Wt/zea/'Ulpe:Oudfries

From Wikimedia Incubator
< Wt‎ | zeaWt > zea > 'Ulpe:Oudfries


Dit is 'n 'ulpblad, bedoeld vo korte achtergrondinformatie over 'n taele. Deze informatie is bedoeld vo de gebruker t'elpen bie vraegen die 'n droge vertaelienge nie zòmae beantwoorde kan.

Oudfries is de vroegste faose van de Friese taelen: Westerlauwers Fries, Saoterfries, Noôrdfries en nog zò wat uutgesturve taelen/dialecten. 't Loôp zò'n bitje toet 1500.

Wat-a je wete moete[edit | edit source]

't Oudfries is vaneiges van 't groôste belang vò de Friese taelen die-an d'rvan afstamme, mae ok vò 't Nederlands en 't Nederduuts is 't intressant. Vroeger wier d'r naemenlijk in 'n groôt gebied an de Noôrdzeê Fries gesproke. Vanaf d'n achtsten eêuw, as de Franken de Friezen onderwierpe, goeng de taele vromme, mae dat is mae vreêd langzaem gegae. Toet diep in de middeleêuwen kloenk t'r in Zeêland nog Fries; in 'Olland dierde dat zelfs nog langer. Ku je begriepe dat 't Oudfries vee invloed ao op 't Zeêuws en 'Ollands. 'n 'Andjevol veegebruukte woôrden bin van Friesen afkomst of bin deu 't Fries beïnvloed.

't Oudfries loôp deu toet ongeveêr 1500. Daemee dierde de "Oud"-faose van 't Fries vee langer as die van aore Germaonse taelen. 'n 'Middelfries' is t'r nie echt gewist, awast noeme sommigen d'n tied van 1500 toet 1800 wè zò. De lange teksten die me nog è komme aollemaele uut de laete middeleêuwen, mae de taele trek nog vreêd vee op Oudnederlands, Oudiengels, Oudsakisch etc. van rond 't jaer 1000.