Wt/zea/Iesjekeep

Zeêuws

Etymologie

Van Spaons Esequibo, buten twuvel van in'eimse afkomst. In de zin van 'doôd/kapot' of as verwensienge eit 't aolles te maeken mee 't vò Europeaonen verstikkende klimaot van dit gebied.

Omschrievienge

Iesjekeep

1. de riviere d'n Essequibo in Guyana
2. de landstreek en ouwe kolonie mee dezelfde naeme

Opmerkienge: in 't onwaerschienlijke geval dat 'n Zeêuw noe over deze plekken zou praote, zouwt 'n de naeme Essiquibo gebruke. Dezen ouwe naeme oort nog wè gebruukt in d' onderstaende uutdruksels.

Uutspraek

[ˈiʃəˌkeːp], [ˌiʃəˈkeːp]

Uutdruksels

• naer Iesjekeep gae
  1. doôdgae
  2. kapot gae
• Loôp naer Iesjekeep!, verwensienge

Varianten

• Iesekeep

Ziet ok

• Barrebiesje, barrebiesjes

Aore spelliengen

• iesjekeep Woordenboek der Zeeuwse Dialecten

Opmerkienge: meedat gin mens noe nog an 't land Iesjekeep dienkt, is t'r wat te zeien vò 't gebruuk van 'n kleine letter.

Ontlêniengen in aore taelen

• Skepi Skepi

Vertaeliengen

Vertaeliengen

• Iengels: Essequibo
• Nederlands: Essequibo

• Skepi: Skepi
• Spaons: Esequibo, Río Dulce (historisch)

Bronnen

• Dr. Ha.C.M. Ghijsen (red.), Woordenboek der Zeeuwse Dialecten. Van Velzen, Krabbendieke, 1964, ¹⁰1998: blz. 369