Wy/bew/Taman Laut Bunaken
Taman Laut Bunaken yaentu kawasan biota laut yang ada di Sulawesi Utara. Ni tempat kesohor banget jadi destinasi wisata bahari soalnya punya keanekaragaman hayati laut yang buset dah banyak bener, ada dinding terumbu karang vertikal yang gede jasa, ama airnya juga bening banget.
Nyahoin
[edit | edit source]Di Taman Laut Bunaken ada macem-macem jenis biota laut, kayak ratusan spesies ikan, penyu, moluska, sampe mamalia laut, mangkanya ni kawasan penting banget buat acara nyelam, snorkeling, ama ekowisata. Keistimewaan utamanya Bunaken tuh ada di dinding karang vertikal yang nongol tinggi dari dasar laut, ama ekosistemnya yang tajir bener, mulai dari terumbu karang, padang lamun, sampe hutan mangrove. Ni kawasan juga jadi kandangnya macem-macem satwa laut ama darat, termasuk penyu, dugong, lumba-lumba, ama beberapa satwa asli situ. Selain maen aer, kegiatan laen yang bisa dilakuin di mari entu liatin burung, muncak di Pulau Manado Tua, ama jalan-jalan keliling antarpulau.
Nuju kemarih
[edit | edit source]Akses buat ke Taman Nasional Bunaken biasanya pake jalur udara dulu ke Bandara Internasional Sam Ratulangi di Manado, terus lanjutin dah tuh perjalanan darat ke pelabuhan. Abis ntu, nyeberang lautan dah pake perahu motor atawa kapal cepet (speedboat) buat nuju ke pulau-pulau yang ada di kawasan taman nasional itu.