Wy/bcl

From Wikimedia Incubator
< WyWy > bcl
Jump to navigation Jump to search

An Syudad nin Iriga sarong ikaapat na klaseng syudad sa probinsya kan Camarines Sur sa Filipinas. Namumugtak ini 400 kilometro sa sur-subangan kan syudad nin Manila, 37 kilometro sa sur kan Syudad nin Naga asin haros 67 kilometro sa norte kan Syudad nin Legazpi. Kataid kaini an mga banwaan nin Ocampo asin Sagñay sa norte; an mga banwaan kan Baao, Nabua asin Bato sa sulnopan; an banwaan kan Buhi sa subangan, anas sa Camarines Sur; sagkod an banwaan nin Polangui, Albay sa habagatan.

Sosog sa sensus kan 2010, igwang 105,919 katawo na nag-eerok digdi.

Nagin syudad ini kan Setyembre 3, 1968.

Pano maka-abot[edit]

Eroplano[edit]

Ana Cebu Pacific asin Philippines Airlines igwa oroaldaw nin biyahe hali sa Manila paduman sa Naga City airport. An oras aboton sa 35 minuto.

Sa luwasn kan airport, pwede magsakay nin bus, van o jeep pa Iriga. Aaboton sa 45 na minuto an oras pasiring sa Syudad nin Iriga.

Pwede man an Cebu Pacific o Philippines Airlines na biyahe hali sa Manila pasiring sa Syudad nin Legazpi. Aaboton sa mga 45 na minuto bago makaabot. Pag magayon an panahon, mahihiling igdi an gayon kan Mayon harani sa airport kan Legazpi. Hali igdi, pwede magsakay nin bus o van na paduman sa Iriga.

Bus[edit]

Dakol nin mga bus arog kan Philtranco, Penafrancia, Isarog na biyahe haling Manila pa Iriga. Makukua an kadaklan sa bus terminal kan Araneta sa Cubao.

An pan-agang biyahe nag pupuon nin mga 8:00 asin an panbanggi mga alas 9:00. Aaboton nin 9 na oras an biyahe kabali na an stopovers. An pamasahe sa bus mahihiling igdi Template:PHP.