Wy/bew/Koréa Kidul

Koréa Kidul (한국, 韓國 Hanguk), resminya Republik Korea (대한민국, 大韓民國 Daehan Minguk) adalah negara nyang adanya di Asia Wetan. Koréa Kidul ngangkangin wilayah Kidul ujung Korea, nyang di lornya ada Korea Lor, nyang di kulonnya ada Tiongkok dan nyang di wetannya ada Jepang.

Bekèn dikata "Negeri Gingseng", Koréa mah udah lama jadi sasak budaya anter negara-negara tetangganya, Tiongkok dan Jepang. Koréa Sidul punya budaya populer udah beken banget di Asia Wetan, semprakan ninggang abad ke-21, ama udah beken sejagat mulain taon 2020-an, nyang ngedorong mingkin banyaknya orang-orang nyang pada nyaba ka ini negara. Biar kata moderen, orang Koréa mah pada mangkak ama sejarah ama terdisinya, ada tempat-tempat besejarah pating ngejeprah nyang diopenin bener-bener nyang ngeja orang-orang nyang pada demen ama sejarah jadi bisa ngerasain sekelebatan ngeliat ke jaman bahola.

Wilayah

Koréa Kidul kebelèk-belèk jadi sembilan propinsi, kaya nyang ditulis di mari. Kota-kota nyang paling gede ntu wilayah pemerentahan nyang kepisah.

Wilayah di Wy/bew/Koréa Kidul - Peta dengan kode warna

Gyeonggi Ngiterin Seoul ama ketutup penjenggaran kota, dengen Zona Demiliterisasi Korea di deketnya.

Gangwon Keajaiban alam dengan Taman Nasional Seoraksannya, pantai, dan resor ski.

Chungcheong Utara (juga dikenal sebagai Chungbuk) Atu propinsi sonder panté nyang banyak gunung-gunungnya ama kebon raya.

Chungcheong Selatan (juga dikenal sebagai Chungnam) Ini negara punya bagean kulon tenga. Tanah datarnya isinya sawah pating ngampar. Titik kepapagannya jalan kereta ama jalan setrat utama ama bekèn juga ama dia punya entuk anget.

Gyeongsang Utara Propinsi paling gede ama paling kaya bakal tempat besejarah, kaya' Andong, Gyeongju ama kepuloan Ulleungdo

Gyeongsang Selatan Bekèn ama kota-kota pinggir laot ame pante-pantenya nyang cakep, nyang banyak orang Korea pada nungkulin liburan musim pentèrnya.

Jeonbuk (sebelumnya bernama Jeolla Utara) Bekèn ama makanan ènak.

Jeonnam (sebelumnya bernama Jeolla Selatan) Pulo-pulo kecil pating ngejeprah ama pemandangan alam yang cakep, makanan yang bukan maèn ènaknya (lebih-lebih makanan laot nyang ada di pinggir pante) ama bagus bakal manding.

Jeju pulo bulan madu di Korea Kidul, kebikin lantaran gunung meletus. Pemandangan cakep dengen kembang-kembang liar ama nyemplak kuda.