Wy/bew/Amsteredam
Amsteredam ya'entu ibu negeri ama kota paling gedé di Welanda nyang punya penjogrog entu ada atu juta orang, Amsteredam entu Welanda punya sintrem atur banda èn budaya. Amsteredam punya panggilan Venice of the North (Pinisi deri lor) lantaran dia punya kanal-kanal nyang ngeliwatin kota ama rancang gedong nyang keopènan banget, èn sasak nyang jumblahnya ada 1.500.
Nganclong ke mari
[edit | edit source]Maké mesin ngiber
[edit | edit source]Lapangan Terebang Schiphol masuk ke dalem lima lapangan terebang antérobangsa paling ramé èn paling sibuk di Èropa, ngladènin lebi deri 63 juta penumpang taon 2016. KLM entu matskepé paling gedé nyang ngladènin Schiphol dan nanjain penerbangan ke kota-kota seantérobangsa.
Longok
[edit | edit source]Tempat-tempat nyang kudu didatengin entu ada: Musium kebangsaan negeri Welanda Rijksmuseum punya banda lukisan nyang gedé. Tukang-tukang lukis nyang punya lukisan kaga' bolé diliwatin ntu Rèmbran, Yohanes Permér, Prans Hales ama Yan Stén. Lukisan-lukisan nyang paling tenar entu ada Night Watch dan Milkmaid. Abis ntu ada Van Gogh Museum nyang mèjèngin banda lukisan èn gambar deri tukang lukis Pan Hoh paling gedé di dunia.
Musium laèn ntu ada Anne Frank Huis (atawa Achterhuis), ya'entu Ane Prank punya ruma, anak wadon Yahudi nyang nulis catetan arian pas ngumput deri Nazi Dètslan.
Pasar Albert Cuyp entu pasar pedagang kaki lima nyang paling gedé di Amsteredam ama di Welanda. Pedagang kami lima aslinya cuma jualan madangan, abis entu ada juga nyang jualan madangan èn pakéan, tapi jaman sekarang jualannya lebi husus.
Tiap distrik di Amsteredam punya satu taman. Taman Vondelpark entu taman nyang paling bekèn di Amsteredam, lantaran dia punya gedé èn hawa. Penjogrog biasanya ngekotrèk botol anggur pas usum panas.