Wt/mnw/ၝောအ်ကိုဋ်

From Wikimedia Incubator
< Wt‎ | mnwWt > mnw > ၝောအ်ကိုဋ်
Jump to navigation Jump to search

(၁) crown, coronet (နာမ်) အရာမကျိုင်ကျဝ် သွက်က္ဍိုပ်၊ ဗွဲတၟေင် မကၠောန်လဝ် နကဵုထဝ် ကေုာံ ရတ်ဂမၠိုင် မပ္တံကဵု မတ်၊ မဒှ်ကယျိုင် ဨကရာဇ်၊ ဂၞကျာ် မကျိုင် ပ္ဍဲအခိင်ကာလ သဘင်သၟိင်တၠ။

(၂) crest (နာမ်) ဒကုတ်ကၞောတ် ဟွံသေင်မ္ဂး ဒၞာဲသၠုင်အိုတ် ပ္ဍဲကဵုအရာမွဲမွဲကီု သီုကဵု ပ္ဍဲဂကောံမၞိဟ်မွဲမွဲ ဗွဲတၟေင် ပ္ဍဲကျာ်စေတဳတုဲမ္ဂး မဒှ်အရာ မလဇံက်လဝ်လတူအိုတ်၊ ပ္ဍဲဂကောံမၞိဟ်မ္ဂး မၞိဟ်မဇၞော်အိုတ် ဗီုကဵု ဨကရာဇ်။

နိရုတ်[edit | edit source]

(သံသကြိုတ်) मुकुट (mukuṭa) (မုကုဋ)

(မန်တြေံ) မုကုတ်
ဍေယ်ပြသာဒ် မသဒိသ် ရောဝ်ဝေဇယန္တပြာသာဒ် မသ္ဂပ်လှီင် မဒသ် မုကုတ်ရတ် ဍူင်အရိမဒ္ဒနပူရ် (ပ္ဍဲပြာသာဒ် မသဒိသ ရဴ ဝေဇယန္တပြာသာဒ် မသဂပ်လှိင် မဒှ်ၝောအ်ကိုဋ်ရတ် ဍုင်အရိမဒ္ဒနပူရ်) (တၟအ်သဳခုင်၊ ဂ ၃၉-၄၁)။

(မန်တၟိ) ၝောအ်ကိုဋ် (ၝောအ်ကိုတ်)
"ဗောဓိသတ်(သၟိင်ပဒုမ) သလိုက် ၝောအ်ကိုတ်၊ ဗြကၞေင်၊ ဗသေင်၊ တဝ်စရှ်တုဲ -" (ဇာတ် ၁၉၃၊ အစွောအ်)။ ပ္ဍဲသက္ကရာတ် ၈၅၄၊ ဂိတုပုဟ် ၁၃ မမံက်ဂှ် သြိုင်နန်၊ လဗိုတ်ဇၞော် က္တဵုဒှ် က္ဍိုင်ကျာ်လဂုင် ကလာင်ဒတုံစှ်ေအာ ဒဵု ဍုင်သြေင်၊ တလညးဗညာရာံဝွံ၊ ယိုက်က္ဍိုင် ပ္တိုန်ၝောအ်ကိုတ်၊ မစဳရေင်တၟအ်ဗိုတ် ဗွဲမဂၠိုင် စုတ်လဝ် လတူ ဓုပ်ပြကာ ကျာ်လဂုင်ရ။ (ရာဇာဝံသသံခိပ်၊ အစွောအ်)။

စဳမတ်[edit | edit source]

ၝောအ်ကိုဋ် ဂှ် မန်ခေတ်လၟုဟ် ဟိုတ်ဟွံတီ အရေဝ်ဝေါဟာရမန်ဏအ်တုဲ ကၠာဲစၠောအ် အရေဝ်ဗၟာ "စိန်ဖူး" တုဲ ကော်ဒၟံင် "ခၟောမ်ဗိုတ်" ရ။ "က္ဍိုင်ကျာ်" ဂှ် မန်ခေတ်လဒေါဝ် ကော် ဗြသာတ်၊ "တိလစိင်ဗတာင် စိုပ်ဒလ ဗြပေင်ဂိတုဗိသက် တ္ၚေယ်ဗြဟပ်ဗတိ ယောက်ဗြသာတ် ကျက်ဇြငံဝေါအ် (တၟအ်ဇြငံ၊ ဒလ)။ "တ္ဍောင် (က္ဍိုင်) "ခါမတုယ်ဂဟ် တလညး ဗညာကေန်ဒဴ မဟိမုဓမၟဇေတြလောကျနာထဂဟ် မကိုဝ်လံက် အင်ကဒေ။ မယောက်စလံင်။ မယောက်တ္ဍောင်။ (တၟအ်ကျာ်လ္ဂုင် ခ၊ ၃၂ - ၃၃)။ တုဲ ဗွဲကြဴဏအ် သီုကော် "ဓုပ်ပြကာ" ဟွံသေင်မ္ဂး "ဓုပ်ပြကာက္ဍိုင်" ရ။

ဝေါဟာရတၟုပ်[edit | edit source]

  • စလံင် (မန်လဒေါဝ်)
  • ၝောအ်ကိုတ် (နူသံသကြိုတ်)