் 'தசார்' ஆகிய நான்கு முக்கிய பட்டு வகைகளும் உலகில் பயிரிடப்படும் ஒரே இடம் இதுவாகும்.

நீங்கள் கிழக்கு ஆசிய வம்சாவளியைச் சேர்ந்தவர் என்றால், வடகிழக்கு இந்தியச் சிறுபான்மை இனக் குழுக்களைச் சேர்ந்த - "அச்சு அசலாக உங்களைப் போலவே தோற்றமளிக்கும்" - தங்கள் நண்பர்கள் அல்லது உறவினர்களைப் பற்றி உங்களிடம் சொல்ல மக்கள் விரும்புவதை அசாமில் நீங்கள் அடிக்கடி எதிர்கொள்ள நேரிடலாம். அவர்கள் இதை எந்தவொரு தவறான நோக்கத்துடனும் சொல்வதில்லை; அவர்கள் சொல்வது நீங்கள் நினைப்பது போல மிகைப்படுத்தப்பட்டதாகவும் இருக்காது. இருப்பினும், இது சில சமயங்களில் சலிப்பூட்டுவதாக அமையலாம். இதைவிட அறியாமையான செய்தியாக கருதப்படுவது என்னவென்றால், இந்தியாவின் பிற பகுதிகளைச் சேர்ந்தவர்கள் அசாமியர்கள் அனைவரும் கிழக்கு ஆசியத் தோற்றம் கொண்டவர்கள் என்று நினைப்பதுதான். ஆனால் உண்மையில் நிலைமை அப்படி இல்லை.

வரலாறு

[edit | edit source]

1947-ஆம் ஆண்டில் இந்தியா சுதந்திரம் அடைவதற்கு முன்பு, 1826-ஆம் ஆண்டில் ஏற்பட்ட 'இயாண்டபூ ஒப்பந்தத்தின்' விளைவாக, அசாம் இராச்சியத்தையும் அதன் சிற்றரசுகளையும் பிரித்தானியர்கள் இணைத்துக்கொண்டதிலிருந்து, அசாம் பிரித்தானிய இந்தியாவின் ஒரு பகுதியாக இருந்து வந்தது. அசாம் முன்னொரு காலத்தில் பரப்பளவில் மிக விரிந்த ஒரு மாநிலமாகத் திகழ்ந்தது. முன்பு அசாமின் ஒரு பகுதியாக இருந்த சில்கெட்டு கோட்டம் 1947- ஆம் ஆண்டில் நடைபெற்ற இந்தியப் பிரிவினையின்போது பாக்கித்தானுக்கு ஒதுக்கப்பட்டது; பின்னர் 1971-ஆம் ஆண்டில் நடைபெற்ற வங்காளதேச விடுதலைப் போருக்குப் பிறகு வங்காளதேசத்தின் ஒரு பகுதியாக மாறியது. அதேவேளையில், அருணாச்சலப் பிரதேசம், நாகாலாந்து, மிசோரம் மற்றும் மேகாலயா ஆகிய மாநிலங்கள் 1960-ஆம் ஆண்டுகள் மற்றும் 70-ஆண்டுகளில் அசாமிலிருந்து பிரிக்கப்பட்டு உருவாக்கப்பட்டன.

கி.பி. முதல் ஆயிரமாண்டில் 'பிராக்சோதிச-காம்பரூப இராச்சியம்' என அறியப்பட்ட அசாம், இரண்டாம் ஆயிரமாண்டின் தொடக்கத்தில் சிறிய நாடுகளாகப் பிரிந்தது; இருப்பினும், பிற்காலத்தில் — 13-ஆம் நூற்றாண்டு முதல் ஏறத்தாழ 600 ஆண்டுகளுக்கு — அகோம் மற்றும் கோச்சு போன்ற பிற்கால வம்சங்களின் ஆட்சியின் கீழ், அசாம் இராச்சியம் என்ற பெயரில் இப்பிராந்தியம் மீண்டும் ஓர் ஒருங்கிணைந்த இறையாண்மை கொண்ட நாடாக உருவெடுத்தது.

இப்பகுதியில் நகர்ப்புற வளர்ச்சியின் வரலாறு ஏறக்குறைய இரண்டாயிரம் ஆண்டுகளுக்கு முற்பட்டது. பிராக்சோதிசபுரம் (குவகாத்தி), அடபேசுவரா (தேச்பூர்) மற்றும் துர்சயா போன்ற பண்டைய நகர்ப்புறப் பகுதிகளும்; சாரைதேவ், கர்கான், ரோங்பூர், இயோர்காட்டு, காசுபூர் மற்றும் குவகாத்தி போன்ற இடைக்கால நகரங்களும் இருந்ததற்கான சான்றுகள் நன்கு ஆவணப்படுத்தப்பட்டுள்ளன.

காலநிலை

[edit | edit source]

வெப்பமண்டல பருவமழைக் காடு காலநிலை காரணமாக, அசாம் மிதமான காலநிலையைக் கொண்டுள்ளது (கோடையில் அதிகபட்ச வெப்பநிலை 35-38 பாகை செல்சியசு மற்றும் குளிர்காலத்தில் குறைந்தபட்ச வெப்பநிலை 6-8 பாகை செல்சியசு). இங்கு கனமழையும் அதிக ஈரப்பதமும் நிலவுகிறது. இருப்பினும், மத்திய அசாமின் மலைப்பகுதிகளில் வெப்பநிலை மிகவும் குறைவாகவே இருக்கும். கோடைகால வெப்பநிலையைக் குறைக்கும் கனமழை மற்றும் குளிர்காலத்தில் மூடுபனி நிறைந்த இரவுகள், காலைப் பொழுதுகள் ஆகியவை இக்காலகட்டத்தின் சிறப்பம்சங்களாகும். போர்டோசிலா எனப்படும் இடியுடன் கூடிய மழை பிற்பகல்களில் அடிக்கடி பெய்யும். வசந்த காலம் (மார்ச்-ஏப்ரல்) மற்றும் இலையுதிர் காலம் (செப்டம்பர்-அக்டோபர்) ஆகியவை பொதுவாக மிதமான மழை மற்றும் வெப்பநிலையுடன் இனிமையாக இருக்கும்.

பண்பாட்டுப் பாரம்பரியம்

[edit | edit source]
அசாமில் உள்ள பைகாட்டா கரியாலிக்கு அருகிலுள்ள மதன் காம்தேவில் அகழ்வாராய்ச்சி செய்யப்பட்ட ஒரு மூர்க்கமான சிங்கம், சக்திவாய்ந்த காமரூப-பாலர்களைப் பிரதிநிதித்துவப்படுத்துகிறது. (9ஆவது-10ஆவது நூற்றாண்டு)

அசாம் மாநிலம் பல்வேறு பண்பாடுகளின் சங்கமமாகத் திகழும் ஒரு பகுதியாகும். இது தெற்காசிய மற்றும் தென்கிழக்கு ஆசிய கலாச்சாரங்கள் சந்திக்கும் உண்மையான இடமாக உள்ளது. இங்குப் பேசப்படும் முதன்மை மொழியான அசாமிய மொழி (ஓக்சோமியா), இந்தோ-ஈரானிய, திபெத்திய-பர்மிய மற்றும் தாய்-கடாய் மொழிக்குடும்பங்களின் கலப்புத் தன்மையை வெளிப்படுத்துகிறது. அசாமிய மக்கள் மட்டுமின்றி, போடோ, கார்பி, மிசிங், திமாசா, திவா, ரபா, அசோங், தாய்-பகே, தாய்-கம்தி, தாய்-ஐட்டன், சிங்போ, புரூ, காரோ போன்ற தனித்துவமான இன-கலாச்சாரக் குழுக்களும் இங்கு வாழ்கின்றனர். இக்குழுக்கள் தமக்கே உரித்தான மொழிகள், வட்டார வழக்குகள், உணவுப் பழக்கவழக்கங்கள், கட்டடக்கலை மற்றும் குடியிருப்பு அமைப்புகள், ஆடை வடிவமைப்பு, நடனம், இசை, இசைக்கருவிகள் மற்றும் நம்பிக்கைகள் ஆகியவற்றைக் கொண்டுள்ளன.

அகோம் பேரரசின் தலைநகரான ரோங்பூரில் (தற்போதைய சிப்சாகர்) மன்னர் பிரமத்த சிங்காவால் (சுனென்பா என்றும் அழைக்கப்படுபவர்; 1744–1751) கட்டப்பட்ட ஒரு மண்டபமே 'ரோங் கர்' ஆகும்; ஆசியாவிலேயே திறந்தவெளி அரங்கங்களுக்கான ஆரம்பகால மண்டபங்களில் இதுவும் ஒன்றாகும்.

சென்று அடையுங்கள்

[edit | edit source]


சுற்றிப்பாருங்கள்

[edit | edit source]


கண்டுகளியுங்கள்

[edit | edit source]
திப்ரூகர்
  • திசுபூர்,
  • குவகாத்தி,
  • பிரம்மபுத்திரா ஆறு - இது இந்தியாவின் மிக நீளமான நதியாகும்.

செய்யுங்கள்

[edit | edit source]


உண்ணுங்கள்

[edit | edit source]


பருகுங்கள்

[edit | edit source]


உறங்குங்கள்

[edit | edit source]


பாதுகாப்பாக இருங்கள்

[edit | edit source]


தொர்பு கொள்ளுங்கள்

[edit | edit source]


அடுத்த இலக்கு

[edit | edit source]

Create category