Wy/bew/Jabodètabèk

Jabodètabèk atawa nyeng dalem basa Indonésia digero' Jakarta Raya nya'entu atu daèrah nyeng masup ke Jawa Bekulon, Indonésia. Ni daèrah keitung negara punya hopstad Jakarta èn daèrah gigirannya. Kaya' Bogor, Dèpok, Tanggerang, Tanggerang Kidul, èn Bekasi.

Kota cenggableg

Tampang Jabodètabèk punya wilayah kalo deri peta

• — atu kota paling uplek di Asia nyeng jadi gabrugan budaya deri atu Indonésia.
• — atu kota nyeng keperna di Jawa Kulon, dipoyok "kota ujan" soalnya ujan mulu. Ni kota juga' gableg nama laèn wayah jaman Hindia-Nèderlan, nya'entu Buitenzorg.
• — ni kota jadi hopstad punya pekidulan. Di enni kota keperna Uniwesitèt nomer wahid di Indonésia, nya'entu Uniwersitèt Indonésia.
• — ni kota jadi hopstad punya pekulonan. Di enni kota keperna lapangan terebang paling gedé di Indonésia, nya'entu Lapangan Terebang Antérobangsa Soekarno-Hatta.
• — masing mirip ama Tanggerang, ni kota jadi hopstad punya pekulonan, cuman rada kulon-ngidulin. Enni kota jadi sintremnya petajiran, kaya' Bintaro Exchange, laènnya ada juga' perumaan atawa daèrah-daèrah tempat tinggal di mari.
• — atu kota nyeng jadi hopstad punya pewètanan. Enni kota jadi sintrem bakal industri.

Tujuan laènnya

• — taman laot negara di Telok Jakarta.
• — lapangan terebang paling uplek banget di Indonésia.

Nyahoin

Jabodètabèk entu atu daèrah mètropolitan paling gedé di dunia. Nama ni daèrah, dicomot deri masing-masing bunyi pertama deri nama-nama kota nyeng ngeujanya, Jakarta, Bogor, Dèpok, Tanggerang, èn Bekasi. Jumblah penduduknya neba ampé 30 jutaan orang. Bogor Kota keperna rada jau, bangsa 60km nguidul deri Jakarta, terus dikiterin ama gunung api, cuma laèn kota ngeuja atu daèrah kota nyeng terus-terusan.

Penduduk mukim di mari kebanyakan entu orang Betawi, ada lagi suku laèn nyeng tinggalnya di gigiran Jakarta, kaya' Sunda (daèrah Bekasi Kota èn Kabupatèn, Bogor, èn Tanggerang) ama Jawa (daèrah Tanggerang). Cumanan, lantaran Jakarta dah jadi Indonésia punya hopstad, mangkanya orang-orang deri macem-macem ètnis èn suku dateng ke mari. Ètnis nyeng paling banyak dateng ke mari wayah gini tuh ètnis Jawa, cuma ada juga ètnis laèn nyeng banyak jedog di mari, kaya' ètnis Tionghoa, nyeng pada jedog di Jakarta Kulon èn Tanggerang, Batak deri Sumatra Lor, èn Minangkabo deri Sumatra Kulon. Ni penggabrugan ètnis ngeuja budaya nyeng macem-macem, utamanya ketempo' deri macem-macem makanan èn jajanan nyeng cenggableg di mari.

Nganclong ke mari

Juntrungan gandaran di Jabodètabèk cakep bener, pan, soalnya jadi sintrem bakal kabèhan negara punya urus, kaya' pulitik, atur banda, budaya, èns. Kepadetan penduduk nyeng parah ngeuja sarana-sarananya susa dibangun bakal ngatasin tingginya jumblah turis nyeng neba. Entu punya lantaran, lu kudu ancang-ancang jam karèt lantaran macet di jalan atawa tempat-tempat berenti gandaran (kaya' lapangan terebang, pelabuan, stapsion, stanplas bes) nyeng lubèr-lubèr keliwat tampungannya.