Wy/bew/Cikarang
Cikarang nya'entu atu kota di Jawa Kulon nyeng jadi puser pemrèntahan Bekasih Kabupatèn. Cikarang entu kebagi jadi berabiji kecamatan, nya'entu ada Cikarang elor, Cikarang wétan, Cikarang kulon, Cikarang kidul, ama Cikarang pusat.
Enni Cikarang punya daérah gé kebagi jadi dua kawasan, nya'entu Cikarang lama atawa Cikarang Kota ama Cikarang baru.
Ngonclong ke marih
[edit | edit source]Maké kapal terebang
[edit | edit source]Bendara Soekarno-Hatta nya'entu lapangan terebang nyeng ngeladènin Jabodètabèk punya daèrah, keitung Cikarang di Bekasih punya kabupatèn. Ni lapangan terebang adanyah di Tanggerang, Banten, 20 kilo bekulonah Jakarta. Kabèhan pengiberan antèrobangsa ama ampir kabèhan pengiberan tempatan neba di marih.
Bendara Soekarno-Hatta gableg 3 terminal, terus dibagi lagi jadi anak-anak terminal:
- Terminal 1 (A-B-C), dipaké bakal kabèhan pengiberan senegara selaèn Air Asia ama Garuda Indonésia.
- Terminal 2 (D-E-F), dipaké ama kabèhan pengiberan antèrobangsa, selaèn Air Asia (D-E).
- Terminal 3, enni terminal nyeng paling anyar èn kewontenannya paling baè', dipaké ama maskapé Citilink, Garuda Indonésia, Air Asia, ama berapa pengiberan Lion Air ke Denpasar.
Lapangan Terebang Halim Perdanakusuma nya'entu lapangan terebang nyeng lumayan deket ama Cikarang, nya'entu di Jekarta Wètan. Ni lapangan terebang tibang ngeladènin pengiberan senegara deri maskapé Citilink ama Batik Air, pengiberan kenegaran, ketentaran, ama pengiberan sèwaan ada apa ora jadwalnya.
Maké keréta
[edit | edit source]Di Cikarang ada berabiji stapsiun, nya'entu stapsiun Cikarang, stapsiun Telaga Murni, ama stapsiun Lemahabang.
- Keréta ngiter nyeng arahnyah loop (nglawang) nya'entu lintas lawang Cikarang. keréta lintas lawang Cikarang cuman neba ampé Cikarang doangan. Kalu mao neba di stapsiun Lemahabang, kudu maké keréta lokal.
- Penjalan keréta negara ngadain berapa keréta arian deri kota-kota laèn di pulo Jawa, kaya', Jekarta, Bandung, Surabaya, Yogyakarta.
- Cikarang ada punya stapsiun keréta jawa utama nyeng juga' jadi stapsiun sepur ngiter, nya'entu stapsiun Cikarang. Kalo di kota ada nyeng kembarannya, nya'entu stapsiun Bekasih.
- Selaèn entu, Cikarang, gè', gableg stapsiun nyeng ngladènin sepur ngiter doang, kaya' stapsiun Telaga Murni atawa dia punya nama nyohornya stapsiun Mètlèn) di bekulon ngarah ke Bekasih ama stapsiun Lemahabang di bewétan bakal ngarah ke Kerawang. Entar di Kerawang, nya'entu di stapsiun Cikampèk entu jalan keréta bakal nyagak ke arah Bandung liwat Pulokarta ama ke arah Jawa liwat Cerebon.
Maké bis
[edit | edit source]Cikarang diladènin ama sistim BisKita Trans Wibawamukti nyeng mulain jalan deri stapsiun Cikarang ampé setasion LRT Jatimulya Tambun ngeliwatin Cibitung.
Bis AKAP neba ama mangkat deri terminal Cikarang. Bis jurusan sarian ke arah kota-kota di Jawa Kulon ngikutin jalur pantura. Kalu ngarah ke wétan, bis AKAP kamprahnya masup jalan ntol di Kerawang Wétan, alatan entu bis gé ngeladenin penumpang deri Kerawang ongkoh.
Ngider
[edit | edit source]Cara paling gampil bakal ngider di Cikarang entu maké taksi. Pangkalan taksi cenggableg di luar macem-macem sintrem belanja ama pondok ngèndong. Matskepé Taksi nyeng kesohor di Jakarta (keitung Blue Bird ama Express) juga' ada punya cabang di Cikarang. Ladènan taksi dalem jala, kaya' GrabCar atawa GoCar juga' jadi pilian èndes bakal warga bakal ngelancong ke sekulilingan Cikarang dari/ke Jakarta.
Bakal tukang lancong dèwèkan, nyèwa ojèg liwat aplikasi dalem jala (kaya' Grab atawa Gojèk) juga' jadi angkutan nyeng cakep bakal dipaké di Cikarang.
Cara paling murah bakal ngiderin kota Cikarang (kaya' di laèn kota-kota gedé di Indonésia nya'entu maké angkot. Angkot nurutin jalur pakem (ada macem-macem jalur di seantéro kota), cuma ora pakem jadwalnya, terus gè' ora pakem ongkoh tempat berentinyah. Bakal numpak, cukup ngawé-ngawé tangan. Bakal mudun, terèak "kiri!" bakal supir, jadinya entu supir bakal minggir ngasi mudun. Ongkos angkot dalem kota sokanan bangsa Rp5.000 ampé Rp10.000. Sebaè'nya tanya orang situ bakal jalur angkot mana nyeng kudu ditumpak ama pegimana cara ngenalin tempat bakal mudunnya.
Tempat sembayang
[edit | edit source]- Mesjid Al-Mukarromah, dibangun bangsa taon 1980-an ada di pinggir jalur pantura di Cikarang Kota.
- Geréja Krèsten Pasundan Karangasih ama GPdI Cikarang Karangasih, enni nya'entu conto-conto geréja protèstan nyeng ada di Cikarang.
- Geréja Ibu Térésa Paroki Cikarang nya'entu geréja ketolik nyeng ada di Cikarang.
- Wihara Sariputra, salah atu wihara nyeng ada di kawasan Cikarang Kota.
- Tepèkong Tèk Sèng Bio, dibangun taun 1825, enni jadi tepèkong paling tua nyeng ada di Cikarang bakal orang Buda ama Konghucu pada sembayang.
- Di Cikarang punya kota romannyah ora ada kènèh pura bakal orang Hindu sembayang. Cuman, orang Hindu bisa mérad ke Sukatani alatan di sonoh ada dah pura Hindu Bali nya'entu Pura Parahyangan Agung Jagatnatha Pasundan.