Wy/bew/Jakarta

Jakarta (logat Kota: Jakartè) entu Indunisia punya ibu negeri ama kota nyang paling gedé, nyang penjogroknya ada barang 10 jutaan orang. Kalu di seantéro Jabodètabèk, mah, orangnya nyang ngejogrok ada barang 30 jutaan orang nyang ngeja ni kota jadi kota paling gedé di Asia Kidul-wètan. Dipoyokin The Big Durian, utan gedong, dadar-didir, ama hawanya nyang cembutrak, mah, mentak-mentak ngeja lu pèngèn cepet-cepet mè'rad deri mari, tapi kalu liat dalem-dalemnya, beuh, malah bakal berobah pikiran lu, mah! Jadi salah atu kota nyang paling ramé ama gedé di Asia, ni Kotè Jakartè gablek jagat malem nyang bènggras ama nyentèr, ama emol-mol nyang pating belatakan, daharan nyang pada ènak-ènak, taman nyang nyegerin juga' ada, ama keroncètan budaya èn sejarahnya juga' nyang ngga' kèok, nyang poko'nya apa aja ada, dah, di mari. Mana duitnya kecandak, lagi!