Wy/bew/Jakarta Kidul
Jakarta Kidul yaentu salah atu kotamadya di ibu kota Indonesia, Jakarta. Enni wilayah bekennya ama utekan rorogan juga jadi tempat belanja orang-orang berduit, selaen entu Jakarta Kidul udah jadi kota metropolitan pusat dagang nyang banyak gedung betingkat ama jalan setrat nyang jembar.
Ngartiin
[edit | edit source]Belilirnya Jakarta Kidul, ada kawasan dagang gede nyang banyak gedung betingkatnya, keetung distrik Kuningan (nyang banyak kedutaan), Setiabudi, ama Sudirman. Banyak daerah Jakarta Kidul nyang beken ama tempat belanja juga banyak mal kelas atas, restoran, hotel, dunia malem nyang rame ama jadi tempat hiburan, kya Blok M ama Kemang, klo nyang belakangan beken banget ama orang luar juga orang sekitar untuk dunia malem ama hiburannya. Pondok Indah yaentu kawasan perumahan orang beduit nyang banyak rumah gedongan, kadang-kadang dijulukin 'Beverly Hills'-nya Indonesia. Markas besar Perhimpunan Bangsa Asia Tenggara juga ada di Jakarta Kidul.
Nuju ke mari
[edit | edit source]Pake mobil
[edit | edit source]Jalan lingker dalem ama jalan lingker luar Jakarta ngeliwatin daerah Jakarta Kidul. Jakarta Kidul bisa nyampe sonoh cuman 30 menit doang deri Bandar Udara Internasional Soekarno-Hatta klo kaga ada nyang bikin macet jalanan atawa jalanannya lancar. Sayangnya, macetnya jalan nyang parah udah sering banget kejadian jadi klo mau nyampe bandara deri Jakarta Kidul biasanya makan waktu 1 ampe 2 jam.
Pake kereta
[edit | edit source]
Ada banyak stasiun kereta di Jakarta Kidul nyang ngelayanin jalur kereta api komuter (KA Commuter Jabodetabek). 1 Stasiun Manggarai di ujung timur laut Jakarta Kidul jadi tempat jalur kereta komuter, pake kereta jalur biru ke Bekasi, juga pake kereta jalur merah ama kuning ke Depok Bogor. Enni jalur juga nyiapin jalan hubung ke kotamadya Jakarta lainnya. Untuk kereta jarak jauh, Lu harus pergi ke stasiun Gambir atawa Pasar Senen di Jakarta Pusat.
Selaen KA Commuter Jabodetabek, MRT Jakarta juga kesedia, pake stasiun disini yaentu Sisingamangaraja, Blok M, Blok A, Haji Nawi, Cipete Raya, Fatmawati, ama Lebak Bulus.
Pake bus
[edit | edit source]
Setamplas bus antarkota utama di Jakarta Kidul yaentu di arah kidul-kulon deket jalan lingker luar. Setamplas enni ngelayanin banyak bus dalem kota, minibus, ama bus anter kota nyang sering nuju ke seluruh pulau Jawa, juga bus reguler ke Bali dan Sumatera. Setamplas gede laennya di Jakarta Kidul yaentu setamplas Blok-M, tapi enni setamplas cuma ngelayanin bus dalem kota ama wilayah metropolitannya.
Kita bisa ke Jakarta Kidul deri bagian laen Jakarta juga bisa pake bus Transjakarta. Koridor utamanya termasuk Koridor 1 deri kota tua Jakarta di Jakarta Barat ngelewatin Jakarta Pusat ke Blok M, ama Koridor 8 deri pusat kota Jakarta ke Pondok Indah ama juga terminal Lebak Bulus.
Muterin Jakarta Kidul
[edit | edit source]Transjakarta Trayek 6 ngelewatin arah jalan Rasuna Said ama Mampang lanjut Bonbin Ragunan.
Trayek 9 di Jakarta Kidul ngelewatin Semanggi sampe Stasiun Cawang, tapi mampir Trayek 6 di halte Kuningan Barat/Kuningan Timur. Trayek 8 berangkat ke bagian barat kota, ngelewatin daerah Gandaria, Permata Hijau, ama Pondok Indah sebelon berenti terakhir di Lebak Bulus.