Wy/bew/Jakarta Sintrem

Ngicipin Liwat Suapan: Cerita kupi ama makanan bakal kerja jongjon

Jakarta entu isinya, mah, bukan tibang gedong-gedongan doang. Ramenya ni kota nyimpen rasa nyang has ama ngangenin. Ada berapa makanan ama warung kupi nyang urup bakal kerja sembari nongkrong.

1. Agreya Coffee Agreya Cofee nyang cabangnya ada berapa biji di Jakarta: Duren Sawit , Menteng, ama Condet. Bole dikata, nyang gua saranin, mah, nyang lempengannya di Jl. masjid Sunda Kelapa, Jl. Taman Sunda Kelapa, RT.6/RW.4, Menteng, Kec. Menteng, Kota Jakarta Pusat, Daerah Kusus Ibukota Jakarta 10310buka’nya 24 jem nyang jongjon bakal gawe. Di sono, ada makanan enak ama rasa kupi nyang has nyang disaranin. Salah atu daptar makanan nyang enak bakal dijajal entu nasi goreng mamak, mi goreng mamak, mighty mushroom, ama kopi rahayu. Dengen hawanya nyang adem ama pangkeng ngamproknya nyang cukup ngebadek emang bikin urup bakal gawe 24 jem. Jambannya juga’ bersi. Mesigitnya juga’ wangi. Selaen entu, tempat parkirnya juga’ cukup banyak.

2. MR. Roastman Ada lestoran loyar nama Roastman nyang adanya di Mol Sarinah, Sarinah L1-07, Jl. M.H. Thamrin No.11, Kondangdia, Kecamatan Menteng, Daerah Kusus Ibukota Jakarta, 10350. Ni lestoran nongolin gambaran nyang cocok bakal kerja. Dalemnya adem, lampunya anget, wangi kupinya juga’ mantep banget. Makanan enak has nyang disaraninnya namanya pasta carbonara. Orang-orang pada dateng bukan cuman bakal ngebadok, tapi juga’ buat ngaso, ngerahul, atawa segadar ngelarin kerjaan.

3. Pisang Bu Nanik Gegaresan has Jakarta nyang disaranin ole-ole entu Pisang Bu Nanik. Ni tempat udah beken nyadik rasanya. Pisangnya legit pas digigit, warnanya rada cokelat. Nah, kalo pisang madu, gula gantingnya nyangket banget di lidah. Orang-orang pada demen bawa’ eni bakal dibawa’ ke luar kota.

4. Mie Tjap Chili Nah, kalo demen yang koah-koah, poko’nya, mah, enak banget nyang namanya nyicipin nyang anget-anget. Cobain, dah, mampir ke warung Mie Tjap Chili di Jl. Salemba Tengah No. 17, RT.10/RW.3, Paseban, Keceman Senen, Kota Jakarta Sintrem, Daerah Kusus Ibukota Jakarta 10440. Tempatnya nyang sederhana bagus. Kalo mi laksa udang, wangi kaldu koahnya emang eco bakal dicobain. Minya keriwel-keriwel, koah kaldunya resep di lidah nyang mbikin orang laper. Emang cocok, dah, bakal makan bareng ama keluarga ama orang-orang kesayangan.

Warga Betawi sekarang udah pada mantesin diri ama jaman moderen. Ni, nih, nyang bikin orang mendonan pada kerasan di Jakarta. Selaen entu, di sono, tempat-tempat bakal makan-makan pating ngejeprah―mana pada jongjon, lagi. Biar kata hawa kotanya ripu, kecakepan ama makanannya juga’ enak bakal dijajal.