Wy/bew/Museum Nasional Indonesia
Muséum Nasional Indonésia, atau nyang sering dibilang Muséum Gajah, entuh muséum arkéologi, sejarah, étnografi amé géografi nyang diurusin langsung amé Muséum amé Cagar Budayé di bawah Kementerian Kebudayaan Republik Indonésia. [1] Kalo mau nyari tempatnyé, adé nangkring di Jalan Merdeka Barat nomer dua belas, Jakarta Pusat. [2]
Nuju Kemari
[edit | edit source]Kalo mau ke sono, adé macem-macem caré nyang gampang pisan lu paké:
1. Paké Google Maps Caré nyang paling bener mah paké aplikasi Google Maps. Lu tinggal ketik baé “Museum Nasional Indonesia”, trus nyalain dah ntu navigasinyé. Ntar aplikasi ini bakal ngasi unjuk jalan nyang paling cepet, bérape laményé, amé piliun angkutan kayak jalan kaki, motor, mobil, atau angkutan umum.
2. Paké Angkutan Umum
KRL Commuter Line: Turunnyé di Stasiun Juanda atau Stasiun Gondangdia, trus tinggal sambung dah paké ojék atau jalan kaki baé.
TransJakarta: Cari koridor nyang lewat Halté Monas atau Halté Balai Kota, abis ntu tinggal jalan kaki dikit ke arah muséum.[3]
Ojék Online / Taksi: Tinggal masukin baé tujuannyé ke muséum di aplikasinyé, ntar abangnya langsung anterin.
3. Bawa Kendaraan Sendiri Kalo lu bawa kendaraan dewek, arahin baé ke kawasan Monas. Ntu muséum tempatnyé pas bener di sebelah barat Monumen Nasional, jadi gampang dicarinyé. Jangan lupé paké GPS biar kaga nyasér ke mané-mané.
4. Liatin Plang Penunjuk Jalan Di Jakarta Pusat mah banyak bener plang penunjuk jalan nyang ngarahin ke Monas amé muséum. Ikutin baé ntu papan petunjuknyé sampé dah lu ke sono.
Tambahan Dikit:
Jangan pas jam macét (jam sibuk) biar jalanannyé kaga bikin pegel.
Pastiin internet lu nyalé kalo lagi paké navigasi online.
Kalo emang bingung, jangan malu-malu nanyé amé orang di situ. Malu nanyé, nyasér di jalanan, Neng!