Wy/bew/Tanggerang Kidul
Script error: No such module "Wy/id/CountryData".
Tanggerang Kidul nya'entu atu kota satelit Jakatra di Banten, Indonesia. Guernemen deri Kota Tangerang Selatan nya'entu wali kota. Ni kota punya 5 kecamatan nya'entu Tangerang: Ciputat (15411-15414), Ciputat Timur (15441-15446), Pamulang (15431-15438), Pondok Aren (15421-15429), Serpong (15311-15318), Serpong Utara (15331-15337), ama Setu (15341-15346).
Nyahoin
[edit | edit source]Bahna hari gini, mah, rumah-rumah di Jakarta udah pada mahal banget ama susa nyarinya, gegara lahan nyang mangkin sempit, jadinya, mah, kaga' banyak lagi tempat bakal bikin rumah nyang beneran. Mangkanya, daèrah Tanggerang Kidul jadi pilihan nyang bekèn bakal orang-orang nyang pada gawénya di Jakarta, pèngèn ngirit ongkos tempat tinggal, ama biar kaga' ngedumel biar kata kudu bolak-balik rada jauhan dikit ketimbang nyang mahalan tapi di tenga kota.
Mol, rumah makan, ama tempat gawéan juga udah banyak dibikin, kebanyakan diurus ama matskepé partikelir, bakal ngeladènin warganya biar kaga' usah jauh-jauh ke Jakarta. Sekalian juga biar macetnya kaga' mangkin kebina-bina, komo pas orang-orang pada berangkat ama bubar kantor, atawa pas pengabisan minggu.
Ngomong
[edit | edit source]Nganclong ke mari
[edit | edit source]Maké mesin ngiber
[edit | edit source]Lapangan Terebang Soekarno-Hatta nya'entu lapangan terebang nyeng ngladènin Jabodètabèk punya daèrah, keitung Bekasi. Ni lapangan terebang keperna di Tanggerang, Banten, 20 kilo ngulonnya Jekarta. Kabèhan pengiberan antèrobangsa èn ampir kabèhan pengiberan tempatan neba di mari.
Lapangan terebang Soekarno-Hatta gableg 3 terminal, terus dibagi lagi jadi anak-anak terminal:
- Terminal 1 (A-B-C), dipaké bakal kabèhan pengiberan senegara selaèn Air Asia ama Garuda Indonésia.
- Terminal 2 (D-E-F), dipaké ama kabèhan pengiberan antèrobangsa, selaèn Air Asia (D-E).
- Terminal 3, enni terminal nyeng paling anyar èn kewontenannya paling baè', dipaké ama matskepé Citilink, Garuda Indonésia, Air Asia, ama berapa pengiberan Lion Air ke Denpasar.
Lapangan Terebang Halim Perdanakusuma nya'entu lapangan terebang nyeng keperna deket banget ama Bekasi Kota, tepatnya di Jekarta Wètan. Ni lapangan terebang cuma ngladènin pengiberan senegara deri matskepé Citilink èn Batik Air, pengiberan kenegaran, ketentaran, èn pengiberan sewaan ada apa kaga' jadwalnya.
Maké sepur
[edit | edit source]- Sepur ngiter nyeng arahnya deri Tenabang ke Rangkasbitung. Kalo mau ke Merak, bisa dilanjutin lagi naèk sepur lokal Rangkasbitung-Merak.
Maké bes
[edit | edit source]Tangerang selatan (Ciputat), diladènin ama sistim bes Transjakarta. Ada nyeng jurusan ke CSW (S21), ada juga nyang jurusan ke Kampung Rambutan (S22).
Tempat sembayang
[edit | edit source]- Mesjid Fathullah UIN, tempatnya ada disebelah RS UIN.
- Mesjid Agung, tempatnya ada di sebrangnya pasar Ciputat.
Ngider
[edit | edit source]Ada puluhan jalur angkot di seantéro Tanggerang Kidul, banyak juga nyang nyambung ampé ke Tanggerang, Jakarta, atawa Depok. Entu angkot udah ada jalurnya masing-masing, tapi kaga' punya jadwal tetep ama kaga' punya tempat mandeg nyang ajeg. Kalo mau nyetopin angkot, tinggal ngawé aja. Kalo mau turun, tibang terèak “Kiri, Bang!” ke supirnya, biar dia mingser ke kiri jalan. Ongkos angkot di dalem kota biasanya paling murah Rp. 4.000,- atawa begimana jaraknya. Kalo mau ke suatu tempat, paling aman tanya aja ama orang situ, angkot mana nyang kudu dinaèkin ama apa tanda-tandanya sekitaran tempat kita bakal turun.
Kalo mau nyaman ngiter-ngiter Tanggerang Kidul, mah, kita bisa milih naèk taksi, ojol mobil atawa ojol motor. Biasanya taksi pada ngetèm di depan mol atawa hotèl, kalo ojol mobil atawa ojol motor bisa dipanggil paké aplikasi. Matskepé taksi nyang udah bekèn di Jakarta, kaya’ Blue Bird, juga ada pangkalannya di Tanggerang Kidul.