Wy/bew/Bogor

Dari Bogor Tengah, terlihat penampakan Gunung Pangrango

Bogor nya'entu atu kota nyeng keperna di Jawa Kulon. Kota nyeng dipoyok jadi Kota Ujan keperna juga' di bela kidul Jakarta. Ni kota nya'entu bagèan deri singgetan poyokan "Jabodètabèk" (Jakarta, Bogor, Dèpok, Tanggerang, Bekasi).

Nyahoin

Bogor eni letaknye sekitar 60 km dari kidul Jakarta, Bogor entu "bo" deri singkatan Jabotabek yang gede. Kota eni berpenduduk ampir 1,1 juta (2018) orang, dan kabupatènnya berpenduduk ampir 5,1 juta orang (2014). Eni kota pernah jadi ibu kota Indonèsia wayah jaman jajahan Inggris yang bentar, dan dengan nama Buitenzorg nyeng juga jadi ibu kota musim panas Belanda di musim kemaro panas. Karena tingginya 290 meter di atas permukaan laut, Bogor bagian atas jadinya lebih sejuk daripada bagian rendahnya nyang berasa lebih terik, dan di sono banyak elit Indonesia punya vila. Dulunya eni tempat boto banget, tapi karena pembangunannya nyang cepat ngubah pusat kota Bogor jadi lebih kaco sama kaya kota laen Indonesia. Namun, masih ada sungai, kanal, rumah-rumah beratap merah, masjid, gereja, pohon, bunga, dan Gunung Salak di dekatnya.

Nganclong ke mari

Maké sepur

• Sepur ngiter nyeng arahnya loop (nglawang) nya'entu lintas lawang Bogor.
• Penjalan sepur negara njalanin berapa sepur arian deri kota-kota laèn di pulo Jawa, kaya', Jekarta, Bandung, Surabaya, Yogyakarta.
• Selaèn entu, Bogor Kota, gè', gableg stapsiun nyeng ngladènin sepur ngiter doang, kaya' Stapsiun Bojonggede ama Citayem. Kalo di kabupatèn ada stapsiun nyeng kembarannya, nya'entu stapsiun Pondokrajeg, Cibinong, ama Nambo.

Maké bes

Bes AKAP neba ama mangkat deri terminal Bogor. Bes jurusan sarian ke arah kota-kota di Jawa Kulon, serènta bes sarian ke kota-kota nyeng lebi jauan, kaya' Semarang, Yogyakarta, Pelèmbang, Jambi, Padang, Médan, èst.

Ngider

Cara paling gampil bakal ngider di kota Bogor entu maké taksi. Pangkalan taksi cenggableg di luar macem-macem sintrem belanja ama pondok ngèndong. Matskepé Taksi nyeng kesohor di Jakarta (keitung Blue Bird ama Express) juga' ada punya cabang di kota Bogor. Ladènan taksi dalem jala, kaya' GrabCar atawa GoCar juga' jadi pilian èndes bakal warga bakal ngelancong ke sekulilingan kota Bogor dari/ke Jakarta.

Nyèwa béca' jadi cara nyeng paling sering dipaké bakal ngiderin kota Bogor santé-santé. Arganya bisa diomongin, cuma sokanan dia pada matok arga nyeng bisa (ceban) bakal pegi berapa kilo. Bakal tukang lancong sorangan, nyèwa ojèg liwat aplikasi dalem jala (kaya' Grab atawa Gojèk) juga' jadi angkutan nyeng cakep bakal dipaké di kota Bogor.

Cara paling mura bakal ngiderin kota Bekasi (kaya' di laèn kota-kota gedé di Indonésia nya'entu maké angkot atawa Commuterline. Angkot mèlu jalur pakem (ada macem-macem jalur di seantéro kota), cuma ga' jadwal pakemnya, terus juga' ga' tempat pakem berentinya. Bakal numpak, cukup ngawé-ngawé tangan. Bakal mudun, terèak "kiri!" bakal sopir, jadinya entu sopir bakal minggir ngasi mudun. Ongkos angkot dalem kota sokanan bangsa Rp5.000 ampé Rp10.000. Sebaè'nya tanya penduduk bakal jalur angkot mana nyeng kudu ditumpak ama pegimana cara ngenalin tempat bakal mudunnya.

Longok

• Museum Zoologi
• Kebun Raya Bogor
• Istana Bogor

Ngaub

Nerus ke mana

• Kujang
• Prasasti Batutulis
• Prasasti Cirauteun

Template:Wy/bew/Stub