Wy/bew/Perpustakaan Nasional
Perpustakaan Nasional Républik Indonésia
[edit | edit source]Perpustakaan Nasional Républik Indonésia (nyang disingkat Perpusnas) entu Lembaga Pameréntah Nonkementérian nyang ngelakonin tugas pameréntahan di urusan perpustakaan. Ni tempat gunanye jadi perpustakaan pembina, rujukan, tempat nyimpen-nyimpen buku (deposit), gasan penelitian, pemeliharaan (pelestarian), amé jadi puser jejaring perpustakaan, nyang kedudukannye ada di ibu kota negara.
Gedong papsilitas layanannye entu adanya di Jalan Médan Merdéka Selatan No. 11, Jakarta, nah kalo bagéan gedé kantorannye letaknye ada di Jalan Salèmba Raya No. 28A. Perpusnas ni ada di bawahnye, dan kudu tanggung jawab langsung amé Bapa Présidèn.
Nah, pas tanggal 14 Sèptèmber 2017 kemarèn, Présidèn Joko Widodo ngeresmiin Gedong Papsilitas Layanan Perpusnas nyang baru. Ni gedong udeh diakuin jadi perpustakaan nasional nyang paling jangkung sedunia (126,3 mèter), gableg 24 tingkat, ditamba lagi amé tiga tingkat parkiran dalem tana (basement).
Ringkesan Data Perpusnas
- Peta: Wikimedia | © OpenStreetMap (6°10′54.340″S 106°49′37.045″E)
- Tempatnye (Lokasi): Layanan Perpustakaan Umum, Gedong Plaza Perpusnas, Jalan Médan Merdéka Selatan No. 11 amé Sékretariat di Jl. Salèmba Raya No. 28A, Jakarta, Indonésia
Ngebina Perpustakaan;
Sampe taon 1987, Perpusnas lokasinye masih kepencar di tiga tempat nyang misah, yaitunye di Jl. Merdeka Barat 12 (Museum Nasional), Jl. Merdeka Selatan 11 (Perpustakaan SPS) ame Jl. Imam Bonjol 1 (Museum Naskah Proklamasi).
Berkat prakarsanye Almarhumah Ibu Tien Suharto, lewat Yayasan Harapan Kita nyang dia pimpin, Perpusnas dapet sumbangan tanah nyang luasnye 16.000 meter persegi lebih, sekalian ame gedung baru tingkat sembilan ame atu bangunan nyang abis direnovasi. Ntu tanah letaknye di Jl. Salemba Raya 28A, Jakarta Puseh (Pusat), bekas lokasinye Koning Willem III School (Kawedri), yakannye sekolahan HBS pertame di Indonesia zaman kolonial dulu. Bangunan sekolahan ini dah nyang abis dibagusin dipake buat gedung utama, tempat kantornye pimpinan ame sekretariat. Kalo gedung sebelahnye nyang tingkat sembilan dipake buat perpustakaan aslinye, tempat nyimpen buku-buku ame ngelayanin masarakat umum.
Pas udeh kelar garapan sebagian gedung baru ame nyang dibagusin di Jl. Salemba Raya 28A awalan taon 1987, pimpinan ame staf dari tiga bidang (kecuali Bidang Koleksi) pada pindah dah ke situ. Ntu gedung baru ame segala perlengkapannye nyatuin semua gawean di marih di bawah satu atap, nyang tadinya pada misah-misah di Jakarta. Pas umur Perpusnas nyang ke-9, resminye ntu kompleks dibuka, ditandain pake tanda tangan di batu prasasti marmer ame Presiden ame Ibu Tien Suharto pas tanggal 11 Maret 1989.
Tapi, barengan ame peresmian ntu kompleks, sebenernye ada kejadian laen nyang kaga kalah pentingnye. Sejarah nyatet kalo lima hari sebelonnye, pasnye tanggal 6 Maret 1989, udeh ditandatanganin atu putusan gede ame Presiden RI lewat Keputusan Presiden Nomor 11 Taon 1989. Ini putusan netepin Perpusnas, abisan digabung ame Pusat Pembinaan Perpustakaan (dikepalain ame Drs. Soekarman, MLS), jadi Lembaga Pemerintah Non Departemen (LPND) nyang posisinye di marih ame tanggung jawab langsung ke Presiden. Naek pangkatnye ini lembaga berarti Perpusnas dilepasin dari pegangannye Direktorat Jenderal Kebudayaan, Departemen Pendidikan ame Kebudayaan, badannye nyang udeh ngegedein dia dari taon 1980. Ibu Mastini Hardjoprakoso masih dipicayain ame Pemerintah buat mimpin ini lembaga baru. Kenyataan ini sekalian ngebuktiin komitmen Pemerintah dalem naekin derajat perpustakaan ame pustakawannye nyang selamanye ini dirasa kaya "dilupain" mulu. Kalo ngeliat catetan pas digabung, jumlah koleksinye kira-kira ada di angka 600 rebu eksemplar, diurusin ame sekitar 500 orang pagawai nyang lokasinye kepisah di dua tempat, Jl. Salemba Raya 28A ame Jl. Merdeka Selatan 11. Nah sekarang (Desember 1999) jumlah koleksinye diperkirain udeh 1.100.000 eks, ame jumlah pegawainye 700 orang.
Keterangan Pangkalan ame Jalanan Kemarih:
- Pangkalan Utama (Buat Ladènan): Jl. Medan Merdeka Selatan Nomer 11, Gambir, Jakarta Puseh.
- Kantor/Ladènan Nyang Laen: Jl. Salemba Raya Nomer 28A, Jakarta Puseh.
- Kalo Mao Kemarih Pake Tumpangan Umum:
- TransJakarta: Turunnye ntar di Halte Balai Kota yak, jangan ampe kelewatan.
- Kereta KRL: Setasiun nyang paling parek (deket) yaitunye Setasiun Gondangdia (anggeran ada kali sekilo setengahan jaraknya) atawa turun baé di Setasiun Juanda.