Wy/bew/Lapangan Banteng

Lapangan Banteng (nyang dulunya disebut Lapangan Waterloo pas jaman Batavia, Hindia Belanda) entu lapangan nyang punya sejarah panjang. Lokasinya ada di daerah nyang dulunya kesohor banget namanya Weltevreden. Waktu jaman entu, Lapangan Banteng kesohornya ama sebutan Lapangan Singa. Soalnya, pas di tengah-tengahnya nancep tugu peringatan bakal ngerayain menang perang di Waterloo, trus ada patung singa di atasnye.

Entu tugu dibetulinnya pas jaman penjajahan Jepang. Nah, pas Indonesia udah merdeka, namanye diganti jadi Lapangan Banteng. Rasanye emang lebih pas begitu, soalnye singa mah ngingetin kite ama lambang penjajah, lagian emang kaga ada di alam kite. Sebaliknye, banteng mah emang lambang nasionalisme Indonesia banget.

Selaen entu, emang gede kemungkinannye kalo dulu mah tempat nyang sekarang jadi lapangan entu isinye macem-macem binatang liar, kayak macan, kijang, ama banteng. Waktu J.P. Coen lagi ngebangun kota Batavia di deket muara Ciliwung, entu lapangan ama sekelilingnye masih rupa utan belantara nyang sebagiannye rawa-rawa.

Lapangan Banteng sekarang mah udah masup ke Kecamatan Sawah Besar, Jakarta Pusat. Di sono juga ada Taman Lapangan Banteng. Terus di sekeliling alon-alonnya ada jalanan nyang namanya Jalan Lapangan Banteng Utara, Selatan, Barat, ama Timur.

Informasi Umum Lapangan Banteng

Sabelom plesiran ke Lapangan Banteng, ada beberape informasi umum nyang penting buat disimak, kayak lokasinye, jam operasional, sampe harge tiket masuknye.

Berikut entu informasi ngenai lokasi, jam buka, ama harge tiket masuk ke Taman Lapangan Banteng nyang perlu dicatet sabelom lu pade dateng ke sono:

Lokasi: Pasar Baru, Kecamatan Sawah Besar, Kota Jakarta Pusat, Jakarta.

Jam Buka: 06.00 - 20.00 WIB (ari kerje) ampe 06.00 - 21.00 WIB (akhir pekan).

Harge Tiket Masuk: Perdeo (Kage dipungut biaya).

Lapanan ini mah deket bener ama Hotel Borobudur, Mesjid Istiqlal, ama Gereja Katedral. Tempatnye strategis pisan, jadi orang-orang kaga bakal ribet nyarinya. Udah gitu, deket juga ama tumpangan umum. Kayak Halte TransJakarta Juanda, Halte Lapanan Banteng, Stasiun KRL Juanda, ama MRT Bundaran HI.

Di taman ini mah fasilitasnye bejibun bener. Mulai dari Tugu Pembebasan Irian Barat, plaza, kolam hias, macem-macem kembang, bangku taman, sampe jalanan setapak juga ada.

Kalo mau nyari amphitheatre, tempat parkir, lapanan olahraga, ama tempat maen bocah juga lengkap. Malah ada kamar mandi, tempat ngaso, sampe spot-spot cakep buat pepotoan.