Wt/sah/көҥүл

Саха тыла (sah)

«көҥүл» тыл түһүктэринэн уларыйыыта
Түһүк	Биир ахсаан	Элбэх ахсаан
Төрүт түһүк	көҥүл	көҥүллэр
Араары түһүк	көҥүллэ	көҥүллэрдэ
Сыһыарыы түһүк	көҥүлгэ	көҥүллэргэ
Туохтуу түһүк	көҥүлү	көҥүллэри
Таһаарыы түһүк	көҥүлтэн	көҥүллэриттэн
Туттуу түһүк	көҥүллүнэн	көҥүллэринэн
Холбуу түһүк	көҥүллүүн	көҥүллэрдиин
Тэҥнии түһүк	көҥүллээҕэр	көҥүллэрилээҕэр

көҥүл

Аат тыл.

Уопсастыбаҕа уопсастыбыннай-политическай олоххо тутулуга суох буолуу. ◎ Батталы утары өрө турарга, көҥүл иһин охсуһарга быһаччы ыҥырара Софрон Данилов

Уопсайынан кыһарыйыы, хааччахтааһын суох буолуута. ◎ Эн, Сергей, үчүгэй киһи эрээригин, биир муодалааххын ээ — киһи көҥүлүн, туой, тууйа сатыыр идэлээххин эбит Василий Яковлев — Далан

Хаайыыттан тахсыбыт киһи туруга.
Тугу эрэ гынарга быраабы биэрэр докумуон; тугу эмэ гынарга быраап биэрии. ◎ Холкуос бырабылыанньата уон тайаҕы бултуурга көҥүл ылбыта С. Никифоров

«көҥүл» тыл тылбаастара
Нуучча тыла: независимость, свобода; свобода; свобода; разрешение

Былыргы түүр тылтан: *köŋül (сүрэх). Туурактыы: gönül, азербайджанныы: könül

көҥүл

Даҕааһын аат.

Баттабыла суох, кыһарыйыыта суох. ◎ Көҥүл олоҕу ыламмыт Көҥүлбүтүн тутуоҕуҥ Саха фольклора

Кимтэн да тутулуга суох. ◎ Күлүмүрдэс дьүһүннээх, Көхсөөх сүрэхтээх, Көҥүл өйдөөх — көмүстээхэй доҕоччугуом! Өксөкүлээх Өлөксөй

«көҥүл» тыл тылбаастара
Нуучча тыла: свободный; вольный, независимый

Былыргы түүр тылтан: *köŋül (сүрэх). Туурактыы: gönül, азербайджанныы: könül